¹ Eke onwunye l'ime yo unwelè usugadhi ya li ud'onwunye, ụdhunigedhe a bhu uze udho ikpe l'ununu ẹmene umeye ka ununu ẹmene egwele Ebilikpabi la? ² Imajeni bhu emene Ebilikpabi bhu ekpebhe uwa ikpe ē la/ Ubule kpom bhu yoni bhu ekpeni uwam ikpe, iweni ike li ukadhidho uka bu eke nwotuko ē la? ³ Imajeni bhu yeni bhu akpeni emene uzhi-obioma ikpe e la? Kpomubokpe, anwewhoni uwhedhini ka li ukabe uka budu uwam ē la? ⁴ Ubule bhu inweni ike li ukakute uka iye loga li budumu abeni ebem, iye la udo mu igoneni otu uka uzhibhe kpom mu ibulaweni eka emene enwebhe unazhi li udho chochi la? ⁵ Ma kani yoni iyem kpu emele mu imajini iwene. Ya bu kpom uzhie nye zhi l'ime yo umaji eyo eme-amu ukakute usugadhi nwana nabo ē la? ⁶ Mubuwhokpom bhu nwana nabo bhu ulawetabhe udho ikpe-aubudhiwhu ọbu li ununu emene umeye! ⁷ Amu ubuwhoto kpom bhu nwana nabo bhu ulawetabhe udhọ ikpe ubuwhobu kpom bhu edemawho leni adama. ika whumaleni iye owhuma āumewho kpala? ika sabhetewholeni udhigbo aumewho kapala? ⁸ Buwhuto, yọni imetashidhini-emetashidhi āidhigbodhidhiwhuni edhibgodhi, imedhijenine otu iyem bu emene nwạnạ yo. ⁹ Imạjidhiwhun la kpom bhu emene umeye bhu eke okpudhobe li el'eze Ebilikpabi ē la? Anagbobhe yoni anagbo. Emene ewhele, emene ukpenibhe unoshi, emene uga, akunakuna ukomo, emenemu unawebhe nye-adhi-ibebhe, ¹⁰ emene ugbu, ẹmene ukal'uwome, emene menye, emene ukatashi, li emene egenege - oonwunye-nwunye l'ime bhe eke okpudho li el'eze Ebilikpabi. ¹¹ Yabu iye otutu yoni ibunu li ewelewe. Buwhuto, emekwakpolebhe yọni, asamakpolebhe yọni, ekpedumalebhe yọni li ewa Nyenweye Jizos Kalaisi l'ijine gonutu li Uw'egwelem Ebilikpabimu āyeni. ¹² "L'ime bhelebhele ịyẹ udhukata ume," mubuwhuto ubo bhelebhele ịyẹ ubadhu ịbạlaa. "L'ime bhelebhele iye udhukata ume," mubuwhuto iiye-iye l'ime bhe eke otuni me ukaa. ¹³ "Bhidhi bu audhishi li ụ́wọ́, a ụ́wọ́ budhiwhu audhishi bhidhi," buwhoto Ebilikpabi atashikpo bu ịyẹ ibom kpani. Ukpenebhe èlị l'ishili ewhelee. Kamubokpe, eli bu āNyenweye, mubujone kpom bhu Nyenweye enyeshike bu èlị enye. ¹⁴ Ebilikpabi utema Nyenweye li ẹnwụ, ya bu kpu etemadhiwhule ye li ugbakpo ya. ¹⁵ Imajeni kpom bhu eli yon bubhe utukpa eli kalaisi ē la? Ekem mo gonu utukpa eli Kalaisi mo dhushikatabhe li nye-akunakuna la? Uwhe umeȩ! ¹⁶ Emajeni kpom bhu nyemu unakedho nye-akunakuna bhu ya li nye-akunakuna buwhobhe ṅine ē la? Zhi kpom ukpalawhu egwele ukạò "Bheshi ibom obuwhobe bu ō-ọkpeli." ¹⁷ Bhuwhutokpom, nyemu udhushe ẹliya li Nyenweye ya li Nyenweye bhuwhobhe ū-ụwa ¹⁸ Gbani ewele ẹ̀sọ́! Bhelebhele ụd'ụji iyebhiyo onwunye umewhuto uzhela l'ime eli, bhuwhuto nye-ewhele ume bu umeye umetashi eliya wewe.' ¹⁹ Imạjẹni kpom bu eli yo bu udho-ukpeni Uw'ugwele, nye mu ụbo l'ime yọni, nye inwetani li eka Ebilikpabi ē la? Imajeni kpom bhu ibutoni emene eka yò ē la? ²⁰ Iyedo ugwobhe yọni li owayi, kpomubokpe, padhiweni Ebilikpabi gonutu li budu yò li uwa yo amu ubobhe ā Ebilikpabi.