¹ Ombu kpu udádhule bhu ugwutubhe yen, kpom emene uzhi Kalaisi li kpom emene ukwatebhe ishuka uwoli-owoli ā Ebilikpabi. ² L'umom ubu iye udhukata kpom bhu emene nwudho bhu ụbụbhe emene utakwashi obu. ³ Li me ubunime iye nwotukpo li aubule bhu yo bhu ikpeni me ikpe mu bune bhu ukpebhe me ikpe udho ikpe. Iyedo mẹwẹ. mekpenume elime ikpe-e. ⁴ Ma majem ubule bhu zhi iye ukabhe bhu meme eme, buwhuto ya bujene kpom bhu mobuwho nye ikpe bene bhu me meshem iyẹ-iyẹ ė. Nye ikpe me bu Nyenweye. ⁵ Kpomubokpe, ebeni ikpe kpatani iyẹ-iyẹ mu bha dhuma ubhe udhukata, mu bha dhuma eye Nyenweye eja. yạ wẹ ọlọwẹ bu usamali bhelebhele iye uwoli-owoli li igeleni, a ulowe uwe bhelebhele ugbegbe uzhi li obu. Nye nye anatu bu ukeni li eka Ebilikpabi. ⁶ L'umom, emene-nwana, mo gonu otu umelem me yishio li elime li Ạpolosi li ishili yon, kpu emele mu imajini ogbugba zhi li ukamu uka kpom "Ekapega iyemu ubhabhe abhe." Om bu kpu emele mu õonwunye-nwunye l'ime yo ugwe utubuzowe eliya olu, li shili kpom bhu adhukeshi oonwunye li ugwe unyetu udo nwunye. ⁷ Ṅina unyetu bhu izhini ise li udo emene la? Inweni bu iyẹ-la ubu kpom bhu únebhe yoni ene ē la? Kpom unebhe yoni ene, iyela udo mu idewhoni-ide zebhu únebhe yoni ene ē la? ⁸ Kpuzhile l'umom, enwetakpoleni bhelebhele iye iwudhigani! kpuzhilel'umom, ebumawholeni eze! yo ị̇chịtụ whoni eli yo l'ugwe unyetu ye! L'egede, ubu umashi me kpom bhu ichini eli yo kpu emele mu ye azhikeshi yoni li uchi-echi. ⁹ Iyẹdọ, me gbe kpom bhu Ebilikpabi ushishi ye emene-uzhi li ulowe ye kpom emene ukpozu li agili, li jine kpomuemene ekpeshibhe enwu. Ye abuwho iye-uledhi-āumama l'ime uwam - ā emene-uzhiobioma li aemene madegede. ¹⁰ Ye abu emene ìshì l'ishili Kalaisi, buwhuto yo imajini eyo l'ime Kalaisi. Ye abu emene akwalebhe-akwali, buwhuto yo ikwalini-akwali. Unẹbhe yọni odhu-ẹsọ, buwhutu unyedawebhe ye ẹlẹ. ¹¹ Dhumadhi umom, ịnwè zhili ugwe ye, ekidhi zhi li ukpe ye, ye ayojè jali kapaa, ukobhe ye iye, ye anwe-dhiwhone ụdhọ unazh-anazhii. ¹² Ye agonu eka ye li ume ugbolo akeshi ike li ume ugbolo. Eke ukpadhiwele bhe ye umụ, ye awokwanibhe bu owokwani. Eke uwhashielebhe ye uya l'ishili uwhetu ye, ye a kaiyite bu umâ. ¹³ Eke ukatashilebhe ye, ye asa bu li un'uma. Ye azhiwho kpọm obhushideni l'ime uwam, li ịyẹ utukalikpobhe li unyė. ¹⁴ Mà bhạnemu yoni otụ iyem li umeshi yoni inwene-e, buwhuto li udu yoni udu kpom umeledhe me mo gwushi-ogwushi. ¹⁵ Ubulene kpom bhu inwenine dhi púkú emene ùdùdhiga l'ime Kalaisi, ìnwéni ida tu-ogboo. Iyedo me mo buwho ida yo l'ime Kalaisi Jizos gonitu li uzhuma. ¹⁶ Kpombokpe, ma ja yọni kpu emele mi satuni me. ¹⁷ Om bu iyedoni mo dugashine yoni Timoti, ụnwọ me l'ime Kalaisi amu mogwushi-ogwushi unuzoshidhiwho ike. Yạ wẹ éwheshini yọni bu anwa li kpu memedhile iye l'ime Kalaisi, kpom ujim mezhẹbhẹ bhelebhele adhi li bhelebhele chochi. ¹⁸ L'umom otụtụ l'ime yo utubuzowemalebhe elibhe olu, l'ukpawho agwa zẹ bhụ eke me jadhem ozu gbaa. ¹⁹ Mubuwhto me ja bu li uzedhu, li aumashile Nyenweye. Ubulekpe eke ma maji kwawhutom iye emenem utubuzowebhe elibhe olum ukabhe, buwhuto mẹ weji kata bu kpu ugbakpobhe uzhile. ²⁰ Iyedo eleze Ebilikpabi uyulõ li iye ukadhi-akadhi, buwhuto li ugbakpo. ²¹ Iwudhigani bu elã? Nyawẹ igbanigbani mubujine nja li ugwushi lị uwa unuma la?