¹ Ubhem me jakeshe yon, me jawem li uwhashi unu-ekpo mubune li eyoo li kpom mabha kalashiwo ishuka kpatani Ebilikpalabi. ² Iyedo, kpom mezho l'ime ogbo yon me kpebe li ugwe umaji iyè-iyè gamagbo Jizos, li jinekpom bhu ukpogbabhe-okpọgbọ. ³ Mezhikeshi yon li uya-èlẹ, lijine li otogwu, li ụwhụdhị-ọwhudhi ubu eke. ⁴ Mu-ubudhiwho kpom bhu uzhu me zhikala li ukalashi-aka-lọshịme ụbọbhẹ gontiu li unu-èto li eke umajiyẹē. kamubokpe, ubu bu gonitu li utụgọshi Uwa-egwele li ugbakpo. ⁵ Kp'emele mụ ụgwẹ ubu kpọm bhu uwhetu yon bhu zhi l'ime umaji eyo madegede, buwhuto kpom bhu zhi l'ime ugbakpo Ebilikpabi. ⁶ L'umom ye akaloshi bu umaji eyo adhi emene ukabhe aka uzhibhe, ubụjene umaji ẹyo emene uwam, mubune āemene ụchẹchị uwam, amu ubo autadhu ewe. ⁷ Kamubọkpe, ye akaloshi eyo Ebilikpabi auzhi l'ime ishuka, eyom uwole-owoli amu Ebilikpabi owokwabhẹtọ uwam ubha bidọọ li ishili umanu-amanu yen. ⁸ Ōọnwunye-nwunye li emene uchẹchi uwam omajebhelaa, iyedo ubule kpom bhu umajibhe amaji, ubha kpogbobhe Eze-igili. ⁹ Buwhuto, abhama lebhema "uzhe ekpeleni ukaweji, uzhe ete uka nuji, uzhe obu madegede uka zhizhiloshi iye Ebilikpabi ubheteni emene ugwushabhe-ugwushi"- ¹⁰ Bụwhụto Ebilikpabi otugoshikpole ye otu iyeya gonitu li Uw'egwele. Iyedo, Uw'egwele unyetukpo bhelebhele iye, umashine bhu bu iye Ebilikpabi uwoketu-owoketu. ¹¹ Ubu ṅina umaji ugbegbe oonwunye gama uwa nyemu ya la? Yabukpu ubudhiwhule kpọm bhu uzhie nye maji iyẹ ebilikpabi unweketu gamawhuto Uw'egwele aaya. ¹² Buwhuto kpom, yeni awetani ubọọ uwam uzho l'ime uwaam, a nwetani bu Uw'egwele li Ebilikpabi, mu zhikpom bhu ye bha majini ogbo iyem Ebilikpabi une yeni ewe. ¹³ Ye akadhiọ uka kpatani otu iyem ubọo li unu ekpo ubuzoli li uzi-ezhi èyo madegedee, ụbụ bu āubuzoli li Uw'egwele, mu ye agbasamanio emene uzhibhe l'ime imȯo iye ime imoo. ¹⁴ Nyemu ẹzhiẹ l'ime imọo unwẹtaa iye bụ ā Uw'egwele Ebilikpabii, iyedo otu iye ya ubushiabhe iye ìshì. Unwe ike li umaji otu iye ya iyedo umajiwhebhe bhe bu li l'ime imọo. ¹⁵ Nyemu uzhio l'ime imoo utube bhelebhele iye, buwhuto, udo emene utubedhobhẹ a yaa. ¹⁶ "Ṅina umaji obu Nyenweye, mubu kpom bhu otụshina iye emene la?" Buwhuto, ye anwe obu kalaisi.