¹ Ọni aghyiukọ ọzoshie ọ ke kphele okphe ọli. Mhi mẹ atata ni o rhọ te idamhida de kpiale ekẹ. Ọni atata a rhi ugoji ukphokpho omii (irhẹrhẹ) nali. ² Ọ ke gweghyie oni ukphokpo oni omiia, ewọli e te oni omii oyọ khyima ẹẹ lasele e liabhi ududumhi ẹlamhi erhẹ. Eni ewọli ni e te oni omii lasele e bishi ọwọlia. ³ Initso e ke te eni ewọli eyọ lasele vhi ukhomhi ekẹ, a rhi izemhi na wẹ abhi izemhi ikpi ni e la ukhomhi ekagbọ. ⁴ A gwu khasẹ wẹ khi imhẹli e le ebuli wẹ khi ebe ni a gbọdọgbọdọ, ama sẹkẹnẹ iọgbọ ni e vha mhọli oni ishẹfẹ Ishinẹgba shi anukpo. ⁵ A vha ẹẹ wẹ khi e gbolo eni iọgbọ eyọa, ama khi e lee kee rhi echọ ẹẹ na wẹ elemhi ikyi ishie. Itomhi wẹ rhẹmhi oo to abhi itomhi okpi. ⁶ Eni egbẹlẹ eyọ iọgbọ e laa kee nono egwhuli, ama e vha laa mẹ. Ea kee nono, ama e vha mẹ egwhi. ⁷ Eni initso rhẹmhi e liabhi ikachi ni a nwuno egbe shi okwhẹ. ukhomhi wẹ rhẹmhi o liabhi arhu eghyiele igolu, ikpalo wẹ e liabhi alo ọgbọ. ⁸ E zẹ itsu ọkposto, akọ wẹ e liabhi ako idu. ⁹ E mhuẹ akpẹlẹ abhi akpẹlẹ akwhi, ingmemhi ipfua wẹ rhẹmhi o liabhi ingmemhi ikachikwhi ali ikachi ni e bububu ni e nanọ a lẹẹ okwhẹ ¹⁰ E ze ighyia ali ika abhi uka ikpi; eni ighyia wẹ eyọ e mhọli izemhi shi vhọ ni e rha tanọ iọgbọ ikyi ishie. ¹¹ Oghyie wẹ lẹ khi aghyiukọ oni omii. Ni o vhaa mhọli ukpẹsẹ. Eva li unu Iburu lẹ khi Abaddọn, unu Igreki lẹ khi Apollyon. ¹² Epfua ni kyiatsolo o she dọsẹ. Ghee! Ena e kha dọsẹ pfuse o khyie kpọẹ osoli ikwẹva le ni ea bhẹ. ¹³ Aghyiukọ ọzosasa ọọ ke kphele okphẹ ọli, Mhi ke sokwu khi urhuli ni o te ekphẹ ni o la oni ọta igolu ni o rhọ te odalo Ishinẹgba ẹẹ lasele. ¹⁴ Oni urhuli oo ke nu aghyiukọ ọzọsasa ni o nwi okphali mhọ obọ ngme, ''Wolọ eni ighyiukọ ane ni a gẹnọ shi okẹ Efurati abọa.'' ¹⁵ Eni ighyiukọ ane ni a nwunegbe shi oni ẹrhẹghẹ oyọ, oni ogbẹlẹ, oni ukyi, ali oni ukpe, a wolọ wẹ abọa khi e gbolo apfesẹ iọgbọ ni e la ukhomhi ekagbọ. ¹⁶ Ichoja ni e shele ukhomhi ikachi e kyila uchuyawa egbhọ igbe. ¹⁷ Ina mhi li mẹ eni ikachi elemhi irhọkhase ali eni ee nya wẹ: Akpele wẹ rhẹmhi o lilẹ, oo bishi dududu o gwe lilẹ. Ikhomhi eni ikachi rhẹmhi e liabhi ikhomhi idu, elemhi unu wẹ erhẹ ali ewọli ali ugbhele ofu e la. ¹⁸ Igwhamhi o gbolo opfi esẹ eni iọgbọ: eni erhẹ, ewọli, ali ugbhele ofu ni e te wẹ unu lasele. ¹⁹ Rharhi khi izemhi ni eni ikachi eyọ e mhuẹ o la wẹ vhi unu ali ughyia, rharhi khi ighyia wẹ rhẹmhi e liabhi enyẹ, e gwe zẹ ukhomhi ni e rhẹẹ kwali agbọ utse. ²⁰ Agbọ ni e kpọe, ni eni igwhamhi ena e vha gbe, e vha chigbe chegbe ikanya ebe ni e gbe le, wẹ khi rhẹmhi e chegbe igbega eni iyẹmhẹ ebe le, wẹ khi ikwhumhi ni a rhi igolu, ali isiliva, ẹlomho, echẹ, ali erhẹ, ẹtsẹkẹ ni e vha mato, suọ esọ, wẹ khi rhẹmhi ea kyia. ²¹ Wẹ khi rhẹmhi e chegbe ugbee le, imajiki, ighaba ali ighyiatọ le.