¹ Mhi ke mẹ ududumhi aghyiukọ ọvhese ni o rhọ te idane kphiale. ọ rhi itutu gwese egbe, onyaji o kpeda ni ukhomhi ọli. Ikpalo ọli e liabhi ọwọli ẹkoawẹ ọli e liabhi ẹlamhi ọcha erhali. ² Ọ nwu oni ukwhukwhu agbhagbhamhi ebe mhọ obọ ni a gweghyhiea, ọ rhi ẹkowẹ obita nya ukhomhi okwu, ọ rhi ẹkoawẹ ọgobọ shi ekẹ apfuẹ. ³ Ọ ke rhi urhuli ni o zezeze sọọse abhi idu ọa gbhomhi, abhi ọ ke rhọ sọse ikphala ishila e vanọ. ⁴ Abhi ikphala ishila e ke rhọ va, mhi lẹẹ ke kẹkẹ shi ekẹ, mhi ke sokwu urhuli o rhọ te aleghyie ngme, ọọ li. ''Imhẹ kẹkẹ wẹ shi ekẹ emeni eni ikphala ishila e ngme. Imhẹ kẹkẹ wẹ shi ekẹ.'' ⁵ Ighyiukọ na mhi mẹ khi e mugha ekẹ ali okwu, ọ yasẹ obọ obita ekẹ. ⁶ Ọ rhi ọni ọ nyele ẹlẹnagbọagbọ rhọmhi, ni ọ ma ekẹ ali idane ali emeni e la vhọ kwu, ali ekẹ ali emeni e la vhọ kwu: ''A vha ke gwe la chabọ. ⁷ Ama oni ogbẹlẹ ni aghyiukọ ozoshila ọ laa kphele okphẹ ọli, oni ẹrhẹghẹ li ingme ogbhagbha Ishinẹgba o rhọ laa tse, abhi ọọ ke li ngme ingmemnhi egamhẹ ọli khasẹ ebolẹ ọli eyọ.'' ⁸ Urhuli ni o te idane nu mhẹ ngme eyọ, o she gwe nu mhẹ ngme, ọọ li, : ''Kaa vu, khi u kaa myie ọni aghyiukọ ni ọ mugha okwu ali ekẹ eyọ oni agbhagbhamhi ebe ni a gweghyiea shi ọ vhi obọ.'' ⁹ Mhi ke bhuli ọni aghyiukọ khi ọ rhi oni ukwukwu ebe oyọ na mhẹ. Ọọ mhẹẹ, Rhue ọli khi u rhọ le. O laa kee yala ẹ vhi elemhi, Ama o laa lẹlẹ vhi unu abhi iwọ.'' ¹⁰ Mhi ke myie oni ighyiukọ oni ukwukwu ebe ni o la vhi obọ mhi rhọ le. o lẹlẹlẹ abhi iwọ shi mhe unu, ama abhi mhi ke rhọ le ọli pfuse, o mela ọyala shi mhe vhi elemhi. ¹¹ Iyọ a ke gwu khasẹ mhẹ, ẹẹ mhẹ, ‘’U nwemaa ngme ingmemhi ogbhagbha khasẹ agbọ nebu, ẹvhue khi ẹvhue, inu irhuli nebu, ali enighyie.''