1 A rhi emeni a rha mhase ẹtsẹkẹ na mhẹ ni o liabhi akwhili ni a rha mhasẹ etsẹkẹ. Ẹẹ mhẹẹ, ''Vu ekẹ le khi u kaa mhasẹ apfẹ Ishinẹgba ali oni ọta, ali eni e la vhọ a ga ugamhi. 2 Ama imhẹ ke mhase atukpapfe ni o la oni apfẹ Ishinẹgba, rharhi khi a she rhi ayọ ni eni Ijẹtasi. E laa rhi awẹ nwuno oni ẹvhue ni o pfuasẹ ikyi egbhọ eva ikpẹ ẹvaali ikyi ẹva. 3 Mhi laa rhi afu ni ọtsẹlẹ ava mhẹ khi e rhọ ngmẹ ingmemhi ni e gbhagbha lasele elemhi ogbẹlẹ agbẹlẹ egbhọ igbe, egbhọ igbe ali esẹ, e rhi ede ọrhọ kwu egbe.'' 4 Eni otsẹlẹ ava wẹwẹ khi orhẹ olivi eva ali emeni a rhi ikpa kphase ni e she nu Ọnọmhuẹyẹ mugha oni ekẹ ona. 5 A kha mẹ ọgbọ ni ọa nono khi lẹ laa rhi ẹtsẹkẹ li wẹ, erhẹ o te wẹ unu lasele a rhi eni ẹbele wẹ le. eni e nono khi wẹwẹ rhi ẹtsẹkẹ li wẹ oni odẹ ona li a te gbolo wẹa. 6 Eni ọtsẹlẹ ena e mholi izemhi ni e rhẹẹ gwese idane khi amẹ o ke rhuẹ ẹrhẹghẹ ni e rhẹẹ ngme ingmenhi ogbhagbha lasele. Ee mhọli izemhi ni e rhọ rhi ame mela ọlia e gwe dobẹ rhi igwhamhi ọdọdọda ẹẹ shi ekẹ ẹrhẹghẹ ni o gwhẹ wẹ. 7 Ẹrẹghẹ ni e ke rhọ pfi ọtsẹlẹ wẹ pfuse, ọni ẹlamhi ni ọ rhọ te elemhi omii ni o vha mhọli ukpẹsẹ lasele Ọọ laa kholi wẹ. ọ laa nwu wẹ le ọ gwe gbolo wẹa. 8 Ijegbe wẹ e laa pfino gbe vhi elemhi ifuodẹ oni ududumhi ẹvhue (ni a rhọ khọkhọ Isodomu ali Igipti) asha ni a gbe Ọnọmhọli wẹa shi. 9 Egbẹlẹ esẹ ali ukhyikhyi agbọ egwho ni e te ashakhasha bhale, ẹdẹ, unu ẹvhue, ali ẹvhue nefu e la laa ke bino eni ilimhi wẹ e vha la lama khi a rhẹ wẹ tọ iji. 10 Eni e nyele ukhomhi ekẹ e laa ke ghẹlẹ shi vhọ, e rhi isomhopfa a ghyi egbe rharhi khi eni ebolẹ ava e she rhi echọ ni eni e la ukhomhi ekagbọ kwhe. 11 Ama abhi ogbẹlẹ ozesẹ ali ukhyikhyi e ke rhọ dọsẹ a lẹ, ayẹmhẹ oo te obọ Ishinẹgba a lono wẹ egbe, e chi ekẹ vule udu o pfia eni e mẹ wẹ elemhi. 12 E sokwu urhuli ni o ze o te idane nu wẹ ngme, eẹ wẹ, ''Vha shele ekẹ ana.'' E ke te elemhi atutu lono idane, ẹbele wẹ ee bino wẹ. 13 Oni ẹrhẹghẹ oyọ ududumhi ekẹ ee kwuno lono, a kha pfa oni ẹvhuea shi ashi igbe o kwunolo. iọgbọ agbẹlẹ egbhọ igbe asha ishila li a gboloa shi oni ekẹ ni o kwulo, eni e pfue vhọ le ududumhi ulishi li o kee nwu wẹ e kee chichi Ishinẹgba ni ọ la aleghyie. 14 Oni epfua ozeva o dọsẹ a lẹ; epfua oni ozesẹ o kẹlẹ a bhẹ. 15 Iyọ aghyeukọ ọzoshila ọọ ke kphele okphẹ ọli, urhuli nebu ee ngme vhi elemhi aleghyie, ni e li eẹ li, ''Eghyiele oni agbọ ona o she kyili eghyiele Ọnomhuẹyẹ ali Ikiristi ọli, ọ la laa le eghyie agbọagbọ. 16 Iyọ eni ejọ uye ali ane ni e shitọ oni utekwu eghyiele ukpeloli Ishinẹgba e tanọrhugwu eke, e gbega ni Ishinẹgba. 17 Eẹ li, ''Eyẹ tse uwegbe, Ọnọmhuẹyẹ ni Ishinẹgba, ọni ọ mhasẹ a na ẹtsẹkẹ kwu, ọni ọ la nena, ni ọ kpọ la, rharhi u she rhue oni ududumhi izemhi ẹ, u le eghyiele. 18 Eni ẹvholi e lẹẹ fu ofu, ama ofu ẹ o she bhale. O she rhamhi oni ẹrhẹghẹ ni a rhọ laa gwu eni e gwhu ẹzọ u rhi ifọta ni egamhẹ ni e kyili ebolẹ, ali eni e myie suọ ali eni ee nulishi eva ẹ, li shi iọgbọ apfuẹ ali eni e nwẹloe. Oni ẹrhẹghẹ o she rhamhi ni u rhọ laa pfuse eni ea pfuẹchẹ oni ekẹ onaa.'' 19 Iyọ apfe Ishinẹgba ni o la oweda aa ke gweghyie ọlia, a mẹ akpẹchi alamanegbe vhi oni apfẹ ọli. inyamhinya ee li gbia gbia, igwhumhiza ikphala e vanọ, ekẹ o kwunolono, ali ikpoikpomhi ikwu echẹ.