¹ A mẹ Ududumhi ọnyaloa vhi elemhi idane: ọkpotso ni ọ rhi ọwọli kwu egbe, ni ọ mugha ukhomhi ukyi: itata igbe ali eva e la vhi arhu eghyiele. ² Ọọ mẹ ọọ vyiẹ gbalalala rharhi khi okwhu ivyiamhi ọọ to ọ. ³ A gwe mẹ ọnyaloa ovhese vhi idane. laa rhọ mẹ ududumhi elamhi ọlilẹ ni ọ liabhi ọnyiẹ ni ọ zẹ ikhomhi ishila ali ekphẹli igbe, ọ chigbe gwhese irhu eghyiele ishila. ⁴ Ughyia ọli o fuomhi asha esẹ vhi itata ni e la idane e khọrhọ wẹ kwule vhi ekẹ. Ọni ẹlamhi ni ọ liabhi onyiẹ ọ nu ọni ọkpotso mugha abhi ọ li lẹ vyia, ishọyọ ọ kha lee vyia lẹ gbe ọli ọni ọmọ le. ⁵ Ọọ ke vyia ọmọ ọmọse, ni ọọ kee rhi orhẹ akwhi mhasẹ ni ẹvholi khi ẹvholi kwu. Aa bẹ ọni omyi ọli vhi ekẹa bhuli Ishinagba je utekwu eghyiele ọli. ⁶ Ọni ọkposto ọ na lo elemhi apata, asha ni Ishinẹgba o nwunegbe shi nali, khi a rhi ẹloe kwhu ọli elemhi egbẹlẹ agbẹlẹ egbhọ igbe ali esẹ. ⁷ Nenaa okhọli oo ke de shi elemhi aleghyie. Imakẹli ali ighyiukọ li e nu ọni ududumhi ẹlamhi ni ọ liabhi ọnyiẹ ẹẹ khọli; ọni ẹlamhi ọ li nu eni ighyiukọ ẹẹ kholi. ⁸ Ama ọni ududumhi ẹlamhi ni ọ liabhi ọnyiẹ ọ vha ze pfuse ni ọ rhọ dobẹ nwu eni ighyiukọ ẹẹ le. Elemhiyọ, ọ wasẹ ikpa ni ọ mhọli shi aleghyiea. ⁹ Ọni ududumhi ẹlamhi ni ọ liabhi ọnyiẹ a pfi ọli kpiale, ni ẹẹ lu okhyio ni ọọ ghagha agbọ kwu, a pfi ọli ali ighyiukọ ọli kpiale vhi ekẹ ¹⁰ Mhi ke sokwu urhuli ni o zezeze vhi aleghyie: ọọ li, ''Nenaa oni imyiepfuese, ali oni izemhi, ali eghyiele Ishinẹgba eyẹ, ali oni afu ni o kyili uwi Ikiristi o she bhẹ. Rharhi khi ọni ọa pfino inyọgwho eyẹ olẹmhi a she kwhu ọli kpiale ekẹ, ni ọ pfino wẹ elẹmhi a khasẹ Ishinẹgba shi ota shi iyọsẹ. ¹¹ E rrhi ọlia ọni Oke laa nwu ọli le ali ingmemhi ọtsẹlẹ wẹ, rharhi e vha dobẹ ayẹmhẹ wẹ nwu wẹ ẹloe, khi wẹwẹ e ke gwuloa. ¹² Elemhiyọ aleghyie, vha kee ghẹlẹ, ali eni e nyele ayọ kwu. Ama epfua khi eni e la ekẹ, ali okwu rharhi khi a she pfi okhyio kpiale bhuli vhẹ le. Ududumhi ofu o vọ ọli, rharhi khi ọ yẹsẹ ukwukwu ẹrhẹghẹ li lẹ ke mhuẹ. ¹³ Abhi ọni ẹlamhi ni ọ liabhi ọnyiẹ ọ ke rhọ mẹ kha she pfi lẹ kpiale ekẹ, li ọ rhọ kwhu ọni ọkpotso ọyọ ni ọ vyia ọmọ ọmọse. ¹⁴ Ama a ke rhi ipfua eva ni e liabhi ipfua ukpokpomhi ughoso ni ọni ọkpotso, ishọyọ khi ọni ọkpotso ọ dobẹ fiala je asha ni a khyiẹle shi nali vhi elemhi apata, asha ni a la laa ke rhi eloe kwhu oli, elemhi ẹrhẹghẹ, ali ukhyikhyi ẹrhẹghẹ, asha ni ọni ẹnyẹ ọ vha laa dobẹ rhamhi. ¹⁵ Ọni ẹnye ọ te unu kpa ame lasele abhi okẹ, ishọyọ khi ikpho e kẹ tsua ọni ọkposto a pfia. ¹⁶ Ama ekẹ li o kpaghyiẹ ọni ọkposto obọ. o gweghyie unua ọ to oni okẹ luẹ ni ọni ẹlamhi ni ọ liabhi ọnyiẹ ọ te unu ọ kpa lase. ¹⁷ Ududumhi ofu ọni ọkpotso o vọsẹ ọni ẹnyẹ, li ọ ke rhọ lẹẹ khọli Imyi ọni ọkpotso ni e kpọẹ, eni e rhi ingmemhi Ishinẹgba gwhẹ ali eni e lama shi ọtsẹlẹ Ijesu. ¹⁸ Ọni ẹlamhi ni ọ liabhi ọnyẹ ọ ke mugha ukhomhi ekhashiẹ ni e la esọ okẹ.