¹ Mhi ke mẹ ọni ẹlamhi ọ te okwu lase. Ọ zẹ ekphali igbe ali ikhomhi ishila. Arhu eghyiele igbe li e la vhi ekphẹ, ọ kẹkẹ eva ni e zẹnọ ẹbe ni Ishinẹgba. ² Ọni ẹlamhi na mhi mẹ ena, rhẹmhi ọ liabhi ududumhi ẹlamhi ọdumhi. Awẹ ọli rhẹmhi e liabhi awẹ ẹkpẹ unu ọli o liabhi unu idu. ọni ududumhi elamhi ni ọ liabhi ọnyẹ ọ rhi izemhi nali, ali utekwu eghyie, ali izemhi otọgbe. ³ Ukhomhi ogwho eni ikhomhi ọni ẹlamhi o mhọli ududumhi ikwọtse ni o kha gbe ọli. Ama oni ikwotse o she ke vyie, oo nya agbọ kwu aloa li e rhọ rhọ khali ọni ẹlamhi. ⁴ Rhẹmhi e kee gwe li gbega ni ọni elamhi ni ọ liabhi ọdumhi eyọ, rharhi khi ọ she rhi izemhi ni ọni ẹlamhi ọyọ. E gwe li gbega nali, ee li eẹ li, ''Ọgwho ọ liabhi ọni ẹlamhi? Ọgwho ọ dobẹ nu ọli a kwhẹ?'' ⁵ Ọni ẹlamhi a rhi unu nali ni ọ rha ngme ingmemhi ichichigbe ali unu enwe. A rhi unu nali elemhi ikyi egbhọ eva ikpẹ eva. khi ọ rhọ rhi izemhi ọli khase. ⁶ Iyọ ọni ẹlamhi ọọ gweghyie unua ọ zẹ onobe ni Ishinẹgba, ọọ pfuẹchẹ ọli evaa, shi obhoni ọ nyele ali eni e nyele aleghyie Ishinẹgba. ⁷ A rhi izemhi ni ọni ẹlamhi khi ọ rhọ khọli eni e myie suọ, ishọyọ khi ọ nwu wẹ le. Abagwhoyọ, a gwe rhi izemhi nali obodẹ ẹdẹ, iọgbọ, unu ẹvhue khi ẹvhue kwu. ⁸ Eni e nyele ukhomhi ekẹ agbọ kwu e laa kee gbega nali, Ọni a sheda kẹkẹ evali shi oni ebe inyele, obọ ni a rhọ to agbọ ekẹle, ni ọ kyili uwi ọni Oke, ni a ke pfa urhui. ⁹ Ọni ọ zẹ esọ, ọ rhi esọ shi ekẹ. ¹⁰ Ọni a sheda ẹẹ khi ogba ogwhumha li ọa je, igwhumha li ọa je. Ọni a sheda ẹẹ khi ọfẹdo li a rha gbe ọlia, ọfẹdo li ọ nu a je, iyọ eni e myie suọ e mhọli irhobọnwidu e rhi egbe myie. ¹¹ Mhi ke mẹ ẹlamhi ovhese ni ọ rhọ te elemhi ekẹ lasele. ọni ẹlamhi ọ zẹ ekphali eva abhi omyi oke ọọ ngme abhi ọni ẹlamhi ni ọ liabhi ọnyẹ. ¹² Ọọ rhi izemhi khasẹ odoshimhi ọni ẹlamhi ni ikyiatsolo, ọ rhi eni e la ukhomhi ekẹ ali eni e nyele vhọ gbega ni ọni ẹlamhi ni ikyiatsolo, ni ududumhi ikwọtse ọli o she vyie eyọ. ¹² Ọọ rhi izemhi khasẹ odoshimhi ọni ẹlamhi ni ikyiatsolo, ọ rhi eni e la ukhomhi ekẹ ali eni e nyele vhọ gbega ni ọni ẹlamhi ni ikyiatsolo, ni ududumhi ikwọtse ọli o she vyie eyọ. ¹³ Ọọ gaa gbe ikanya inyaloa nebu, ọọ gaa li rhuẹsẹ erhẹ te idane kwule rhugwhu agbọ, ¹⁴ Rharhi eni inyaloa ni ẹẹ li khi ọ gbe shi ni ọni ẹlamhi ni ikyiatsolo, rhẹmhi ọ rhẹ wẹẹ ghagha iọgbọ ni e nyele ukhomhi ekẹ, ọọ wẹ khi ọni ẹlamhi ni a rhi ọfẹdo kwali utse ni o gwe vue eyọ, ee ma ẹtsẹkẹ ni a kee ga khi o rhọ kyili eghọghọ nali, ¹⁵ A rhi imasha nali khi ọ yẹmhẹ rhugwhu ọni a rhi ẹlamhi khọkhọ ma khi ọni ẹlamhi ọyọ ọ kee ngme ishọyọ khi ọ zẹ khi eni e vha lama gbega ni ọni ẹlamhi khi a gbolo wẹa. ¹⁶ Rhẹmhi ọ rhi izemhi nwuno iọgbọ, shi enanya, ali enọsuemhẹ shi eni e ze ali eni e vha nwu ẹulue, shi egbadegbea ali igwhumha, khi e rhọ myie oni ishefẹ shi anukpo ọa liyọ oshimhi obọ obita. ¹⁷ Ọni ọ vha mhọli oni ishẹfẹ ọni ẹlamhi ọyọ, ọ vha gwe dobẹ a dẹ wẹ khi rhẹmhi ọ rhi ẹtsẹkẹ dẹ, sẹkẹnẹ khi rhẹmhi ọ myie oni ishẹfẹ, oni ilolo o mugha shi eva ọli. ¹⁸ Ingmemhi ẹgbhẹ lẹ khi ona. A kha mẹ ọni ọ nwu ẹloe a shi ngme, ọ lolo ilolo ọni eva ọni ẹlamhi. Rharhi khi ilolo ọgbọ li o kyia. oni ilolo khi esesa, esesa, esesa.