¹ Mhi kee bino, mhi mẹ ọni Omyi Oke ọ nu mhẹ mugha ukhomhi okpha Izayọni. Iọgbọ ni e nu ọli la ayọ e kyili agbẹlẹ egbhọ igbe asha egbhọ ishila ikpẹ ene ni a kẹkẹ eva ọli ali eva Ita ọli shi anukpo. ² Mhi ke sokwu urhuli vhi idane khi o ngme abhi amẹ ni e bububu o vanọ abhi ikphala. urhui na mhi gwe li sokwu rhẹmhi oo ghyiela abhi ni a kphele ẹfa. ³ E la odalo oni utekwu eghyie ukpẹloe eni elamhi ane ee to uwolo ogbọ. Sẹkẹnẹ eni iọgbọ agbẹlẹ egbhọ igbe eyọ asha egbhọ ishila ikpẹ ene ni a te ukhomhi ekẹ tsumhi. ⁴ Ena khi eni e vha rhi ingme ikpotso pfuẹchẹ egbe wẹa, rharhi khi rhẹmhi e nwu egbe wẹ tsetse obodẹ idetsia ikposto ali emọse. Wẹwẹ li e lee rhẹẹ khali ọni Omyi Oke obhoni ọ je kwu. Ena khi eni a kyiatsolo te elemhi agbọ tsumhi lasele abhi ikpamhi erhẹ ikyiatsolo ni Ishinẹgba ali ọni Omyi Oke. ⁵ A vha mẹ wẹ olẹmhi vhi ukpatsunu: etse e vha la wẹ vhi egbe. ⁶ 6 Mhi mẹ aghyiukọ ọvhese ọọ fiala iteteva idamhida, ni ọ mhọli usomhi ogbọ elenagbọagbọ ni ọ tsabọ khasẹ eni e nyele ukhomhi ekẹ agbọ, ali ẹvholi kwu, ali unu ẹvhue kwu, ali ẹdẹ kwu, ali iọgbọ kwu, ⁷ Ọ rhi urhuli ni o zezeze ngme, ọọ li, ''Vha nulishi Ishinẹgba vha rhi ikiki nali. rharhi oni Erhẹghẹ igwẹzo ọli o she rhamhi. Gbẹga nali, ọni ọ ma ekẹ ali idane, ekẹ, khi ekẹ kwu nia na.'' ⁸ Aghyiusomhi Ishinẹgba ozava, ọọ ke ngme, ''idemhi, Ibabiloni nofu o she de, ni o rhi agbọ kwu de enyọ ni e kyili uwi onyọ ni o kyili uwi idetsia ni o rhi ofu ishinẹgba bhuli ọli le,, ⁹ Aghyiukọ Ishinẹgba ọzasẹ ọọ rhọ khali ọ, ọ rhi urhui ni o zezeze sọọse, ọọ li, ''A kha mẹ ọni ọ gbega ni ọni ẹlamhi akọ ali ọni a rhọ khọkhọ ọli ma eyọ, ọ myie ishẹfẹ ọli shi anukpo o ke kyili obọ ọli, ¹⁰ ọ li laa da oni onyọ ni o kyili ofu Ishinẹgba, oni onyọ ni a she nwuno egbe shi ekẹ ni a vha kwu amẹ shi ni a kwu shi ukọlọ ofu Ishinẹgba. Oni ọ laa da oni onyọ a la laa mẹ ẹchọ vhi ẹlamhi erhẹ ali ogbhẹlẹ ofu ukpeloli ighyiukọ Ishinẹgba ni e pfuasẹ ali ọni Omyi Oke. ¹¹ Eni ewoli ẹchọ ni e mẹ rhẹmhi e lee shele je idamhida ẹlẹnagbọagbọ, shi ota shi iyọse e vhaa vhiẹmhia, eni e gbega ni ọni ẹlamhi akọ ali emeni a rhọ khọkhọ ọli ma, ali eni e myie ishẹfẹ eva ọli. ¹² Rhẹmhi a rhi ona ngme khasẹ eni e myiesuọ khi e mholi irhegbemyie ali irhọbọgbanidu, eni e rhi ishi Ishinẹgba gwhẹ ni e mhuẹ irhọshiọ rhọ khali Ijesu.'' ¹³ Mhi sokwu urhuli o te idamhida ngme, ọọ li, ''Kẹkẹ ona: izọtena khi uwi iọgbọ ni e gwhu shi elemhi Ọnọmhuẹyẹ.'' ''Ee, ''Ayẹmhẹ lọ ngme eyọ, ''Ishoyọ e kẹ vhiẹmhia vhi ikanya wẹ, rharhi khi ikanya aghyie wẹ a laa rhọ khẹ wẹ. ¹⁴ Mhi ke bino mhi mẹ atutu ni oo pfuasẹ, ọni ọ shitọ vhọ ọ liabhi Omyi Ishinẹgba. Ọ gwese arhu igolu shi ukhomhi. ọ nwu agbeikwu ni o nwunwunwu mhọ obọ. ¹⁵ Aghyiukọ ọvhese ọ te elemhi apfẹ ugamhi Ishinẹgba lasele, ọ rhi urhuli ni o zezeze nu ọni ọ shitọ ukhomhi atutu ngme: ọọ li, ''Rhue agbeikwu ẹ khi u kee kyhiẹsẹ. rharhi oni ẹrhẹghẹ ikyhiẹsẹ o she rhamhi, abhi oni agbọ ona o ke rhọ vyie ni a khyiẹsẹ.''' ¹⁶ Ọni ọ shitọ oni ukhomhi atutu ọ pfi agbeikwu ọli pfishi ekẹ, li a rhọ khyiẹsẹ oni ekagbọ abhi ẹkọmhi. ¹⁷ Mhi ke mẹ Agyiukọ ọvhese ọ rhọ te apfe ugamhi Ishinẹgba ni o la aleghyie lasele; ọ li nwu agbeikwu ni o nwu mhọ obọ. ¹⁸ Aghiukọ ọvhese ọ te ọta Ishinẹgba lasele, aghyiukọ ni ọ mhọli izemhi erhẹ. Ọọ nyalu ọni aghyiukọ ni ọ nwu agbeikwu ni o nwunwunwu mhọ obọ zezeze, ọọ li, ''Rhue oni agbeikwu ẹ khi u te ikpamhi erhẹ ni e la ukhomhi ekagbọ kee khyiẹsẹ rharhi khi eni ikpamhi e she lilẹ.'' ¹⁹ Ọni aghyiukọ Ishinẹgba ọ pfi agbeikwu kpiale ekagbọ, ọ sanọ eni ikpamhi erhẹ ni e la ukhomhi ekagbọ, ọ pfi wẹ kwulo oni ukpokpomhi asha ni a la nye enyọ ofu Ishinẹgba. ²⁰ Elase oni ẹvhue li a rhi awẹ mise eni enyọ ọa shi, olia li a te vhọ mise lasele, ni e kyia khi e yagha rhamhi ukpatsunu akachi, ni a nwu uli zu unu rhamhi imali agbẹlẹ egbhọ igbe ali esẹ