¹ Mhi ke mẹ ishẹfẹli ovhese vhi elemhi idane, nofu ni o gwe nyaloa: A mẹ ighyiukọ oshila e tsua igwhuamhi, ni e kyili ighyhamhi ni e kposhimhi. Rharhi khi wẹwẹ lee rhi ofu Ishinẹgba gba pfuse) ² Mhi mẹ emeni e liabhi okwu ughegbe ni o li nyia, nyia, abhi erhẹ, eni e mugha oni esọ oni okwu, wẹwẹ khi eni e nwu ọni ẹlamhi akọ ali ọni a rhọ khọkhọ li ma le, ali ilolo ni o mugha shi eva ọli. Ishinẹgba ọ rhi ighyieta ni a kphele mhọli wẹ obọ. ³ Ee to uwolo Imozisi ni ọ kyili ugamhẹ Ishinẹgba, ali uwolo ọni Omyi Oke: oni uwo khi ona, ''Ikanya etọgbe ali inyaloa lẹ khi iyẹ, Ọnọmhueyẹ ni Ishinẹgba, ni ọ mhasẹ a ni ẹtsẹkẹ kwu. Ingmaghyie ali igwabhagbe lẹ khi edẹ ẹ, oghyie agbọ kwu. ⁴ Ọgwho ọ vha laa nulishi ẹ, Ọnọmhuẹyẹ, ni ọ vha laa rhi ikiki ni eva ẹ? Rharhi khi ghyiẹ lọgwho luu pfuasẹ. Evholi kwu e bhale laa gbega nẹẹ rharhi khi igwabhagbe ẹ o she ga ọgbọ ẹlee.'' ⁵ Ena e ke dọsẹ a lẹ mhi ke bino asha ni o gaa pfuasẹ nẹẹ, ni o kyili apfẹ ọtsẹ, a kweghyiea ọlia. ⁶ Aghyiukọ Ishinẹgba ni e tsua idudumhi igwhamhi ishila e rhọ te asha ni o nwemaa pfuasẹ lasele, e rhi ede epfopfo ni e pfuasẹ, pfuasẹ sọ, e rhi ede igolu ni oo pfuasẹ, ni oo li nyanya nwu aye abagwhoyọ. ⁷ Ukwumhọgwho eni ẹlamhi ane eyọ e rhi atasa igolu ni ofu Ishinẹgba ni ọ nyele elenagbọagbọ. ⁸ Ewọli ni e te ikiki ali izemhi Ishinẹgba bhẹ e vọ oni apfẹ Ishinẹgba. A vha mẹ ọni ọ ke gwe dobẹẹ lo ekayọ apfish ni eni igwhuamhi ighyiukọ oshila e rhọ chigbe gba pfuse