¹ Mhi sokwu urhuli ni o ze o rhọ te asha ni o nwemaa pfuasẹ eyọ nyalu, eẹ li, eni ighyiukọ oshila, ''Vha kaa kwu eni itasa ofu Ishinẹgba ishila rhugwhu ukhomhi ekagbọ.'' ² Ọni aghyiukọ ni ikyiatsolo ọ kwu atasa ọli shi ekẹ; idudumhi ivhiolo e bhale a gẹ eni iọgbọ ni e mhọli ishẹfẹli ọni ẹlamhi akọ ali emeni a rhọ khọkhọ ọli ma. ³ Ọni aghyiukọ ọzava ọ kwu atasa ọli kwu elemhi okẹ; oni okwu o ke liabhi ọlia olimhi ni ọ gwhu, emeni e mhọli ayẹmhẹ ni e la oni elemhi okwu kwu e gwhuloa. ⁴ Ọni aghyiukọ ozasẹ ọ ke kwu atasa ọli kwulo elemhi okẹ ali ekẹ irhui; e bhale a mela ọlia. ⁵ Mhi sokwu khi ọni aghyiukọ amẹ ọọ li, ''U maa gwu ẹzọ ni o pfuasẹ ghyiẹ ni u la vhọ, ni u pfusẹ, rharhi u rhi eni ẹzọ ena bhẹ. ⁶ rharhi khi e lẹẹ kwuno ọlia eni e myie suọ ali ebolẹ, u she rhi ọlia na wẹ da; abhi o gwhẹ wẹ.'' ⁷ Mhi ke sokwu khi ọta o sọ vhọ, ọọ li, ''Ingmaghyie Ishinẹgba ni ọ mhuẹ ẹyẹ, ni ọ mhasẹ a ni ẹtsẹkẹ kwu, igwẹzọ ẹ ingmaghyie ali ipfuasẹ li e kyila. ⁸ Ọni aghyiukọ ọzane ọ kwu atasa ọli rhugwhu ọwọli, a ke rhi imasha nali khi ọ rhi erhẹ tosẹ agbọa. ⁹ Oni ududumhi ochi o bhale a nye we, ayọ li ee ke te zẹnọ ẹnwẹ ni eva Ishinẹgba, ni ọ mhọli izemhi eni igwhuamhi ena. E vha chigbe nwu egbe lieliẹ wẹ khi rhẹmhi e rhi ikiki nali. ¹⁰ Ọni aghyiukọ ọzoshie ọ ke kwu atasa ọli rhugwhu utekwu eghyie ọni ẹlamhi akọ, ubili o gwese ọli eghyiele. Rhẹmhi e ke le akọ kyhiaa ni osue. ¹¹ E ke zẹnọ ẹnwẹ ni Ishinẹgba nẹẹ aleghyie rharhi oni ọtomhẹ wẹ ali ivhiolo ni e gẹ wẹ, e vha chigbe nwegbe lieliẹ vhi emeni e li. ¹² Ọni aghyiukọ ọzosasa ọ ke kwu atasa ọli rhugwhu oni ududumhi okẹ Efrati ali amẹ ni e la vhọ, amẹ oni okẹ o khakhaa khi o kẹ nwegbe shini enighyie ni e rhọ te obhoni ọwọli o te a lasele a bhẹ. ¹³ Mhi mẹ iyẹmhẹ ni e vha pfuasẹ asẹ ni e liabhi ikele ni e rhọ te unu ebolẹ ighagha ali ọni ududumhi ẹlamhi ni ọ zẹ ipfua ali ughyia ni ọ liabhi ọnyẹ lase. ¹⁴ khi iyẹmhẹ ikhyio li ee kyia ni ee gbe ikanya inyaloa. Ee bhuli enighyie oni agbona kwu khi e koko wẹ gba shi okwhẹ ogbẹlẹ Ishinẹgba nofu, ni ọ mhase a ni etsẹkẹ kwu. ¹⁵ ''Kpani aloa! Rhẹmhi laa bhale abhi ọghyiatọ! Izotena khi uwi ọni ọ laa kpanọ aloa shi ekẹ, ni ọ laa rhi awulu ọli sọ shi ekẹ, ishọyọ khi ọ ke banọa omama o ke nwu ọli.'' ¹⁶ Ee ke koko wẹ gba asha ni a laa khọli okhọli Ishinẹgba nofu ( Amagadoni ¹⁷ Ọni aghyiukọ ọzoshila ọ ke kwu oni atasa rhugwhu akpekpe. Ududumhi urhuli o te apfẹ Ishinẹgba ngme ọọ li, ''O shẹ gba pfuse!'' ¹⁸ Rhẹmhi inyamhinya e ke li gbea, gbea, ikphala e vano, ekẹ e kwuno lono, ekẹ ikwuno lono ni a vha kpọ mẹ gwhẹ ni a te to agbọ ekẹ le ena, iyọ li ekẹ e li kwuno lono. ¹⁹ Ọni ududumhi ẹvholi o bhale a kemhi shi asha esẹ, eni evholi kwu ni e la eni idududmhi ẹvhue e gwọghọa. Iyọ Ishinẹgba ọ ke sato Ibabiloni nofu, ọ ke rhi ọnyọ ofu Ishinẹgba ni o vọ ukolo ni oni avholi oyọ. ²⁰ Ekẹ kwu ni okẹ o gasẹ a lẹẹ, e welea, abagwhoyọ ekpha e wanọa. ²¹ Idudumhi ikpamhi amẹ ni e gba abhi echẹ ni e khọ tikpọ abhi ẹduma, e te idamhida denẹ ẹẹ gbe iogbọ, iyọ e kee gwhumhi Ishinẹgba shi oni opfuse ni eni ikpamhi ame e tsua rharhi oni echọ ni ee mẹ rhẹmhi o gba dọsẹ.