¹ 1 Mhi lẹẹ bino ọni Ọmyi Oke ni ọ rhọ maghyiẹ ẹnwu ogwho elemhi eni ẹnwu ishilaa, mhi sokwu ẹlamhi ọgwho eni elamhi ane eyọ ọ rhi urhuli ni o ghyiela abhi akphala eẹ ngme, ‘’Bhale’’ ² Mhi ke bino mhi mẹ akachi ọpfopfo ọ mugha! Ọni o nya ọli ọ nwu ote mhọ obọ. a rhi arhu eghyiele nali. Rhẹmhi ọ bhale abhi ọni ọ nwule khi ọ kẹ nwule. ³ Abhi ọni Omyi Oke ọ ke rhọ maghyiẹ oni ẹnwu ozevaa, mhi ke suọ khi ẹlamhi ọzava ọọ li, ''Bhale!'' ⁴ Iyọ akachi ovhese ọ lasele ọọ lilẹ. A rhi izemhi ni ọni ọ nya ọli khi ọ rhọ rhue ọpfọmhẹ vhi ukhomhi ekẹa, ishọyọ khi eni iọgbọ e kẹ gbolo egbe wẹa. A rhi ududumhi ọfẹdo nali. ⁵ Abhi ọni Omyi Oke ọ ke rhọ maghyiẹ oni ẹnwu ozesẹa, mhi sokwu ẹlamhi ọzasẹ ọọ li, ‘‘Bhalẹ!'' Mhi ke mẹ akachi ni ọọ bishi, ọni ọ nya ọli ọ rhi oni a rha mhasẹ ẹtsẹkẹ mhọ obọ. ⁶ Mhi sokwu emeni e liabhi urhuli elemhi iteteva eni elamhi ane eẹ li, ''Ujiakpala ado ogwho o liabhi akpulu ogwho, iyọ irhu ikphakpha esẹ e kyili akpulu ogwho. Abagwhoyọ imhẹli oni ovhi ali onyọ opfua.'' ⁷ Abhi ọni Omyi Oke ọ ke rhọ maghyiẹ ẹnwu ozenea, Mhi sokwu urhuli eni elamhi khi ee li ẹẹ li, ''Bhale.'' ⁸ Mhi ke mẹ akachi ni ọọ bishi abhi ebui. Ọni ọ nya ọli lẹẹ khi Egwhi, irhẹrhẹ o rhẹ khali ọ vhi oshimhi. A rhi izemhi na wẹ khi opfọgwho ukyiẹkyiẹmhi ukhomhi ekẹ, khi e kee rhi ọfẹdo, ukwhumhi, igwhuamhi, ali elamhi akọ ẹẹ gbolo agbọa vhi ukomhi ekẹ. ⁹ Abhi ọni Omyi Oke ọ ke rhọ maghyiẹ enwu ozishila, mhi mẹ avhagwhu eni a gboloa shi rharhi ingmemhi Ishinẹgba ali oni ọtsẹlẹ ni e rhi idu wẹ kwu myie. ¹⁰ E ke rhi uruli ni o zezeze sọọse, ''Ẹlẹ, o laa tẹsẹ rhamhi Ọnọmhuẹyẹ, ghyiẹ ni u pfuasẹ, ni u mhuẹ omhasẹ oni agbona kwu, ni u mhuẹ ingmaghyie, khi u rhọ wali owaliẹ ni eyẹ shi ọlia eyẹ?'' ¹¹ Iyọ a ke rhi ede epfopfo ni ukwhumhọgwhọ, gwhọ, gwhọ, a ke ẹẹ wẹ khi e mugha dẹnẹ khi o ke kyia ni a ke li gbolo egamhẹ ni ekpọẹ ni inyọgwho vhẹa pfuse. ¹² Abhi oni Omyi Oke o ke rhọ maghyiẹ enwu ozesesaa, mhi ke nwu etse, mhi mẹ ududumhi ekẹ o kwulo. Ọwẹ oo bishi abhi ode ọrhọ, ukyi o liabhi ọlia. ¹³ Itata ni e la idane e dena kwu ekẹ, abhi orhẹ ifigi o li dena ikpamhi a kwa eyọ ni ududumhi akpekpe okasẹ oa pfi. ¹⁴ Idane o khyili abhi a lia khyili agbhagbhamhi ebe vhi ekẹ. ekpha kwu ali ekẹ ni e la iteteva okwu a wolọ wẹ vhi ikpa ni e la le. ¹⁵ Oni ẹrhẹghẹ oyọ eni ighyie ni e la ukhomhi ekẹ agbọ ali iọgbọ kwu, ali iọgbọ ekpẹ ali ọsuemhẹ, shi eni e ze ali iọgbọ ni e kpọ le, shi eni la ogba igwhumha ali egbadegbea, e laa kee nanọ gbhagba ifu irhui ni e la iteteva ekpha. ¹⁶ Eẹ li eni ekpha ali irhui, ‘’Dena nwu eyẹ! Rhi eyẹ gbhagbha ni ukpẹloe ọni ọ shitọ ukhomhi oni utekwu eghyiele ali ofu ọni Omyi Ọke. ¹⁷ Rharhi khi ogbẹle nofu Ọnọmhuẹyẹ o kha bhẹ, ọgwho ọ laa dobẹ mugha?''