¹ Mhi mẹ obọ obita ọni ọgbọ ni ọ shitọ ukhomhi utekwu eghyiele, agbhagbhamhi ebe a kẹkẹ vọsẹ oshimhi ali odalo ọ, a rhi enwu ishila pfi mwu o. ² Mhi mẹ khi aghyiukọ ọọ tsabọ zezeze ọọ li ẹẹ li, ‘’Mhi ghyi ọgbọ ni ọ tẹ ni ọ dobẹ laa gweghyie oni agbhagbhamhi oni ebe onaa?'' ³ Shi agbọ shi eghyiele eda, a vha mẹ ọgbọ ni ọ dobẹ gweghyie oni agbhagbhamhi ebea wẹ khi izẹmhi ọli. ⁴ Mhi vyhiẹ egbegbe evyiẹ rharhi khi a vha mẹ ọni ọ dobẹ gweghyie oni agbhagbhamhi ebea wẹ khi izẹmhi ọli, ⁵ Ama ukwhumhọgwho vhi eni ejọ ọọ mhẹẹ, ''Imhẹ gwe vyie. Ghee! Ọni ọdumhi ẹvhue Ijuda, umhili idavidi, ọ shẹ nwule, lẹ li ọ dobẹ gweghyie oni agbhagbhamhi ebe ona, ni ọ gwe maghyiẹ eni ẹnwu Ishila enaa.'' ⁶ Iteteva oni utekwu eghyie ali eni elamhi ane eyọ ali eni ejọ, mhi ke mẹ omyi oke ọ mugha, ọọ fẹẹ abhi emeni a gbea. ọ zẹ ekphẹ ishila ali ikpalo ishila, ena lẹ khi eni iyẹmhẹ Ishila Ishinẹgba ni ọ ghyie bhẹ vhi oni agbona. ⁷ Ọọ ke vu ọa rhue oni agbhagbhamhi ebe ni o la obọ obita ọni ọ shitọ oni utekwu eghyie. ⁸ Abhi ọ ke rhọ rhue oni agbhagbhamhi ebe oyọ, eni elamhi ane ali eni ejọ uye ali ene eyọ e tanọrhugwhu ekẹ ni oni Omyi Oke. ọgbọgbọgbọ, ọ nwu ẹfa mhọ abọ ali agege igolu ni itulale e vọ, ni o kyili olema eni e myiesuọ. ⁹ Ee to uwolo onogbọ: ''U tẹ vhọ ni u dobẹ a rhue oni agbhagbhamhi ebe u maghyiẹ oni ẹnwua. rharhi khi a pfi ẹ urhui, u rhi ọlia ẹ te ẹdẹ khi ẹdẹ, unu ẹvhue khi unu ẹvhue, dẹ agbọ ali ẹvhue ni Ishinẹgba. ¹⁰ U she rhẹ wẹ kyili eghyiele eni ekpeda ugamhi Ishinẹgba, iyọ e la laa le eghyie vhi ukhomhi eke.'' ¹¹ Iyọ mhi ke bino mhi ke suọ ighyiukọ nebu e sẹgase oni utekwu eghyie, ibumhi wẹ ee kyili uchuyawa e kaa gboghyie eni elamhi ane ali eni ejọ. ¹² E ke rhi urhuli ni o zezeze sọọse eẹ li, ''Omyi Oke li ọ tẹ ni a gbea khi ọ rhọ myie izemhi, ọsuemhẹ, ẹgbhẹ, afu, ojima, ikiki ali ichchi.'' ¹³ Mhi ke sokwu emeni a ma ni e la elemhi idane kwu ali ekẹ, ali elemhi okwu ali ẹtsẹkẹ kwu ni e la vhọ eẹ li, ''Ichichi, ojima ikiki ali izemhi ni a rha mhase, o kyili uwi ọni ọ shitọ oni utekwu eghyiele ali ọni Ọmyi Oke. ẹlẹnagbọagbọ.'' ¹⁴ Eni elamhi ane eẹ li, ''itse!'' eni ejọ e vhesẹshi ekẹ e gbega li.