¹ Abhi ena kwu e ke rhọ dọsẹ a lẹ mhi ke mẹ aghyiukọ ọvhese ọ rhọ te idane kpiale. Ọọ mhọli ududumhi izemhi, ikiki ọli o la ukhomhi ekẹ kwu gẹẹ. ² Ọ ke rhi urhuli ni o zezeze sọọse, ọọ rhọ ẹẹ li, idemhi, idemhi, o she kyili uwi ududumhi Ibabilon! Ayọ apfẹ iyẹmhẹ ebe li o kẹ kyila, ayọ li iyẹmhe ni e vha pfuasẹ e ke nyele, ali ijajamhi ipfele ni e vha pfuasẹ. ³ Rharhi eni ẹvhue kwu e she danọ enyọ odọsẹ. Eni ighyie e she nu ọli ye odọse. Ekheliẹ okyi ni e la ukhomhi ekẹ e she rhọ te ijegbe ọli pfue rharhi inyele ọsuemhẹ ni ọ nyele.'' ⁴ Mhi ke gwe sokwu urhuli ovhese elemhi idamhida khi oo ngme, ''Vha te elemhi ọli lasele, vhẹvhẹ ni vha kyili ọgbọ mhẹ, ishọyọ vha kee nu ọli kemhi ingmobe ọli, khi vha ke te epfua ọli kemhi. ⁵ Ingmobe ọli e she yagha a tono idamhida, iyọ Ishinẹgba ọ she sato onobe ni ọ gaa khyiẹli kwu. ⁶ Fali ọli ota abhi ọ li fali agbọ, u sọ vhọ; fali ọli adẹ eva shi emeni ọ khyiẹli kwu. Vha mhasẹ adẹ eva shi ọ vhi ukolo. ⁷ Rhi ẹwela ali ọrhọ ni o kyili ikiki ali ọfẹ ni ọ rhọ ni egbe ọ. Rhahi khi ọọ ngme vhi udu ọli, 'Mhi shitọ abhi ugwhẹ oghyie; Imha kyili ọsọrhọ, wẹ khi rhẹmhi la ọrhọ gwhe. ⁸ Elemhiyọ ogbẹlẹ ogwho epfua ọli o laa bhẹ nali: shi egwhi, shi ọrhọ, ali ukwhumhi. Erhẹ e laa tosẹ ọlia, rharhi khi Ọnọmhuẹyẹ khi Ishinẹgba, li ọ gwe laa gwu ọli ẹzọ.'' ⁹ Eni ighyie oni agbona ni e nu ọli gbe ighaba, e la laa vyiẹ egbegbe evyiẹ nali ni e mẹ ewọli ni ee tosẹ ọlia. ¹⁰ Oni osue ọli o laa pfanọ wẹ udu elemhi e Tanya a sọse, ea li ẹẹ li, ''Epfua, epfua o kyili uwi ududumhi evholi Ibabelọni, ẹvholi ni o mholi izemhi! Rharhi neni a rha mẹ ọkwulọkwu ogwho nena ẹchọ vhẹ o she bhẹ!' ¹¹ Ekheliẹokyi ni e la ukomhi ekagbọ e laa vyie nali, rharhi khi iọgbọ e vha ke gwe laa mẹ eni e nu wẹ a do okyi, ¹² Eni e do okyi igolu, isiliva, echẹ ni e somhote, ikpamhi erhẹ, ede ni e somhote, ede ni ea bishi, ede na viẹnẹviẹnẹ, ede ni ea lilẹ, ali erhẹ ọdọdọda ni ea kphela, itasa vhẹ kwu, itasa ni a rhi erhẹ ni e somhote khyiẹlẹ kwu, ali ẹlomho, akwhi, ali itaa, ¹³ ekheliẹ icanamọ, emeni ea kphela, itulale, Ifirakisẹsi, onyọ ali ivhili olivi, ali afu ado, ali elamhi ali isumha, ikachi ali itsua; ali ijegbe ali avhagwumhẹ iọgbọ. ¹⁴ Oni ukpamhi orhẹ ni u rhi izemhi ẹ kwuu nono, o she tsua ẹ pfia vu. Ọsuemhẹ kwu ali ikiki ẹ e she welea, ni a vha gwe laa mẹ gwhe. ¹⁵ Eni ekheliẹokyi kwu ni e te obọ wẹ mhọli ọsuemhẹ. e la laa chi tanya nali rharhi ulishi oni ududumhi evyiẹ, ali ọrhọ nofu ni ea mẹ. ¹⁶ E laa kee li eẹ li, ''Epfua, epfua khi uwi oni ẹvhue nofu ni a rhi ede ilinẹ ni e somhote kwhẹsẹ, shi ede ipọpo, ede ọlilẹ, ni a gwe pfi igolu kwu, emeni a rha kwhẹsẹ ijegbe ni e galẹ, ali ena rha kwhẹ ni ea gyia ngmelangmela!'' ¹⁷ elemhi ukwulọkwu ogwho ọsuemhe enana kwu e she gaa li opfua. ‘’Egwekọ kwu, enu ekọ kyia, e rhi eni ea lono ekọ, ali eni e kyia khi ekọ li e te a le emenale, e tanya ¹⁸ E vyie lasele abhi e ke rhọ mẹ eni ewoli ni e tosẹ olia. Eẹ li, ''Obho a mẹ ẹvhue ni o liabhi oni ẹvhue nofu oyọ?'' ¹⁹ E pfi ekẹ ẹẹ kwu idane, ee sọọse, e vyiẹ e la ọrhọ, ee li ẹẹ, ''Epfua, epfua khi uwi oni ẹvhue nofu ni eni e mhọli ekọ e te ọsuemhe ọli pfue. Elemhi ọkwulọkwu ogwho li a rhọ pfuse ọlia ena.'' ²⁰ Aleghyie, vha kee ghele shi vhọ, vhẹvhẹ ni vha myie Ishinẹgba suọ, ighyiusomhi ali ebolẹ Ishinẹgba ọ she rhi igwẹzọ vhẹ rhamhi ọ vhi egbe!'' ²¹ Aghyiukọ ọtọgbe ọọ rhue ududumhi ẹchẹ ni o liabhi ẹchẹlẹ ado, ọọ pfi ọli pfilo okwu, ọọ li, ''Ina a li laa pfi Ibabiloni, ẹvhue nofu lo okẹ a vha gwe mẹ ọ gwhe. ²² A vha gwe la sokwu eni ea kphele ẹfa, ikphema, efele, ali ekphẹ vhi iteteva vhẹ gwhe. a vha gwe laa mẹ atsọna vhi iteteva vhẹ gwhe, wẹ khi ẹtsẹkẹ li a gwe laa sokwu khaa mhẹlẹ vhi iteteva vhẹ gwhe. ²⁴ Akpa o vha gwe laa gẹ rhugwhu ẹ gwhe. a vha gwe laa sokwu urhuli ọmọmoshi ni a kwhẹsẹ ali ọni ọa kwhẹsẹ ọkpotso gwhe, rharhi khi eduokyi vhẹ wẹwẹ khi imyi eni ighyie ukhomhi ekagbọ, ebo vhẹ e gwe ghagha eni ẹvhue. ²³ Obọ ọli li a te gwe mẹ ọlia eni ebolẹ ali eni e myie Ishinẹgba suọ, ali ọlia eni a gboloa vhi ukhomhi ekagbọ,''