¹ Ia ni sa lewai oti me eitou so'o i Itali, edra sa soli i Paula, pa so leqa a tamata sa vesu vei oya a turaga ni mada satia wei Akusitom a yacana o Juliase. ² Ia ni eimami sa vodo'a e dua a waqa ni Atiramito eimami sa varewa qa naita me eimami so'o ravita a baravi ei Esia; E ai Masitonia mai Cesolonaika, o Arisitako, sa la'o ei eimami. ³ Ia e na zoa'zoa eimami sa uru waqe i Sartoni. Qa sa lomare vei Paula o Juliase, qa sa serei oya me la'o mei edra a we'ana me vacegui ina. ⁴ Eimami sa qai so'o tani waqe, ka so'o raviti Kipiro, ni sa ca a cagi. ⁵ Ia eimami sa so'ota a wasawasa ei silisia ei Pamifilia qa yaco sara i maira mai Lisia. ⁶ Sa unea ina a turaga ni valu e dua a waqa ni alekisadria, ea sa so'o i Hali i sa vavodoi eimami ina. ⁷ Ia ni eimami sa so'o malua ga qa bogi vuqa, qa yaco vadredre me donui Nito, sa tarovi eimami a cagi, eimami sa so'oraviti Kiriti, qa donui Salimoni. ⁸ Sa vo e lailai me dredre ni sivia, eimami sa yacova e dua na yasana a yacana ni Tobare qa volea ina dua a oro Lasea. ⁹ Ia ni sa bogi levu a sa dredre a so'o qai ni sa oti a gauna ni Lolo, sa qai vaisalatai edra odra o Paula. ¹⁰ Qa aya vei edra ai emuau a turaga, au sa ila ena levu a e ca ei na a eda biuta ena so'o ai, ena maqa walega ai usana ina waqa, o eda leqaga. ¹¹ Ia a turaga ni valu sa vabauti odru a turaga ni waqa ei na enai tau'ei, qa sa maqa a vei'a sa aya o Paula. ¹² Ia sa maqa a re ina toba ana me ele ina vula liwaliwa, edra sa lewe levu vei edna sa le'wa me dra so'o tani waqe. Ni dra ranuma de sa rawa i Finaisi, me dra ele ina e na vula i liwaliwa; o oya a toba i Kiriti, sa donuya a ceva ei ra ei na to'alau vuali'u. ¹³ Sa qai liwa vamalua a cerai ra sa va'asama ni sa rawata a edra sa raiti, edra sa cavui ele'ele, qa so'oaviti Kiriti. ¹⁴ Sa maqa mada ni yawa, sa qai laba a cava levu, a yacona o Uro-Kilitoni. ¹⁵ Io ni sa lebu'a a laca ni Waqa, sa maqa ni tau rawa i na mata ni cagi, oi mami sa bita ga me savu waqe. ¹⁶ E sa savu ina qa volea'ta e dua a yanuyanu a yacana o Kilota, a sa vo e lailai ssara me eimami maqa ni rawata a velovelo. ¹⁷ Io ni ra sa va'arewatainia ca'e mai edra sa ca'ava ai vaatu'uwalu, a dra sa va'a tu'uwalu tainia a waqa; io ma dra sa rere de ra asa ina na nu'u edra sa sere'a a gacagaca, qa saru waqe. ¹⁸ Io ni oimami sa suai gelegele va'alevu sara ena cava, ena ena roaroa era sa biuta ai usana. ¹⁹ Ia ena bogi tolu eimami sa biutia ena oi mami liga a gacaagaca ni waqa. ²⁰ Ni sa qai bogi mai sa maqa ni qai divi a mata-ni-siga se se na vei abalo, sa qai laba a cava levu, sa qai ta'ali sara vei eimami a nuitainia a bula. ²¹ Ni sa yawa a odra maqa no ni aniani, sa tu cadra o Paula ena edra maliwa, qa tovele'e, o miau a Turaga, sa dodonu mo miau va'arogoi au i mada, qa ua ni cavui deele mai Kiriti, sa yaco ina a ca ai ei na biu. ²² Io ai, au sa va'amasuti emiau mo miau ua ni yalo lailai ni na maqa ni dua vei emiau ena reva a ona bula, ena ca ga a waqa. ²³ Ni sa Tu volea vei au na bogi ni ua e dua a agilosi ni alou, o eya au sa ona, o oya leqa ga au sa qaravia. ²⁴ Ma sa tovele'e, ua ui rere, Paula; ona au ga ivei Sisa; qa diva, sa soli ira Tauco'o vei io a abu oira dou sa so'o vata. ²⁵ O oya ai, oi emiau a turaga, mo miau va'acegu niu sa va'adinata a alou, ni na yaco ga me era sa tovele i wei vei au. ²⁶ Io sa da na biu ga kina dua na yanuyanu." ²⁷ Io nisa yaco mai nai a tini ava ni bogi, ni eitou sa va'savuya tio ena wasawasa ko Atiria, ni sa lona ni bogi levu era sa nanumi a lewe ui waqa era sa voleata edra vanua. ²⁸ Edra sa va'arautainia a wai, a dra ila ni atu rua sagavul'us io nidra sa savu waqe va'alailai, qa va'arautainia leqa a wai, e dra sa ila sa atu tinialima. ²⁹ Io ni dra sa rere e dra na qai asa ina veivatu, edra sa biutia ai eloele e va mai na mua ni turaga, qa dra sa gutia no me siga a vanua. ³⁰ Io ni dra sa va'arau ulou tani ena waa o ira a ai mua, edra sa biutia a velovelo i wai, me ena ga ni dra iuta ai eleele mai na mua i mada. ³¹ Sa qai tovole'e, o Paula vei ua turaga ni valu vei ira leqa ga sotia eva a edra na maqa ni tio ga na waqa o ira ai, o miau na maqa ni bula rawa. ³² edra sa qai seledrutia ai vesu ni velovelo o ira a sotia, qa dra biuta me ciri waqe. ³³ Io ni sa vole'a mai a siga, esa acivi ira tauco'o o Paula me ra ana, qa aya, ai ina a ena i a tini ava ni bogi ni o miau wawa ga qa lolo, qa ma ni ania e tila a a. ³⁴ O oya ana au sa masuli emiau ina mo miau ana mada: ena yaga mo bula ina: nisa maqa e dua vei emiau ena lutu mai e dua drani wuna. ³⁵ Ni sa vosa oti ena ana, sa tori a madrai, sa va'a vinavina'a vei ea alou ena odra mata tauco'o, io ni sa tari sa dovia, sa teivu me ana. ³⁶ Era sa qai va'acegui tauco'o, qa ra ana ga leqa. ³⁷ Io oi mami tauco'o a tio i loma ni waqa eimami sa lewe rua drai vitusagavulu a ono. ³⁸ Io ni ra sa aniani oti sa sinai a odra ete, edra sa va'amamadatainia a waqa, qa biuta a ena sila i wai. ³⁹ Ni sa siga mai, era sa maqa ni ila a vanua: edra sa gavia e dua a toba sa va'a mataeawa, edra sa bosea me ra vaa'sa ina waqa, e vaa ena rawa. ⁴⁰ Io ni ra sa musu'a tani ai eleele ni waqa, era sa biutia tu mai wai, qa sere'a ai no'a ni uli qa va'arewa a laca levu ina cagi, qa so'o waqe i vanua. ⁴¹ Edra sa ciri ina yasana e sota vata ina erua a drodro, edra sa va'asana a waqa, sa coba sara ina mua i mada, qa moga ni yavala rawa, qa sa tasere a mua turaga ena kankanwa ni biau. ⁴² Edra sa bose oira a sofia me ra va'amatei ira ra tamata era sa vesu tu, de ra ubu qalo eso, qa bula. ⁴³ Io ni sa gufia a turaga ni valu me a'abulai Paula, a sa torovi ira ina, mai na a era sa nanuma; ara sa tovele'e me sia i mada o ira sa qalo rawa; me ra matai i vanua. ⁴⁴ Io o ira ena vo, eso ena rara eso, qa so ena ka tani ni waqa. Ni sa ena ai, era cabe bula tauco'o i vanua.