¹ Sa qai tovele'e o Akaripa vei Paula, "O io sa dodonu ma tovele'i io mai." Sa qai dodogia ona liga ruarua o aula qa va'atusai ea. ² "Au sa marau, "barija a tui niu na tovele'i au ni ua na vu'u ni vei a era sa beitai nia vei au o odra Jiu. ³ Va'abibi ni o miau ilaya va'are a odra i valavala a Jiu. Io au sa ereere mo miau na rogoci au sara no va'are. ⁴ E a dina, o ira tauco'o a Jiu, era sa ilaya a oqu bula mai niu se driadria me yacovia mai ai na oqu dau no tu vata ei edra a oitou oro vata mai Jerusalemi. ⁵ O ira era sa ilaya no a'a baletia a oqu i teitei=vu, e va'a edra sa mata tovele'e niu bula vata mai ei edra a Farisi, o odra a dau ro'ova qa do'a ya oda lotu. ⁶ Io, ai au sa tu me'u lewai ena vu'u ni valavala ma oba yalayala ina o dra a oi mami qase vei oya a alou. ⁷ Ni sa yalata'i ni o odra yavusa tini arua edra na nuitainia ga odra alou edra qaravia ena bogi ei na siga, io era vu'u ni alou edra ruitainia edra sa beitai ni au ina o ira Jiu. ⁸ Baletia cava vuna o mudou va'atitiqa tai nia ina ni alou e va'abupai odra leqa a mate? ⁹ O au leqa ga, au nanemia i lomaqu ni dodonu me'u vei mecai e na a e levu ei na yaca i Jisu a ai Nasareci. ¹⁰ Au ca'ava a ai Jerusalemi. Au a curu ena vale ni vei vesi ni ra sa lesi au ina o odra bete levu; ia ni ra sa vakamatei qau sa tovele'e leqa ga. ¹¹ Ia, au sa civoti odra ena vale ni lotu tauco'o, qa va'asaurarata'i edra me dra bintia a lotu, ia ni'u sa civo va'alevu sara vei odra au a va'acacana leqa ina vei oro tani. ¹² Ia niu sa la'o tio ina i Tamasiko ni ra ma lesi au qa talai au a bete levu. ¹³ Ni sa siga levu toa ga, a tui, au a gavia ena sala e dua na rarama mai lomabigi, sa sivia a ena remoremo a mata ni siga, a sa cila va'a volivoliti au ei odra leqa ga e dra lao vata ei au. ¹⁴ Ia ni oitou sa lutu tauco'o ira, au sa rogoca e dua a domo sa tovele'e vei au ena vosa va'a iperiu, qa aya, I Saula, i Saula, o sa va acacani au ena vu'u ni cava? e ca vei ia mo caqetua a mata ni moto. ¹⁵ Au sa qai tovele'e, o cei o miau, ia Turaga? Esa tovele'e a turaga, oi au o Jisu, o oya osa va'acacana. ¹⁶ Io mo tu cadra ga, qa tu ena ou la: niu na lao mai vei io ena vu'u ni a e yaco ai, me'u lesi io mei talatala ei na dau tovetove leqa ena vei a o sa gavia vei au, ei na vei a au na gavia vei io. ¹⁷ Niu na va'abulai io mai vei ira a tamata a Isireli, ei edra a veimatanitu tani, o ira au sa qai talai io ina. ¹⁸ mo lai basura'inia a odra mata, me ra sauma'i mai na butobuto ina rarama, mai na kaukauwa leqa ga oi Setani i vei oya a alou me ua ni civoti enai valavala ca, me rai tauei vata leqa ga e muri ei ira odra ya'o savasava, ni ra sa vaabauli au. ¹⁹ Io ni sa oti ana i akaripa na tui, au sa maqa ni talaidredre i na raivotu va'alomalagi. ²⁰ io au sa tovele'e mada matai vei odra mai Tomasoko ei Jerusalemi ei na yosayasa tauco'o va'a Jutia, vei odra leqa ga a veimatanitu tani me dra veivutuni qa sauma i mai vei ea alou, qa vele'e ai valavala e ili iliei na vei vutuni. ²¹ O oya ana edra sa tauri au ina a Jiu ena vale ni sa alou, qa dra tovolea me dra a'a matei au. ²² Io ni sa vue'i au a alou, au sa bula ina qa yacovia a siga ni na, ia au sa tovele'e vei odra edra sa a lalai ei odra leqa ga edra sa a lelevu, qa sa maqa leqa a a tani au sa tovele'e o oya ga a a edra tovele'e a parofita ei Mosese ni na yaco. ²³ Ena mate a Karisito, e na edra matai o odra era na tuca e leqa mai na mate, qa na va'araitainia a rarama vei odra a tamata a Isireli, vei odra leqa ga veimatanitutani. ²⁴ Io ni sa tovele'i ea no sa vosa na domo levu o Fesito, I Paula, o sa lialia; sa va'alialiataini io a vu'u levu. ²⁵ Sa tovele'e o oya, I Fesito va'aturaga sara, au sa maqa ni lialia, an sa canitia ga vosa dina qa vu'u. ²⁶ Ni sa ila no o oya a tui, io au sa vosa doudou ina vei oya; niu sa ila ni sa maqa ni vuni vei oa e dua a ai, ni sa maqa ni vuni vei oa e dua a ai, ni sa maqa ni ca'a e dua a ana yasana vuni. ²⁷ I Akaripa a tui, o miau sa va'adinati ira a parofita, se maqa? Au kila o miau sa vaodinata ga. ²⁸ Sa qai tovele'e vei Paula o Akaripa, sa vo e lailai mo rawai au me'u lotu va Karisito. ²⁹ Sa qai tovele'e o Paula, au sa masu vei oya dou, e maqa leqa ena vu'urnu duaduaga, ena vu'udra leqa ga odra sa rogoci au ni ua, se me vo e lailai, se me ua ga ni vo, ino dou enataini au; io me ua ga ena sinucodo. ^{30 31 32} Sa qai tovele'e vei. Fesito o Akaripa, a tamata ai e sa meqa ni cavuti Sisa me lewai oya, e dodonu ga me serei.