¹ la ni dru sa laovi Amifipoli ei Apolonia, edru sa yaco i Cesolonaika, qa sa tu ina e dua vale ni lotu a odra ai Jutia: ² Qa sa curu vei edra o Paula, me tautauvata a ona i valavala, qa sa tolu a siga ni vacegu sa vavulici edra nai vola tabu, ³ Ni sa vataila qa va dinadina, ni sa kilikili ei Karisito me vosotia a mate, qa tucae leqa mai na mate ;qa va'a, ni sai oya a Karisito, o Jisu ai, oya au sa vunau tai nia vei emudou. ⁴ Qa sa vabautia e so vei edra, qasa lai vei toani vei Paula ei Sailasa ;ei edra lewe vuqa a ai Kirisi edra lotu vajiu, ei edra marama edra maqa ni lewe lailai. ⁵ Sa qai vuvu odra Jiu, dra sa qai dia e so vei edra asibotoboto, sa vasoqo ni edra vata a lewe vuqa, qa tubu ela i naoro, qa dra sa ovu va kaukauwa i na vei Jesoni, qa dra sa saga me di edru vei edra lewe ni oro. ⁶ la ni dra sa maqa ni unei edru, qa dra sa yara tai Jesoni ei odra veiweani eso vei edra turaga ni oro, qa dra taro, o odru ai sa vuici vuravura me ca, e dru sa basia lega ga mai ei; ⁷ Qa sa di edru o Jesoni i na o na vale ;qa dra sa talai dredre odra tauco'o ai i na vunau oi Sisa, qa dra sa aya sa dua leqa a tui, o Jisu, ⁸ Qa sa vaidroa tai ni edra lewe ni oro vata ei edra turaga, ni dra sa rogo a vei a sa yaco. ⁹ la ni dra sa vabautia a Yalayala i Jesoni vata ei edra a tani, qa sa serei edra me dra lao. ¹⁰ la qo odra a veiweani edra sa usarawa me dra talai Paula vata ei Sailasa i Peria i na bogi ;ia ni dru sa yaco i na, edru sa lao i na odra vale ni lotu a ai Jutia. ¹¹ Qa sa uasivi odra ai vei edra ai Cesolonaika o dra ai i na yalo vaturaga, ni dra sa rogo a vosa i loma ni sa gutia sara, qa dra sa vaqaqara i nai vola tabu i vei siga se sa oya dina ai se maqa. ¹² Oya ga edra sa lewe vuqa edra sa vabauta ;ei edra leqa ga a marama ni Kirisi, ei edra tagane edra sa maqa ni lewe lailai. ¹³ la ni dra sa ila o dra Jiu mai Cesolonaika ni sa vunitainia a vosa ni Alou o Paula mai Peria, edra sa lao leqa ga i na, qa vayavalati edra lewe vuqa. ¹⁴ Qa dra sa usarawa veiweani me dra talai Paula me lao i na waswasa :qa dru sa notu mai ene o Sailasa ei Timoci. ¹⁵ QO odra sa vaunei Paula me dra dia i Aceni :ia ni sa tau ai varo vei Sailasa ei Timoci me dru lao usarawa mai vei oya, edra sa qai lao. ¹⁶ la ni sa warai ni edru no mai Aceni o Paula, sa ata'ata valevu a lomana, ni sa une a oro ni sa oso tu na vei matakau. ¹⁷ Oya sa vei leti i na oya vata ei edra ai Jutia i na odra vale ni lotu, ei edra leqa a tani edra sa lotu, ei edra leqa ga edra sota aya na rara ni vei voli na veisiga. ¹⁸ Sa qai veileti aya, eso a odra vu'u ai toani o i Epikuro, ei edra a sitoike. Qa sa aya eso, a cava mada sa aya lo oya dau vosa ai? e so tani, oya ai sa tautauvata e dua sa vataila mai eso a Alou vou :ni sa vunau tai Jisu vei edra oya, ei na tucae leqa mai na mate. ¹⁹ Qa dra sa qai tauri, qa tuberia na vanua cecere oi Arisi, qa aya, ena rawa beka me ei mami ila ai vavuvuli vou ai qo sa mai aya? ²⁰ Ni o sa dia mai eso a vei veurabui tai i na oi mami taliga ei mami mata ila i na, se cava ai balebale ni a ai. ²¹ Ni sa maqa a tani dra sa vele'e o dra tauco'o a i Arisi, ei edra vulagi sa tu ina medra vei talanoa tai ni a, se rogo dua a vou ²² Sa qai lao tu o Paula i na loma ni vanua cecere oi Arisi, qa aya o emiau ai Aceni, au sa une a tauco'o ni emiau dau soro ina valevu ²³ Io ni sa lao voli, sa une a vei a dra dau soro ina, au sa une leqa ga dua ai cabocabo ni soro sa volai tu ina vei oya Alou maqa ni ilai. la oya mi'au dau soro ina ni maqa ni ila, au sa aya vei emiau. ²⁴ A Alou qa buli vuravura ei na a tauco'o sa tu ina, sa Turaga oya mai lomalagi ei vuravura, qa sa maqa ni notu i na vale ni soro sa Vala i na liga; ²⁵ Qa sa maqa leqa ga ni qaravi na liga ni Tamata, me tautauvata ni bau yaga vua e dua na ka, ni sa solia tauco'o ga vei eda a bula, kei na i cegu, kei na bula; ²⁶ Qa sa buli edra, edra sa dra vata a lewe ni vei vanua tauco'o ga, me dra notu i na delai vuravura tauco'o, qa sa lesia na vei gauna qa digitai ni a i mada, ei na yalayala ni nodra vei yasana; ²⁷ Me dra vaqara a Alou, de dra vayayamo vei oya, qa une, sa maqa ni yawa vei eda yadua; ²⁸ Ni da sa bula vei oya, qa yavala, qa rawatia mai vei oya a oda bula ;me tautauvata ga ni sa aya aomu dou dau ni vucu, a ona awa lega ga o eda ²⁹ Ni da sa awa ni Alou, eda maqa ni nanumia ni sa tautauvata a Alou vata ei na koula se siliva se vatu, se ceutia a matai se tamata vu'u. ³⁰ la a gauna ni lialia sa vosotia oti a Alou ;sa varota i na gauna ni uwa vei edra tamata tauco'o ga na vei vanua tauco'o ga medra vei vutuni; ³¹ Ni sa loucia oya, a siga na lewa i vuravura i na i na lewa dodonu, vei oya tamata sa lesia oya, sa va dinadina oya vei edra tamata tauco'o ga, na ona va tucae tai ni oya leqa mai na mate. ³² Ni dra sa rogo na tucae leqa mai na mate, sa valialia eso ;qa so sa aya, eitou na rogo io leqa ga na a ai. ³³ Sa lao tani na edra maliwa a Paula. ³⁴ Qa sa abiti oya so a tamata, qa dra sa vabautia;qa dua vei edra o Taonisio mai na mata vei lewai mai na vanua cecere oi Arisi, ei na yalewa sa vatoai na yaca Tamarisi, odru ei na so leqa.