¹ Sa oti ai sa biutu Aceri o Paula me lao sara i Koronica. ² Mai ene dru a sota ina ei dua Jiu a ona yaca o Akuila, ai tauei dina mai Piritio, o oya e lao dina mai Itali vata ei tacina o Virisila, baleta ma sa varotia o Olitiau o odra tauco'o a Jiu medra sa lao tani mai Roma. ³ Sa qai lao vei edra o Paula, ni dra a ca'a ca'a vamatai vata voli ga. ⁴ O Paula ma sa dau vunau voli ena valenilotu ena vei siga ni vacecegu, qa me tovolea rawati edra ina o Jiu ei na ai Kiriti. ⁵ Ni dra sa lao sobu mai o Sailasi ei Timoci mai Masitonia, ma sa  vauqeti o Paula ma vadinadina tainia vei edra a Jiu ni o Jisu ma Karisito. ⁶ O odra a Jiu mada qai voratia qa vosa vacaca tai ea, o Paula ma qai ureitainia a ona i sulu qa aya vei edra, "A emudou dra ga ena varusai emudou, Au sa savasava ena gauna ai au sana lao ga vei edra a vaimatanitu tani." ⁷ Sa qai lao tani qa lao ina ona vale edua a tamata a yacana o Taito Jisutu, a tamata sa dau lotu vei ea a Alou volea a ona vale ina vale ni lotu. ⁸ O Kirisipasi ai liuliu ni vale ni lotu e vabautia a turaga ei edra a ona vuvale ma lao vei edra ai Koronica madra sa rogoca qa vabautia qa madra so papitaisotaki. ⁹ A turaga ma aya vei Paula ni bogi ena tadra, ''Mo ua ni rere mo vosa qo ua ni varorogo no. ¹⁰ Au na notu vata ei io, qa na maqa ni dua ena vamavoatai io, me baleta ni lelevu a tamata edra notu ei  ena oro leva ai." ¹¹ Paula e notu ga ena dua a yabai qa ono a vula, qa vavuvuli voli ena vosa ni Alou e na edra maliwa. ¹² Masa kovana o Kilio mai Ekaia, edra tucad a Jiu medra daaveta me boleh Paula qa medra di oya cae ino matevelewai, ¹³ qa dra aga, "A tamata ai sa dau vavulia edra a tamata medra masu vetani vei ea a Alou. Sa cola ena lawa. ¹⁴ Ma se vadea me vosa o Paula, ma sa qai aya o Kalio vei edra a Jiu, "omudou a Jiu, e a dina ni dae a leqa ni cola se dua a cala malumelumu se dua a ulubale mo dou dia cae ga vei emudou. ¹⁵ Jai a taro me baletia vosa ei na yaca ena omudou lawa dou vaare tai na ga vai emudou. Au mage ni gutia mea veilewa tainia a tanti ina ai. ¹⁶ "O Kalio e vadai tarinia vei edra medra vagalale tainia ai dabedabe ni vei koai. ¹⁷ A dra sa qai taudi Sosiceni, oya ma leva a vale ni lotu, madre mota lai ea enai nono ni veilenaio O Kalio e maqa sara ga ni au rai ena a edra ca ava. ¹⁸ Paula, masa oti e vica a siga a onotu mai ene, sa qai biuti edra a tacira qa soo sara i Siria vata ei virisila ei Akuila. Ni bera me biubiu ena i eleele ni naqa i Kenikiria, ma qai otio a ulana me baletia a yalayala ma caara. ¹⁹ Madru sa yaco i Eteso, sa qai biuti Pirisila oto mai ei Akuila, sa qai vavulici edra mai ene a Jiu. ²⁰ Madra sa qai erei Paula me no vatailai, sa maqa ni gutia o ya. ²¹ Sa tafau ga ma qai aya vei edra oga, au na qai lesu leqa mai vei emiau e sa yaco a lewa ni Aloua ma sa qai soo tani mei Efeso. ²² Ma sa qai ele waqe o Paula i sisiria, Ma qai gole eae me srovia a valeni lotu mai Jerusalemi ma qai goe soba sara i Enitioki. ²³ Ma valailai ga a ona notu mai ene, sa bicoti edra leqa o Paula qa lao curumia a vanua o Kalatia ei firijia, me vayaloqaqa ta i edra voli a tisaipeli. ²⁴ E dua leya o Jiu a ena yaca o Apolosi, ma sucu Elikisadaria mai lao mai Efeso. E dau vosa vuku e matua ila ai voratabu. ²⁵ Apolosi ma vali mei vavuli me boletia turaga, ma ila walega o ya a vei papitaigo tai i Joni. ²⁶ O Apolosi sa teivu me vosa doudou ena vale ni dotu. Ni dra sa rogoca o virisila ei Akuila edru sa di ea i lona qa vamacala tania vei ea a sala vei ea a alou. Qa me matata sara vei ea. ²⁷ Ma sa nanumia me curumi Ekaia, edru sa vayalidei tai eya me volavola vei edra a tisaipeli i Elaia medra ciqomi ega. Ni sa yaco waqe me lai vuei edra medra vabautia valeru a loloma. ²⁸ O Apolosi sa gumatua vei edra edra a Jiu ena veiba ena matana leva qa vavulici edra ni sei Jisu a Karisito.