¹ Sa qai lao oya i Tapi ei Lisitira :qai igavia ni a notu ina e dua sa lotu, o Timoci a ona yaca, a Luve ni yalewa ni Jiutia sa vaabauta, ia e ai matanitu tani o tamana. ² Sa rogo re oya ai ve edra veiweani mai Lisitira ei Ikoniona. ³ E a gutia o Paula medru lao vata, qa di eya mada me cilivi e na vu'u dra na Jiu edra notu i na yasana ananidra ila tauco'o sa ai matanitu tani na tamana. ⁴ la ni edru a lao via na vei oro, edru aya ve edra,medra vabautia ai va a ro qa lesia odra ai apositolo ei odra matua sa notu mai Jerusalemi. ⁵ E a vadeitainia na vei soqosoqo lewe ni lotu ena vaabauta, edra a tubu leqa ga e na veisiga medra lewe vuqa. ⁶ la ni edru a lao vi Filisitia ei na vanua o Kalatia, e tarovi edru a Yalo Tabu medru uwa ni vunautainia a vosa va a Esia. ⁷ Ni edru a yaco waqe i na yasana o Misia, edru a va tovolea sara me lao i Picinia, e maqa ni biuti edru a Yalo Tabu. ⁸ Edru a pasitaini Misia, qa lao sobu i Tiroa. ⁹ sa rairai vei Paula e dua na raivotu ena lomaloma ni bogi :ni a tu e dua na ai Masitonia oya sa vamasuta a aya, Lao mai i Masitonia mo vu e i eimami. ¹⁰ la ni igavia devu a ona raivotu, eitou a vatovole sara me lao i Masitonia, ni eitou a vananumia e dina sara a tarogi eitou a Turaga me eitou vunautainia ve edra ai tu'utu'u re. ¹¹ la ni eitou a varewa iTiroa eitou a vue waqe i Samoceresa, qa ia e na roaroa i Niapoli, ¹² ia mai ene me yaco i Filipai, e oro levu e na yasayasa va-a Roma, qa oitou a notu e na oro ana qa bogi vica. ¹³ la ena siga ni vacecegu oitou a lao i na yasa ni oro e na bati ni uciwai, i na yasana oitou a nanumia ni a dau Vala ina na lotu ei na masumasu; qa oitou a no sobu, ka vosa ve edra a yalewa edra soqoni vata ina. ¹⁴ E a varogo e tila yalewa o Litia a ona yaca, mai na oro o Ceataira, e DAU volitainia na a lo a lo a, e dau lotu ve eya Alou, e a dolavia na ona yalo na Turaga, qa sa vabautia ina na vei a sa aya o Paula. ¹⁵ la ni a papitaisotai oya ei edra leqa ga a ona lewe ni vale sa vamamasu oya,qa aya, eva a dou a lewa niu a dina ve eya Turaga curu ina oqu vale qa tio ina, e a cievi oitou sara o oya. ¹⁶ A sa yaco, ni oitou a lao ina yasana sa Vala ina na masumasu, Oitou a sota ei na dua Yada sa tio vua a yalo oi Paiconi, oya a dau vavutuniyautaini edratou vaalevu na ona Turaga ena ona parofisai va a seseni. ¹⁷ E a muri Paula ei oitou oya ai, a qoqolou qa aya, Sai talatala ni Alou cecere sara o iratou a tamata ai, odratou a va ata ila tainia vei mi'au na sala ni bula. ¹⁸ A sa bogi vica qa ita a tio ai. E a qai rarawa na lomai Paula, e a rai vu i, qa aya vua na yalo, au a varota vei lo ena yacai Jisu Karisito mo lao tani mai ve eya. E a lao tani sara ena ti i ni siga ga oya. ¹⁹ la ni a igavia o iratou a ona Turaga ni a taali na vei a ratou a vararavi ina me rawa ina a odratou i yau, ratou a Tari Paula ei Sailasa qa yarataini eya ina rara ni veivoli ve edra Turaga. ²⁰ Qa di edru ina mataveilewai a aya, oi edru a tamata ai, edru a i Jiutia, edru a vaidroatainia a oda oro. ²¹ Qa varota ai valavala eso e maqa ni yaga ni dodonu ve eda meda vabautia se muria, nida ai Roma. ²² Edra a qai tu ca e vata va qaqa ve edru o Paula ei Sailasa qa dra luvata a odru i sulu odra na mataveilewai, qa dra aya medru warolai. ²³ la ni edra a warolai ni edru va a levu, edra a qai biuti edru ina vale ni veivesu, edra a varota ve eya ai vatawa medru tauri va a re. ²⁴ O oya sa varoti veai, sa bilirai edru i vale ni veivesu i loma sa vesu ia matua sara a odru la i na i vesu acu. ²⁵ la ni sa loma loma ni bogi a vanua, sa masu o Paula ei sailasa, qa sere vei oya Alou ;qadra sa rogoci edru odra tamata sa vesu tu. ²⁶ Sa tavui valevu vasauri a vanua, qa sa yavala i na a yavu ni vale ni veivesu:qa sa tadola vasauri tauco'o a sogo ni ta'ari, qa sa serei vayadua a edra i vesu a tamata. ²⁷ Sa qai yadra mai na moce ai vatawa ni vale ni veivesu, ia ni sa une ni sa tadola tu a ta'ari ni vale ni veivesu, qa sa ucu ni a mai a ona i seleiwau, qa naitia me vamatei oya, ni sa nanumia ni dra sa ubu o dra tamata ma vesu tu. ²⁸ Qa sa taro na domoilevu o Paula, qa aya uwa ni vacacani i'o eitou sa notu tauco'o ga ei. ²⁹ sa qai taro oya me di mai a cina, sa qai sia i loma, qa sa sautanini mai, qa sa cuva sobu vei Paula vata ei sailasa, ³⁰ qa sa di edru i tuba, qa aya, emu drua turaga, cava meu na vele'e meu bula ina? ³¹ Qa dru sa aya, vabauta a turaga o Jisu Karisito, qona bula ina, ei e dra lega ga a omu lewe ni vale. ³² qa dru sa aya vei oya a vosa ni turaga, vei edra leqa ga sa notu i na ona vale. ³³ qa sa di edru oya i na bogi ana, qa sa quwatia a weni sao;qa sa papitaiso tai sara, o oya ei edra tauco'o a ai ona. ³⁴ ia ni sa di edru i na ona vale sa varau tai a magiti, i na odru mata, sa marau valevu, ni sa vabauta a Alou, ei edra tauco'o a lewe ni vale. ³⁵ ia ni sa siga mai, edra sa tala a ovisa odra mata veilewai, qa aya serei edru a tamata ari me dru lao. ³⁶ qa sa aya vei Paula a vosa ai a vatawa ni vale ni veivesu, sa talai mai na mata vei lewai mudru sa serei :mudru qai cavu tu qa lao na vacegu. ³⁷ Qa sa aya vei edra o Paula, edra waro lai ni ei rua qadra maqa ni lewai ei rua rawa i mada, ia ei rua sa ai Roma o ei rua;qa dra sa biuti ei rua i vale ni veivesu ;qa sa biuti ei rua vuni, oi? me uwa sara ;medra lao ga mai qa di ei rua i tuba. ³⁸ Qa dra sa aya a vosa ai odra a ovisa na mata vei lewai ;edra sa qai rere, ni dra sa rogo ni dru sa ai Roma. ³⁹ Qa dra sa lao mai qa va masuti edru, qa di edru i tuba, qa vamamasu medru lao tani i naoro. ⁴⁰ qa dru sa lao tani i vale ni veivesu, qa dru curu i na vale oi Litia ;ni dru sa une i edra a veiweani, qa dru sa vacegui edra, sa qai lao waqe.