¹ Ia sa lao sobu mai Jutia eso a Turaga, qa vavulici edra veiweani, E va a doua maqa ni cili me tautauvata ai valavala oi Mosese, dou na maqa ni vabulai rawa. ² la nidra veiba qa veileti ei Paula ei Panapasa edra a lesi edru ei vica leqa eso mai ve edra, me ratou lao cae i Jerusalemi vei iratou a apositolo, ei odra leqa ga a matua ena vu'u ni vei a ai. ³ Ia sa lao sobu mai Jutia eso a Turaga, qa vavulici edra veiweani, E va a doua maqa ni cili me tautauvata ai valavala oi Mosese, dou na maqa ni vabulai rawa. ⁴ la nidra veiba qa veileti ei Paula ei Panapasa edra a lesi edru ei vica leqa eso mai ve edra, me ratou lao cae i Jerusalemi vei iratou a apositolo, ei odra leqa ga a matua ena vu'u ni vei a ai. ⁵ E a tu ca e eso na odratou i to'ani na Farisi era a vabautia qa aya, sa dodonu me cilivi odra ari, me varoti leqa ve edra medra talai rawarawa ina i vunau i Mosese. ⁶ Odra apositolo ei edra matua medra bose a vei a ai. ⁷ ia ni levu odra veileti, qa tu ca e o Pita qa aya ve edra, oi mi'au a veiweani mi'au sa ila ni digitaini au maivei eda na Alou ena gauna ma awa,me ra rogo ai tu u tu u re odra na veimatanitu tani, mera vabautia. ⁸ Ia na Alou oya e ila na oda yalo, qa vadinadina ve edra na Yalo Tabu me va a ve eda. ⁹ E a maqa ni vina'ati eda ca e ve edra, ia sa va savasava tai a odra yalo ena vabauta. ¹⁰ Mi'au a qai vatovolei va a ca ina Alou mi'au gai vataqara ai vua ina odra domo ve edra sa lotu,eda a maqa ni colata rawa oi eda se odra a oda matua? ¹¹ la eda a vadinata ni da na bula ena loloma ni oda Turaga o Jisu Karisito, me va'a leqa ga odra ari. ¹² A qai galu odra va ayaduaga na lewe vuqa,medra rogo i Panapasa ei Paula, ni edru aya a vei vataila ila, ei na veiavaurabuitai, e a vele e a Alou ena odru liga, ena edra maliwa na veimatanitu tani. ¹³ la ni edru a tinia a odru i tu'utu'u qa vosa o Jemesa qa aya, oi mi'au a veiweani ni rogo i au. ¹⁴ E a qai aya oti o Saimoni se sa lai di va'aevei i mada a Alou eso a tamata mai ve edra a veimatanitu tani, me notu ve edra a ona yaca. ¹⁵ ia na vei a ai sa bale vata ei na odra vosa na parofita me va a na vei a sa volai. ¹⁶ Ni devu a vei a ai au na lesu waqe meu Lai vaduria leqa a vale oi Tevita, oya a bale sobu, qa vaduria leqa na ena sa rusa, au na vaduria leqa ga. ¹⁷ medra vasaqara na Turaga odra tamata ese vo, ei odra tauco'o a veimatanitu, edra vato ai ena oqu ya ¹⁸ Sa aya veea a turaga, ni o oya sa vataila a a tauco'o ai mai nai vateivu ei vuravura. ¹⁹ 0 oya au a lewa ina, me da uwa ni vaocani edra, edra a sauma i mai vua Alou, maivei edra na veimatanitu tani. ²⁰ me da vola ga ve edra, medra tabu ni qaravia na matakau, na daudara leqa ga, ei na a sa una ei na dra. ²¹ Nidra tio ma awa ena vei oro tauco'o odra sa vunautaini Mosese, nidra a wili a ena veivale ni lotu ena veisiga ni vacecegu. ²² Edra a qai gutia nai apositolo ei odra matua, odra tauco'o ai Soqosoqo lewe ni lotu me digita i na tamata eso mai ve edra, qa vatala medru lao vata ei Paula ei Panapasa i Anitioki, odru o Jutasa a ona yaca leqa ga o Parisapa, ei Sailasa, a tamata edru a matai ve edra a veiweani. ²³ Edra a volavola ve ai medratou dia, oi mi'au ai apositolo ei odra matua, eimami a loloma waqe vei mi'au a veiweani sa matanitu tani mai Anitioki ei siria ei silasia. ²⁴ ni eimami a rogo edra a lao tani waqe vei eimami e vica edra a va i drowata i emudou ina odra vosa, edra a vuica tani a lomamu dou, ia eimami a maqa ni talai edra. ²⁵ Eimami a qai dua vata me digitai eso na tamata qa tala vei emudou medru lao vata ei edru na daulomani o Panapasa ei Paula. ²⁶ A tamata ena bole me na mate ena vu'u ni yacana a oda Turaga o Jisu Karisito. ²⁷ oya eimami a talai Jiutasa ei Sailasa edru na aya leqa ga na vei a ai ena odru gusu. ²⁸ ni a a re ve eya na Yalo Tabu, vei eimami leqa ga me eimami uwa ni taucia vei emudou ai colacola levu, oya ai ni a dodonu. ²⁹ Me tabu vei emudou a vei a sa Cabo ina vei mataau na dra leqa ga ei na a sa una, ei na daudara, ia dou qarauni emudou ina vei a ai, dou na vele e va a re. Sa loloma. ³⁰ ia nidratou a talai, edratou a lao i Anitioki ;ia ni ratou a vasoqoni edra vata a lewe vuqa, edratou a solia ai vola. ³¹ la nidra wili a devu, edra a marau ena vu'u ni vei va'a cegui. ³² la o Jutasa ei Sailasa edru a vavuvuli leqa ga, edru a vavulici edra a veiweani e na vosa e vuqa, qa vataudeitainia. ³³ la nidratou a tio bogi vica, edra a qai talai iratou o odra a veiweani ena vacegu ivei edra a ai apositolo. ³⁴ la sa gutia o Sailasa me notu ga mai ene. ³⁵ la o Paula ei Panapasa edru a notu mai Anitioki edru a vavuvuli qa vunautainia a vosa ni Turaga ei edra na tani e lewe vuqa. ³⁶ sa bogi vica a qai aya o Paula vei Panapasa, medru lao leqa me igavi se ra sa va'aevei odra a we a da ena vei oro tauco'o edru a vunautainia ina a vosa ni Turaga. ³⁷ E a nanumia o Panapasa medru di Joni, a ona yaca leqa ga o Marika. ³⁸ E a maqa ni vina'atia o Paula medru di eya, ni a biti edru i mada mai Pamifilia oya, qa maqa ni lao vata ei edru ina ca a ca a. ³⁹ A sa ata ata ina na veileti, edru a dui lao ina, e a di Marika o Panapasa, edru a so o i Kiporo. ⁴⁰ e a digitaini Sailasa o Paula, e a lao waqe, ni a vatonai edru ina loloma ni Alou odra a veiweani. ⁴¹ E a lao voli oya i Siria ei Silasia, a sa vataudeitainia edra ina vei soqosoqo lewe ni lotu.