¹ A ona yaco mai o Ikoniona, ni edru a lao vata ina odra vale ni lotu na Jiu, edru a vosa, qa sa vabautia ina e lewe vuqa na Jiu ei edra a matanitu tani. ² la odra na Jiu edra a vatitiqa, edra vauqeta na lomadra ve edra sa matanitu tani me ra lomaca ve edra a veiweani. ³ ia o Paula ei Panapasa edru a tio vadede ina qa vosa doudou e na vu'u ni Turaga, oya qa sa va'ataila ni a dina a vosa ni ona loloma, qa solia me vele e rawa ena odru liga eso nai va'ataila ila, ei na vei a e veivaurabuitai. ⁴ A sa tawase rua odra a lewe vuqa edra notu i naoro ;eso sa tota i edra na Jiu, qa so sa totai edru ai apositolo. ⁵ ia nidra a lao va qaqa ve edra sa matanitu tani, ei edra leqa ga na Jiu, ei odra Turaga, me ra vacacani edru qa vaviriki edru ina vatu. ⁶ edru a qai ila mada, qa dru dro tani i Lisitira ei Tapi, edru a oro va a-Likeonia ina yasana leqa ga vavolivolita. ⁷ Edru a vunautainia leqa ga mai ene ai tu'utu'u re. ⁸ E a notu mai Lisitira e dua na tamata, qa sa malumalumu a ona la, na ona sucu mai e a loiloi, e a maqa ni lao rawa e na dua na siga. ⁹ E a varogoi Paula ni a vosa no;ia ni a igavi eya o Paula, qa ila ni a tu ve eya na vabauta me vabulai ina. ¹⁰ Sa vosa e na domo levu, Tu vadodonu cae. e a ri'a o oya, qa lao voli. ¹¹ ia nira igavia o ira a tamata na a sa vele e o Paula, edra a tabala a cae a domodra, qa aya ena vosa va'a-Likeonia, odru a Alou edru a Lia tamata mai, qa sa lao sobu mai ve eda. ¹² Edra a tarogi Panapasa mei Jupita, ei Paula mei Makuri, ni a dau ni vosa oya. ¹³ 0 oya leqa ga na bete i Jupita, qa tio ena mata ni oro a ona Bure Alou sa dia mai ina matamata ni oro eso na pulumokau ei na salusalu, qa sa vina'ati ve edra na lewe vuqa mera vacabo i soro ¹⁴ ia ni edru a rogo ai apositolo o Panapasa ei Paula, edru a dresulainia a odru i sulu, qa ovu sara ve edra a tamata, qa qoqolou. ¹⁵ Oi mi'au a Turaga, a cava oni sa vele e ina a vei a ai? eda a tamata vata qa tovo vata leqa ga ei mi'au, ia ei ru a sa Vunau vei mi'au moni sauma i tani mai na vei a ai sa maqa ni yaga, ve eya Alou bula, oya a bulia lomalagi ei na vuravura ei na wasawasa, ei na vei a tauco'o sa tu ina. ¹⁶ E na gauna i mada, o oya a vosota na lewe ni veivanua mera lao ga ena odra sala. ¹⁷ la e a maqa ni bitia me maqa a ona i va'a tailaila, ni a vele e tio va re o oya,e a solia mai ve eda a uca mai lomalagi, ei na yabai e levu ina na vuata, a sa vamamauta a na oda lovaga ei na magiti na marau. ¹⁸ A sa vo e lailai medru maqa ni tarovi ira na lewe vuqa ena vosa ai, me ra uwa ina ni vacabo i soro ve edru. ¹⁹ Edra a lao mai eso na Jiu mai Anitioki ei Ikoniona, era a vauqeti Ira na tamata, ia nidra a vaviriki Paula ena vatu,edra a yaratainia ina i bili ni oro, ni ra nanuma ni sa mate oya. ²⁰ IA ni a tu vavolivoliti oya, odra sa lotu, sa tu cae oya, qa sa lao ina oro. IA ena loiloi lo edru a lao ei Panapasa i Tapi. ²¹ la ni edru a vunautainia oti ai tu'utu'u re ena oro ana, qa va'alougatatai Ira a lewe vuqa, edru a qai lesu i Lisitira ei Ikoniona ei Anitioki. ²² edru a vataudeitainia a odra yalo edra sa lotu,ni edru a varota ve edra me ra tudei ena vabautia, qa aya ni sa iliili me vuqa na vei a rarawa eda curu ina matanitu ni Alou. ²³ Ni edru a lesia eso me odra qase ai Soqosoqo lewe ni lotu tauco'o, ni edru a masu leqa ga qa lolo, edru a tatauna i edra ve eya Turaga, oya edra sa vabautia. ²⁴ Ni edru a laovi Pisitia,, edru a yaco waqe i Pamifilia. ²⁵ edru a vunautainia na vosa va a Perika, edru a lao i Atalia. ²⁶ edru a so'o tani mai ene i Anitioki, edru a vatonai ina me odru a loloma ni Alou e na vu'u ni ca'aca'a edra a qai vaotia. ²⁷ ia ni edru a yaco waqe, qa va soqoni edra vata ai Soqosoqo lewe ni lotu, edru aya na vei a tauco'o sa vele'e na Alou ni a vei vu e ei edru, qa dolava na ta'ari ni vabauta ve edra na matanitu tani. ²⁸ Edru a notu vata vadede ei edra sa lotu.