¹ E ma notu vei edra ai Soqosoqo lewe ni lotu mai Anitioki eso a Parofita ei edra qasenivuli. O odru o Panapasa, Simioni a ona yaca leqa ga o Nikeri, ei Lusiu a ai Kirini, Manaini edru a susugi vata ei Eroti a Turaga, ei Saula. ² la ni dru ma ca'aca'a vei eya Turaga, qa lolo no,e ma vosa vei edru a Yalo Tabu, "Lesi edru mai vei au o Panapasa ei Saula i na ca'aca'a au a tarogi edru ina". ³ Ni dru a lolo qa masu oti edru a qai tabai edru, ena odru Liga a vatalai edru waqe. ⁴ lo o odru ai ni a vatalai edru a Yalo Tabu, edru a lao i Selusia, e dru ma qai so'o tani mai ina i Kipiro. ⁵ la ni dru ma notu mai Salamisa, edru a vunautainia a vosa ni Alou ena odra veivale a lotu Jiu, a ve'uvu'e vei edru o Joni. ⁶ la nidru ma lao waqe tauco'o ina yanuyanu qa yaco i Pafo, edru ma qai une e dua nadauvadrauniacu, a Parofita seseni, a ai Jutia, a ona yaca o Pari-Jisu. ⁷ Edru a no vata ei na Turaga ni vanua, o Serikiu Paula e a tamata yalomatua e a qai tarogi Panapasa ei Saula, qa mata rogo a vosa ni Alou. ⁸ E qai tarovi edru o Elima, "a dau vadrauniacu", (ai balebale ni ona yaca), qa vatovolea me saumai tani a Turaga me ua ni vabautia. ⁹ la o Saula, oya leqa ga o Paula, ni a vasinaiti ina Yalo Tabu, qa vaigavi oya matua, ¹⁰ "la o io a luve ni tevoro, a meca ni vei a tauco'o e dodonu. la o a sinai e na dauveiva'aisini ece ei na ca tauco'o, ena maqa bea ni oti a omu vuicia ai na'i dodonu ni Turaga? ¹¹ la ai igavia, ena bi'ai io voli a civo ni Turaga, o na qai matabo'o ina. O na maqa ni igavia rawa a mata-ni-siga me oti mada a siga eso". E na qai lutu vasauri vei oya a abuabu ei na iloilo, e na qai vayayamo voli ni qara eso medra tubera. ¹² Ni a qai igavia a turaga a vei a ca  qa sa vabautia, ni a qai urabui e

nai vavuvuli ni Turaga.

¹³ la ni a biuti Pafo o Paula ei edra a lao vata no, edra a lao i Perika mai pamifilia;e  qai biuti edru o Joni, qa lesu leqa i Jerusalemi. ¹⁴ la mai Perika, edru a lao i Anitiokimai Pisitia, edru a curu waqe ina vale ni lotu e na siga ni vacecegu, edru a no sobu. ¹⁵ la ni sa wili oti ai vola ni vunau ei edra a Parofita, e  qai talai ve edru odra a turaga ni vale ni lotu, qa aya oi emudrua "veiweani,eva'a sa ai tai ni tu vei emudrua  e dua vosa ni vavuvuli vei edra tamata, aya ga mai." ¹⁶ E a qai tucae o Paula, qaivatataba, qai aya. oi miau Isireli,ei mi'au sa rerevainia Alou mo varorogo mai. ¹⁷ A odra Alou ni tamata ai,  Isireli, qai digitai edra oti a oda matua, qai valevui edra tamata, nidra a notu vulagi mai na vanua o ljipita, a qai di edra mai ene ena ona liga qaqa. ¹⁸ la  ma qai notu vata ei edra i na veiacu volea ni vasagavulu a yabai. ¹⁹ E qai va'awabo'otai a matanitu e vitu a vanua o Kenani, a qai vota ve edra a odra vanua. ²⁰ E  qai lesi eso a turaga ni lewa a yabai vadrau qa limasagavulu, qa yacovi Samuela a parofita. ²¹ Ni oti ana edra a qai gutia me dua odra tui:a sa qai soli Saula ve edra Alou, o oya a luvei Kisi, e a'wa i Penijamini, qa yabai vasagavulu a ona tui. ²² la ni sa di eya tani o Saula, a qai vatuburi Tevita me odra Tui;e a qai ai tai eya leqa ga, qa aya, "Au sa unei Tevita a luvei Jese, a tamata sa gutia lomaqu, o oya ena vele'e tauco'o a oqu lewa." ²³ Mai na ona awa me a vosa ni yalayala, sa vatuburia a Alou ve edra a Isireli o Jisu. ²⁴ Ni bera ni lao mai o Jisu, sa liutaini

oya o Joni, qa vunautainia a papitaiso ni veivutuni ve edra tauco'o a Isireli.

²⁵ la ni sa vaotia a ona ca'aca'a o Joni, qa sa aya waqe ve edra mi'au sa nanumia se ocei o au? au a maqa ni va ai oya, igavia, e dua sa muri au mai, ia ai vava ni ona la, au sa maqa ni yaga meu sereia. ²⁶ 0i mi'au a veiweani a awa i Eparama, ei edra tauco'o ve mi'au a rereva'inia Alou,sa aitai ve eda a vosa ni bula ai. ²⁷ Ve edra a notu mai Jerusalemi ei odra Turaga,edra maqa ni ilai oya, se na odra vosa a Parofita sa wili na veisiga ni vacecegu, edra vayacora ni dra lewai oya me mate. ²⁸ Sa dina edra a maqa ni une e dua  vei a dodonu me mate ina, ia edra masuti Pailato me vamatei o oya. ²⁹ la edra vayacora a vei a tauco'o sa volai ena vu'una edra a biutia sobu qa vaotori oya ina bulubulu. ³⁰ E qai vaturi oya cae leqa mai na mate a Alou. ³¹ Ina vei bogi sa basia ina o oya vata ei edra ma lao vata mai Kalili qa i Jerusalemi qa dra sa dau ai taini eya o odra ari vei edra a tamata. ³² Ia eirua sa aya vei emiyau ai tu'utu'u re ni yalayala, qa vele vei edra a qase. ³³ Ni sa vayacoria a Alou vei edra a luvedra, ni sa vatuburi Jisu cae leqa o oya: me tautauvata a vei a sa volai i nai arua ni same, o odra a luvequ, au sa vatuburi io ina siga ai. ³⁴ Ia ina vu'u ni vei a sa vaturi oya cae mai na mate, me uwa ni vuca leqa, sa aya ve ai o oya. Au na solia vei emudou a veia sa yalatai vei Tevita. ³⁵ Sa aya leqa ga ina o oya ina dua leqa a same, o na maqa ni dainia a omu yalo savasava me vuca mai. ³⁶ Ia o Tevita ni sa qaravia oti a ona i taba tamata, me tautauvata a lewa ni Alou, sa qai moce, qa sa qai buluti vata ei edra a qase, qa sa vuca mai. ³⁷ Ia oya ve vatucae tainia a Alou e na maqa ni vuca rawa. ³⁸ Au sa aya vei emudou a veiweani ,ni a vu'uana ga a turaga sa bo'o ina omiau valavala ca.A vunau i Mosese na maqa ni vadonui emiau ³⁹ Ia oya Alou sa digitainia a tamata ai e vadodonu tai edra oya vabauti oya. ⁴⁰ O oya ai mo miau qai igavi emiau ina vare, laolao ena yaco vei emiau a a sa vosa ina o odra a parofita. ⁴¹ "Igavia,: omiau a dau vei beci, mo mudou idacala, qa rusa. Niu sa vele'e edua a ca'aca'a vei emudou ina dua a gauna. A ca'aca'a ina omudou gauna, a ca'aca'a dou na maqa sara ni vadinatia, laolao ena aya e dua vei emudou. ⁴² Ia ni dra sa curu no waqe, e dra sa ere ere me vunautai a vosa ai, ina siga ni vacecegu e tarava. ⁴³ ia ni sa sua tani odra a soqoni vata, sa lelevu a Jiu ei a tamata sa lotu va Jiu, edra a muri Paula ei Panapasa, edru a vosa ve edra, qa varota ve edra,medra tari deivai a loloma ni Alou. ⁴⁴ Ia ena siga ni vacecegu sa muri, sa vo lailai me oti tauco'o a lewe ni oro nidra a soqoni vata medra rogo a vosa niAlou. ⁴⁵ Nidra a igavi edra a Jiu edra a lewevuqa, edra a sinai ena vuvu, edra a valusia a vei a sa aya o Paula, qa vosa vacacatai. ⁴⁶ Edru a qai doudou o Paula ei Panapasa qa aya, e dodonu me vunautai mada vei emudou a vosa ni Alou :ia ni dou a biutia tani vei a lewai emudou mo dou maqa ni yaga mo dou bula tawa yaga

emudou, mudou, une, eirua  sa lao ve edra a matanitu tani.

⁴⁷ Ni a varota vei eitou a Turaga, au a vaturi io mo odra rarama a veimatanitu, mo yaco mo vuni bula ina i yalayala ei vuravura. ⁴⁸ Ia nidra a rogo odra matanitu tani, edra marau, edra varo'oro'otainia a vosa ni Turaga :ia qa sa vabautia odra tauco'o edra a varau tu medra gutia a bula tawa mudu. ⁴⁹ A sa otivia a vosa ni Turaga i na veiyasana tauco'o ari. ⁵⁰ Qa dra vauqeti edra a yalewa lotu,ei edra a marama, ei edra a turaga ni oro, odra a Jiu, qa dra sa vatuburi a dauveivacacani ve edru o Paula ei Panapasa, qa uti edru tani ena odra yasana. ⁵¹ Edru a uretainia ve edra a somo mai na odru la, edru a lao i Ikoniona. ⁵² Ia odra a lotu edra a sinai e na marau ei na Yalo Tabu.