¹ Mukurundapo, Erihu akonkenyepo ukuranda ati: ² Kutikeni ku mashiwi yangi, mwebo mwebaume bamano; ngumfweni, mwebo mwebakwata ubwishibiro. ³ Pantu ukutwi kwesha amashiwi ngefyo ikiponshi kyesha ifyakurya. ⁴ Natusare fwebene ikyamuringanya: natusange fwebene pakati kesu ikyabune. ⁵ Pantu Yobo asosere ati, 'Ndi murungami, rero Resa nasenda insambu shangi. ⁶ Ukufumyapo insambu shandi, ndependwa ngo wabufi. Ikironda kyangi takingapora, nangura nshikwete rubembu.' ⁷ Muntu nshi uri nga Yobo, uunwa ukusekwa nga menshi, ⁸ uwendera pamo nabo abakita ububi, na uyo uwendera pamo na bantu babipa? ⁹ Pantu asosere ati, 'Takiringire umuntu ukukyankirwa mukukita ikyo Resa arefwaya.' ¹⁰ Kanshi Kutikeni kuri nebo, mwe baume bamukyetekanya: ukutari ukufuma kuri Resa ukuti kuri akita ububi; ukutari ukufuma ku Wa maka yonse ukuti kuti akutita urubembu. ¹¹ Pantu abawesesha imirimo ya muntu; arenga umuntu ukwisa ku kirambu kya nshira shakwe. ¹² Mukine, Resa takita ikiri kyonse ububi, kabiri Uwa maka yonse taperura muringanya. ¹³ Bushe ni nani wamubkire umukaramba pa kyaro kyonse? Bushe ni nani wabikire isonde ryonse panshi yakwe? ¹⁴ Nga abikafye ukukabira kwakwe ku mwine, kabiri nga abikirefye umupashi wakwe no mupu wakwe ku mwine, ¹⁵ ryene umubiri onse ngawarifwire pamo; umuntunse nga aribwerere kwi roba nakabiri. ¹⁶ Nomba nga namukwata umukyetekanya, kutikeni kuri ki; kutikeni ku kiunda kya mashiwi yangi. ¹⁷ Buushe uyo uwapata zumuringa kuti ateka? Bushe mukaseka Resa, uo burungami kabiri maka? ¹⁸ Resa, uusosa ku mfumu ati, 'Uri wafye,' nangu uusosa ku barupaka ati, 'Muri babi'? ¹⁹ Resa, uushiranga ukutemwa ku ntungurushi kabiri uushirorekesha pa kankara ukukira abantu abapina, pantu bonse bakumirimo ya maboko yakwe. ²⁰ Mukashita kamo bakafwa; pakati ka bushiku abantu bakasunkanishiwa kabiri bakapita; abantu bamaka abaksendwa, rero tekuminwe ya bantu. ²¹ Pantu amenso yakwa Resa yaba mu nshira ya muntu; abona intampuro shakwe shonse. ²² Takwaba imfmfi, takwaba imfimfi yatoresha uko abakita amampuru bengaifisa abene. ²³ Pantu Resa tafwaya kwesha umuntu nakabiri; takiringire umuntu ukumutangirira mu bupingushi. ²⁴ Aputaura abaume bamaka mutupimfya pantu inshira shabo tashifwaikwa kufwairishiwa; abika bambi mukyende shabo. ²⁵ Muri iyi nshira arikwata ubwishibiro pafikitwa fyabo; aposa aba bantu mu bushiku; baonaurwa. ²⁶ Mukuroresha kwa bambi, abepaya pa bubi bwabo nge fipondo ²⁷ pantu bafuma mukumukonka no kukana ukusumina inshira shakwe. ²⁸ Muri iyi nshira, barengere ukurira kwa bapina kwise kuri ye; aumfwire ukurira kwa bantu abakyushiwa. ²⁹ Iryo aikara tondoro, nani engamuseka? Nga afisa ikinso kyakwe, nani engamubona? Atungurura ikyaro no muntu kyapamo, ³⁰ pakweba ati umuntu uwabura bu resa e tungurura, pakweba ati kwiba nangu umo uwakukiringanya abantu. ³¹ Erenganyeni umuntu asosa kuri Resa ati, 'Nshiri no murandu, rero nshakabembukepo; ³² mfundeni ifyo nshingabona; Narikita urubembu, rero ngakabwekeshepo.' ³³ Muretontonkanya Resa akakanda urubembu rwa urya muntu, apo naupata ifyo Resa akita? Mufwire ukusara, Te nebo. Kanshi soseni ikyo mwaishiba. ³⁴ Abantu bamukyetekanya bakasosa kuri nebo- mukine, umuntu wa mano onse uwangumfwa akasosa ati, ³⁵ 'Yobo aranda ukwabura ukwishiba; amashiwi yakwe tamwaba mano.' ³⁶ Yobo nga abikirwe mukweshiwa ukunono pa murandu wakwe pa murandu wakuranda ngo muntu wa bipa. ³⁷ Pantu asansha ubunkarwe ku rubembu rwakwe; atota iminwe yakwe mu kukonya pa kati kesu; aturika amashiwi yakwe pari Resa."