¹ Manje palibe kupasiwa mulandu kuna awo ali muna Kristu Yesu. ² Namulawo waMzimu waumoyo mwaYesu udanditsudzula kuchoka mumulawo chakuyipa naipfa. ³ Nabzvidataziwa namulawo nakufuna kwakuneta kubulikiza nathupi lathu, Mulungu adabzvichita. Adatuma mwana wake wakukondewa kwachakupeleka chanyama kuti chikhale mphaso yachakuyipa. ⁴ Adayita bzvimwebzvo kuti bzvidalewedwa namulawu bzvizadzikisiwe mwaise, tifambilane nakufuna kwanyama, bzviyendelane naMzimu. ⁵ Awo ambakhala nakufuna kwanyama ambayikha mufungo yawo pabzvinthu bzvanyama, iwo anikhala pabzvinthu bzviniyendelana naMzimu aniyikha maganizo yawo paMzimu. ⁶ Maganizo yapanyama ndiimpfa, koma maganizo yaMzumu ndiumoyo namutendele. ⁷ Maganizo yapanyama yanipesana naMulungu, pakuti anibzviyikha lini pantsi pamulawo waMulungu, pakuti unikwanisa kuyita tenepo. ⁸ Wentse alipanyama anikondwelesa lini Mulungu. ⁹ Nakutenepo imwe mulilini panyama koma muli muMzimu, Nchadidi Mzimu waMulungu unkhala mwaimwe. Mukakhala mulibe Mzimu waKristu, iye angakhale lini mwaimwe. ¹⁰ Kristu akakhla munaimwe mathupi yathu yanifa nakufuna kwachakuyipa, Mzimumunikhala nakufuna kwakulungama ¹¹ Mzimu wauyo adalamusa Yesu kuchoka kuwakufa udakhala mwaimwepo, uyo adalamusa Kristu kuchoka kuwakufa azatipaza umoyo pomwe kumathupiyathu kubulikiza naMzimu wake, iye anikhala naife. ¹² Nakutenepo, abale, ndife mangawa haikona kuti kunyama kuti tikhale nakufuna kwanyama. ¹³ Kana akafuna kukhala kwanyama, wawa pafupi nakufa, nakufuna kwaMzimu ukaita iphfa yatupi, uzapulumuka. ¹⁴ Pakuti azinji ambatsogolelewa naMzimu waMulungu, ndiwo wana waMulungu. ¹⁵ mulibe kutambila mumzimu waukapolo kuti mukale wakugopa pomwe tidapasiwa Mzimu wakuti tichemelewe wana, 'watinichelewa nawo, '''Abba,Apayi!'' ¹⁶ Mzimu pachawo umubulisa ufakazi naMzimu yathu kuti ndifi wana waMulungu. ¹⁷ kana tiri wana ndise nathaka, yaMulungu. Tiniphata ntaka naKristu, tikapita mukushupika naye, kuti tikuziwe naye pabodzi. ¹⁸ Tiniwona kuti kwathawe yalelo wuno yazuliwa nandemela yizawonesewa kuna yise. ¹⁹ Pakuti bzvakulengewa bvzidamilila kuwonewa kwawana waMulungu. ²⁰ Pakuti dziko idakala chinthu chilibe basa tamwe lakutukwaniwa, kusili kufuna kwalene, koma pakuti mulungu adabzviyita bzvikale tenepo. ²¹ Adayanga kutsogolomwachilengedw adzichiwa kuti ntsiku inango dziko izatsudzuliwa mulanda wayene wakuwola, ndiye lizakondwa kabodzi mufulu watenepa kwawana waMulungu. ²² Pakuti tidziwa kufikila pantsiku yino dziko linibuwuula tamwe lakubva kuwawa nekana nalelo. ²³ Koma ndidziko lini lokha likubuwuula, nekana nayise ifepo tina Mzimu waMulungu chitu chakutoma chitidapasa naMulungu tibulamo mukati mwatu, apo patinimililila kuti mulungu atite wana wake pomwe, kupulumusiwa kwathupi lathu lentse. ²⁴ Pakuti tidapulumusiwa nathangwe lakuyanganila. Koma kana tikhatoma kuwona bzvatikaliyanganila mutsogolo, tsapano bzvinilewa kuti chadidi tiliyanganila lini kwabvzvili. ²⁵ Koma tikanyanganila mutsogolo chinango chinthu chitisingawone, tinchimililila namutima utali. ²⁶ Munjila ibodzi-bodziyo Mzimu ubwela zatitandiza, mukusaya mphambvu kwatinko. Pakuti tinidziwalini kupemphela chayibzvo-ibzvo, Mzimu pachake atipemphelela kwaApayi nakubuwuula kusangaleweke namafala. ²⁷ Ndiye Mulungu aniwona mumitima yathu, anidziwa mufungo wamuMzimu waMulungu udamila tani, pakuti Mzimu unilewelela wantu kwaMulungu munila yaanifuna. ²⁸ Tinidziwa kuti bzvithu bvzense bzviniyitika bzvinikomela awo anifuna Mulungu,awo waadachemela mukufunga kwake. ²⁹ Awo adadziwikana kale na Mulungu adasankhuliwa kuti akale mwana wake, kuti mwana akale dangwe pakati paabale adawanda. ³⁰ wale adasankhuliwa na Mulungu adaachemelewa,ndiye awo waadachemela,adaalungamisa pomwe pamaso pake, ndiye anigawana nawo ndemela yake. ³¹ tingati tani tsapano, pabzvithu bzvimwebzvi? kana Mulungu alikumbali kwathu,mbani angatipweteke? ³² Uyo alibe kulamba kana na mwana wake, koma adamupasila kwaifepo! adatipasa mwana angataze kutipasambo pomwe padecha bzvithu bzvense. ³³ mbani angapase mulandu anyakusakhuliwa wa Mulungu? Mulungu pachake ndiye atilimbisa. ³⁴ Mbani angatipase mulandu? Yeso Kristu ndiye adatifile padzulu pabzvene ndiye uyu adalamusiwa _uyu alikudzanja lididi laMulungu, pomwe ndiye atipephelelelela ifepo. ³⁵ Mbani angatichose pachikondi chaKristu? Kubonela, kupatikana, kuzunziwa kana njala, umphayi kana ngozi kana spada. ³⁶ Ninga kunembewa kwabzviyitiwa mumanembo, kuti, ''Tangwe lanu tilimungozi yayiphfa ntsiku -nantsiku tiniphatiwa ninga mbelele zikuyenda kaphewa.'' ³⁷ Nee, pabzvithu ibzvi tina kukunda kwakupitiliza kuchokela mwayiye adatikonda. ³⁸ Pakuti ndina chadidi chikuti palibe chingatichose kuchokela muchikondi chake ingawe yiphfa kana wumoyo, kana ngozi atongi kana mphamvu zili kudzulu, kana bzviliyitika tsapano kana mutsogolo, ³⁹ Nee ingawe mitunthu kana bzvigowana bzventse bzvakulengewa padziko, pabzventse ibzvi palibe chingakwanise kutichosa muchikondi chaMulungu icho chili chanthu kuchokela muna Kristu Mpfumu yathu,