¹ Nakutenepo abale mubzvidziwa (ndikulewa kuna imwe munudziwa mulawo) , kuti mulawuo uniwuza bzvakuyita munthu pakulalama kwake kwentse? ² Mkazi adaloodwa alipantsi pamulawo yamamuna pakulalama kwake, koma mamuna akamwalila, mkazi wachosewa pantsi pamulawo wakuloolana. ³ Nakutenepo mamuna wake akhala wamoyo, akayenda kakhala namunango mamuna, aninga achiyita chawupombo. koama ngati mamuna wamwalila, watsudzuliwa kuchoka pamulawo, anizakhala lini mphombo akakhala namunango mamuna. ⁴ Pamwepo , abali wangu mudasaika kumulawu kubulikiza nathupi laKristu. ibzvi bzviniyita kuti tiphatanidziwe naanzathu pabodzi ninga bzvaadayita uyo adalamusiwa kuwakufa. Nandawa kuti tibeleke bzvibeleko bzvaMulungu. ⁵ Apo tikhali munyama nakufuna kwabzvakuyipa bzvathu kuyipa kuda simuka nakufuna kwamulawo, Tikaseyenzesa bzvidzo bzvathu kuti bzvitibelekele impfa. ⁶ Pali manje tidatsudzuliwa kuchoka pamulawo. Tidafa kuti titsudzuliwe panabzvimwebzvo bzvikadatimanga. Ibzvi bzvidayita kuti tikhale watsopano mukuphata mumuzimu, nee mumanembo yakale yale. ⁷ Tingati tani manje? tingati mulawo ndiwakuyipa? bzvinichita lini, Nebvzabzvene, ndilibe kudziwa chakuyipa namulawo, ndikadzili kuphatikana ninga pakhalibe mulawo, ''chakuyipa leka kuphata.'' ⁸ koma chakuyipa chidatola mpata nakufuna kwamulawo, nakubwelesa kufuna-funa kwakaso mwayine, pakuti palibe mulawo, chakuyipa palibembo. ⁹ Pantsiku inango ndidakhala wakusaya mulawo, paudabwela mulawo , chakuyipa chidaphatilila paumoyo , ndiye ndidamwalila. ¹⁰ Mulawo umwewo ukhabwelesa umoyo, koma udachinja kubwelesa impfa kunaine. ¹¹ Chakuyipa chidatola mpata nakufuna kwamulawo nakunamizila kunaine. kubulikiza namulawo bzvidandipha ine. ¹² Pakuti mulawo ndiwakulungama, namtetwe ndiwakulungama, nakukonkholoka. ¹³ Ndibvzo bzviniyita chabwino kukhala chakufa kunaine? bzvingakhale lini kutenepo, ko chakuyipa, kuti chiwoneke kuti nchakuyipa kwaine chidabulisa impfa kunaine kubulikiza nachabwino, kubilikiza namutheto, chakuyipisisa chingakhale chakuyipisisa kwene-kwene. ¹⁴ Tentse tinidziwa kuti mulawo ndimzimu koma ndine wanyama. ndidagulisiwa kuwakapolo kuchakuyipa. ¹⁵ Bzvandiniyita ndinibzvibvesesa lini, Bzvimwebzvo bzvandinifuna kuyita ndiniyita lini, bzvandinizonda ndibzvo bzvandiniyita. ¹⁶ Koma ndikayita bzvandisingafune kuyita ndinibvumalana na mulawo, kulewa kuti mulawo ndiwabwino. ¹⁷ Manje ndine lini ndimbachita ibzvi, koma chakuyipa chimbakhala munaine, ¹⁸ Ndimbadziwa kuti mwaine bzvili munyama mwangu, mumbakhala lini bzvabwino. Ndimbambva kufuna kuyita bzvabwino mkati mwangu, koma ndikwanisa lini kuchichita. ¹⁹ Chabwino chimwecho chandifuna kuyita, ndimbayita lini chimwecho, koma chakuyipa chimwecho chandisinga fune kuyita ndicho chandiniyita. ²⁰ Ndichati kuna bzvandifuna lini kuyita , manje ndine lini ndikuyita ibzvi, koma chakuyipa icho chinkhala mwaine. ²¹ Tsapano ndidawona mulawo umwewu: Pandikafuna kuchita chabwino, chakuyipa chinikhala pafupi nayine. ²² Nakutenepo ndinikondwela mumulawo waMulungu namunthu wamukati. ²³ Koma ndimbawona bzvakusaya mtemo muthupi langu bzvimba tsutsana nabzvinyowani mutima mwangu kana mumaganizo chaimo, Bzvinichita kapolo wamulawo wachakuyipa muthupi mwangu. ²⁴ Ndine munthu wakusuluwala! Mbani angandipulumuse muthupi lakufa limweli? ²⁵ Ndichapeleka zikomo kwaMulungu kubulikiza naYesu Kristu Mambo wathu! nakutenepo ndilikukuphatila mulawo waMulungu namtima wangu wentse. nebzvabzvene ndichiphatila mulawo wachakuyipa.