¹ Tichati tani manje? tipitilize kukhala mubzvakuyipa kuti kukoma mtima kwaMulungu kuwande? ² Nee bzvinchitika lini. ife tidafa kubzvakuyipa , tinifanila lini kuyita bzvimwebzvi? ³ Pakuti chadidi mubzvidziwa kuti patidawombekewa muna Kristu Yesu , tidawombekewa muimpfa yake? ⁴ Tidapendesewa naiye, nakutenepo, naiyoye kubulukiza nakuwombekewa muipfa yake. Ibzvi bzvidayitika kuti pae Yesu Kristu adalamusiwa kuchoka kuwakufa nandemela yaApayi, kuti tifambe muwumoyo watsopano. ⁵ kuti tikhala wakuphatana naye mukufanana naye paimpfa yake. tidaphatanidziwa naye pomwe pakulamusiwa kwake kuchoka kuwakufa. ⁶ tinibzvidziwa kuti munthu wathu wakale adakhokhomelelwa naiye kuti thupi lakuyipa liwonongeke. Ibzvi bzvidayitika kuti tisakhale akapolo wachakuyipa. ⁷ Umweyo animwalilayo anichemelewa wakulungama, pomwe watsudzuka pachakuyipa. ⁸ Pomwe tidamwalila naKristu , tinachikhulupililo chakuti tizakhala naye . ⁹ Tinidziwa kuti Kristu adalamusiwa kuchoka kuipfa, azafalini pomwe; impfa inizapitani pomwe pana iye. ¹⁰ Nakufuna kwaipfa kuti adafa kuchakuyipa, adafa kabodzi pabzventse. Nakutenepo, Umoyo waanilalama anilalamila Mulungu. ¹¹ Nanjila ibodzibodziyo unifuna kubzviwona ngati wakumwalila kuchakuyipa, tikhale wamoyo kwaMulungu muna Kristu Yesu. ¹² Nakutenepo tileke kubvumila chakuyipa kutonga thupi lathu, tiku timbafuna-funa chakuyipacho. ¹³ Tileke kupasa thupi lathu kuchakuyipa, kuti chiwe chombo chabzvakusaya kulungama. Tibzviyikhe kuna Mulungu ngati bzvombo bzviniphatisiwa kulungamisiwa. ¹⁴ Musalekelele chakuyipa kukutongani, nakuti tililini pantsi pamulawu nee koma tili pantsi pantsisi zaMulungu. ¹⁵ Titi tani tsapano, tichite bzvakuyipa ndawatili lini pantsi pamulamu, koma tili pantsi pantsisi? bzvileke kuwa tenepo, ¹⁶ Mubzvidziwa kuti ukabzviita kapolo, ndiwe kapolo wauyo waulikutetekela? nakuwa kapolo wachakuyipa, bzvinibwelesa impfa, pana kuwa kapoli wakubvesesa bzvinibwelesa kulungama ¹⁷ tipeleke kutenda kuna Mulungu, pakuti ukhali kapolo wachakuyipa, koma udatenda udakhulupilila pamtima wako namshoo wamafundiso yaudapasiwa, ¹⁸ Mudachoselewa muchakuyipa, mudachitiwa akapolo wachilungamo. ¹⁹ Ndilikulewa ngati munthu wachimuna ndawa yakuneta kwanyama. Nakufuna kwakubzvipasila thupi lathu kuwa kapolo kuchakuyipa , munjila ibodzi-bodziyo tipelekeni thupiyo ninga akapolo kubzvakulungama nakulungamisiwa. ²⁰ Pamukhali akapolo wachakuyipa mukhali wakumasuka kuchoka pachilungamo. ²¹ Panthawe imweyo chani chaulu nacho , bzvibeleko bzvinichoka pabzvinthu bzvisingz pase manyazi, Pakuti bzvinichoka pamwepo ibzvo ndiyipfa. ²² Nathangwe limwelo, bzvidziweni kuti mudayitiwa wakusaya chakuyipa pakuti mwawa akapolo waMulungu, munabzvibeleko bzvakulungamamisiwa. bzvichibwelesa umoyo wusingamale. ²³ Pakuti mphaso yachakuyipa ndiyo impfa, koma mphaso yaMulungu ndiwo umoyo usinga male muna Yesu Kristu Mpfumu wathu.