¹ Pakuti tidalungamisiwa nachikhulupililo, tina mtendele naMulungu naMambo Yesu kristu. ² Pakuti tidakhulupilila muna kristu, adatibwelesela kukoma kwaMulungu umo mwatili kulalama tsapano saka tsapano tidumba thangwe lakunyanganila kwatinako mukupakulilana mundemele yaMulungu. ³ Tinidumba pomwe nakushupika kwathu. Pakuti tibzvinibzvidziwa kuti kushupika kutibwelesela kupiyilila. ⁴ Kupiyilila kuti bwelesela kuyesewa, ndiye kuyesewa kuti bwelesela kuyanganila, ⁵ kuyanganila kumweko kuti kanganisa lini pakuti Mulungu adati tululila Mzimu wakulungama kunaife. ⁶ Apo tikhali wakusaya mphamvu, Kristu adatifela ife wakuyipa. ⁷ Ndichintu chidawuma kuti munango munthu afele wakulungama, pomwe ninga ngati bzvidawuma kuti afele munthu wabwino. ⁸ Mulungu adatiwonesa ibzvi kunaife, pakuti patikhali wakuyipa kristu adatifela ise. ⁹ Manje bzvitidalungamisiwa nagazi lake, azapulumusiwa munaiye muwukhali waMulungu. ¹⁰ Tikhali adani waMulungu, koma adayita ashamwali wake kuchoka muipfa yamwana wake pomwe, adatikhululukila tidapulumusiwa nawumoyo wake. ¹¹ Nee kuti ibzvi basi, tinikondwa mamuMulungu kubulikiza mwaMphamvu yaYesu kristu, kubulikiza mwaiye tidatambila kukhululukilana. ¹² Tsapano, chakuyipa chidapita mudziko namunthu mubodzi, nakutenepo ipfa idawapo nakufuna kwachakuyipa. Pomwe ipfa idamwazikila kuwanthu wentse pakuti adataza. ¹³ Chitadzo chikalipo padziko mtemo wukanati wapelekewa, koma pamwepo palibe mtemo pakalibe chitazo chinikhumbukiliwa. ¹⁴ Wanthu wentse adabwela pambuyo paAdamu, naawo wentse adalalama kufikila panthawe idalalama Mozisi adafa, kana wanthu wentse alibe kutaza ninga bzvidayita Adamu pamwepo paadatyola mtemo waadapasiwa naMulungu, adafa pomwe Adamu akhali mutunzi-tunzi wamunthu alikuzabwela. Mphaso idasiyana nakutaza. ¹⁵ Pakuti nakutaza munango adafa bzviniyita tani pakuti kukhulupilila kwaMulungu nampaso yakukhulupilila yamunthu mubodzi Yesu kristu paaniwonesa kukoma mtima kwake! ¹⁶ Ndiye pana musiyano pakati pamphaso yaMulungu nachakuyipa chamunthu mubodzi. Munthu mubodzi paadataza kabodzi adatongewa kulangiwa, koma pambuyo pakutaza kuzinji kudabwela chipo chakungopasiwa palibe mupagalo, chidayitisa wanthu kukhala wakulungama. ¹⁷ Ndichadidi chakuti kuchokela muchitazo chamunthu mubodzi ipfa idathoma kutonga thangwe lamunthu mubodzi umweyo. Koma bzvidayitiwa namamuna mubodzi ¹⁸ Manje so, kutaza kwamubodzi kudabwelesa mirandu kumuntu wose, so kubulikiza nakuyita kwamubodzi muchulungamo kudabwela kulimbisiwa nawumoyo wamuntu wentse. ¹⁹ Nakusabvesesa kwamuntu mbodzi wantu azinji akala wakuyipa. Nabulikiza nakumbvesesa kwamuntu mumbodzi azinji adaitiwa wakulungama. ²⁰ Asi mutemo udabwela kuzatimizila kutaza. koma pamwepo chakuyipa pachiniwanda, kukoma ntima kwaMulungu kunipitilila patsogolo. ²¹ Saka tsapano ninga kutongewa kuniyitiwa chakuyipa naimpfa, nakutepo kukoma ntima kwaMulungu kuwe natongi kuchokela mukulungama, Kunititsogolela kumoyo usingamale kuchokela mwaYesu Kristu Mpfumu yathu.