¹ Ndimpata wakutani unaJudha? ndiyiponi pindu pankani yakugwatiwa ntsonga yaumuna , ² chikulu pana bzventse , chakuti aJudha adayitiwa chikhulupililo chakuwonesewa kwaMulungu. ³ Kana anango pakati pawo akalibe kukhulupilika, tsapano bzvimwebzvi bzvingalewe kuti Mulungu ndiwakusaya kukhulupililika thangwe lakusaya kukhulupilika kwawo? ⁴ Chadidi nee, napang'ono pokha, koma wanthu ngaadziwe bzvinilewa Mulungu ndibzvachadidi, ne kana wanthu wentse akakhala wamagunkha, ninga bzvabzvidanembewa, ''Ungawonekewe ngati ndiwe wakulungama pamafala, koma, ungakulile pomwe ukabwela pakutongewa,'' ⁵ Bzvakusaya kulungama bzvichiwonesa pomwe kulungama kwaMulungu , tiniti ndichani? tingati kusaya kulungama Mulungu akabwelesa kuwawa kwake pana ise(ndikusewenzesa bzvamakani yawanthu) ⁶ Nee bzvikhale tenepo! Bzvinga khale tani kuti Mulungu ayeluze dziko? ⁷ Ko kana kutaza kwangu kuchiyitisa kuti ndemela yaMulungu iwoneke padecha pakuthoma . ko ndithangwe lanyi ndikutongewa kuti ndine wakutaza? ⁸ Ko tatani kulewa kuti, ''bwelani bzvathu titaze kuti pakhale ubwino kuchokela mwemo.'' anango wanthu , chadidi adanditukwana pakundinamizila kuti ndidalewa bzvinthu bzvimwebzvi, anizatongewa nachilango chidalingana nawo. ⁹ Tini manje tikubzvilekela pachathu? ndibzvolini nee, ndawa kuti taapasa kale mulandu aJudha naGiliki wentse pachawo ali pantsi pachakuyipa. ¹⁰ Ibzvi ndibzvo bzvidanembewa, ''Palibe kana mbodzi wakulungama , nee mbodzi chaiye. ¹¹ Palibe kana mbodzi uyo anibvesesa. Palibe kana mbodzi ambapswaga Mulungu. ¹² Wentse adabwelela mmambuyo wentse pabodzi adakhala wanthu wapezi-pezi. palibe nee mbodzi anichita bzvabwino, palibe, palibiletu nee mbodzi chaiye.'' ¹³ ''Ngololo zawo ndimanda yadavhulika, malilimi myawo yadalewa bzvakunama. Ululu wanyoka ulipantsi pamilomo yawo.'' ¹⁴ Milomo yawo yidadzala nakutukwana kuniwawa.'' ¹⁵ ''Nzayo zawo zinithamangila kuthulula gazi. ¹⁶ Kuwononga nakutsawutsa bzvili munjila zawo. ¹⁷ Wanthuwo anati adziwa njila yamtendele.'' ¹⁸ ''Palibe kugopa Mulungu mumaso yawo.'' ¹⁹ Tsapano tadziwa kuti bzventse bzvilikulewa padzulu pawale alipantsi pamtemo, kuti munthu wentse asaye malambilo yaangayite pabzvinthu bzvaadayita, bzvichiwonesa kuti Mulungu anizatonga munthu wentse padziko. ²⁰ Palibe munthu anilungamisiwa pamaso paMulungu nathagwe lakuti aniyita bzvinifuniwa namtemo; Mtemo bzvawuniyita nbzvakuti ukuwonese kuti wataza. ²¹ Koma tsapano njila yaMulungu yakulungamisa munthu pamaso pake yawonesewa. Ilibe ndawa namtemo, kana bzvawo mtemo waMozisi naApolofita adapeleka umboni wawo kwauli. ²² Ndiko kulewa kuti, Mulungu anilungamisa wanthu pamaso pake kuchokela chawo muna Yesu Kristu.Mulungu aniyita bzventhse ibzvi kwa awo anikhulupilila muna Yesu Kristu. Pakuti palibe musiyano. ²³ Wentse adataza adakundikana kufika pamaso paMulungu, ²⁴ Anipulimusiwa padecha nakufuna kwachipulumuso chili muna Yesu Kristu. ²⁵ Iye adakhazikisiwa naMulungu kuwa chidabwiso chantsisi, kubulikiza nachilungamo, gazi lake kuti kulungama kuwoneke padecha, natsisi, Mulungu adalekelela bzvakuyipa bzvakale kuti palibe mtongo. ²⁶ Nakufuna kwantsisi zake. Kuti chilungamo chake chiwoneke nanthawe ino, kuti iye alungame , apase kulungama kwake kwauyo anachikhulupililomuna Yesu Kristu. ²⁷ Nakutenepo kubzvikuza kunichoka kuponi tsapano? palibe nee ndiliponi thangwe lacho, ko ndithangwe lakuti tinitetekela mtemo? nee ndithangwe lakuti tinikhulupilila. ²⁸ Ndiye tinimaliza tichiti munthu anilungamisiwa pamaso paMulungu kuchokela mukukhulupilila kokha, kusili kuti anichita bzvinileedwa namtemo. ²⁹ Mulungu ndiMulungu waAjudha basi? ndiMulungu wawentse nee wawale wakunja pomwe. ³⁰ Pakuti Mulungu mbodzi , anipeleka kulungamisiwa kwachikhulupililo kwaawo adagwatiwa ntsonga yaumuna kubulukiza nachikhulupililo pabodzi nawakusaya kugwatiwa ntsonga yaumuna. ³¹ Tsapano tingabise kulungama nachikhulupililo, chamtemo?bzvinichita lini! zhayi tinitowuwonesa kukosha kwawene ntemowo.