¹ Abale mtima unifuna kubzvipasa kwangu kwaMulungu nakufuna kwawo bzvachipulumuso. ² Ndimbabzvidziwa kuti afuna Mulungu kwene-kwene akanati amudziwa. ³ Nakusabvesesa kulungama kuchoka kwaMulungu anifuna kubzviyangana kulungama kwawo alibe kubzvipila kulungama kwaMulungu. ⁴ Pakuti Kristu ndiye wakudzadzisa kwamurawo wakulungama kwawentse anachikulupililo. ⁵ Moses adanemba bzvachilungamo chidachoka mumulawu. Umweyo aniyita bzvinifuniwa namtemo anilalama. ⁶ Kulungamisiwa kuni choka muchikhulupililo kuniti: ''Musati ibzvi mutima mwanu mbani angapite kudzulu?' (kuti abuluse Kristu pantsi); ⁷ Pakuti pomwe mbani angapite pantsi-pantsi? (kuti alamuse Kristu kuchoka kwuwakufa). ⁸ Bzvinilewanyi ibzvi? ''mafara yalipadhuze naimo mukhamwa mwako namutima mwako.'' Ndiwo mafala yachikulupililo yatinilalikila. ⁹ Namulomo wako ukabzvifakazila kuti Yesu ndiMambo nakudzvibvumila mutima wako kuti Mulungu adalamuka kuchoka kuwakufa azapulumusiwa. ¹⁰ Namutima ubodzi umubvumila nakuwa nachilungamo namulomo ukalewuulula uzachilisiwa. ¹¹ Namafala yaniti, ''Aliyentse ani bvuma kwayiye azayikiwa lini mukunyazisi.'' ¹² Pakuti palibe musiyano pakati paJuda naaGiliki. Pakuti Mambo bodzi-bodziyo ndiye Mambo wathu tentse. Kuna wentse ambachemela iye. ¹³ Kuna wontswentse ambachemela dzina laMambo azapulumusiwa. ¹⁴ Bzvili tani kuti achemele kwayiye iwo alibe kumutenda? Angakulupilile tani kwayiye alibe kufa? Angafe tani palibe mulalikili? ¹⁵ Azalalikila tani alibe kutumiwa? Bzvidanembewa, ''dzvidakoma tani paminyendo yaawo ambalalikila mafala yabwino!'' ¹⁶ Ahasi wantse adadayila fala labwino. naYizaya adati, ''Mambo mbani adamvela kulewa kwanu?'' ¹⁷ Nakutenepo chipulumuso chinibwela nakubvesesa mafala yaKristu. ¹⁸ Ndiniti, ''alibe kubva?''' Yinde, chadidi peno. ''Mamveseso yawo yadayenda pantsi namafala yawo kwakumalizila kwadziko''. ¹⁹ Padzulu payibzvi ndiniti, ''Kuti Izilayili anindidziwa lini? ''Kuyamba Moses adati, '' Nizapatha kuwawa kwaawo wakusabvesesa nakunyandula kuwawa paiwo. ²⁰ Izaya anitolewa bzvidalimba paadati, ''adadziwikana naawo akhali kundipswaga ndidabzviwonesa kuna awo akhali kundibvunza,'' ²¹ Koma mayelelano naIzilayili aniti, ''Ntsiku yentse ndinipswaga njila yakugadzilisa wathu asingateyelele animukila.''