¹ Jehova wakambula kuli Mozesi. Wakati, ² "kambule kubantu bantu ba Izilayili. Ukambe kuti, na mwaalumi nakuti mwanakzi ulalyanzania kuli Jehova ulachita chikonke chibotu chamu Nazili, ³ weleede kulikasya wayini azinywigwa zikola. Teyelede kumywa viniga yakachitwa kuzwa ku wayini na kuzwa kuzintu zikola. Tayelede kunywa nikuba zinywigwa zizwa kumichelo na kulya masansa mapya na ayanikidwe. ⁴ Mazuba oonse nakalyanzania kuli ndime, teyelede kulya nichiba chomwe chintu chachitwa kuzwa kumasansa, kubikkilizya achoonse chakachitwa kuzwa kunseke kuyosika kumakanda. ⁵ Muchiindi choonse chachikonke chakwe chakwanzana, takwe lunyolo lweledekubelesegwa mumutwe wakwe kusikila mazuba akuyanzania kuli Jehova azuzugwa. Welede kupampwida kuli Jehova. Welede kulekela masusu alampe mumutwe wakwe. ⁶ Muchiindi choonse chakulyanzania kuli Jehova, tayelede kuswena afwaafwi amubili wamufu. ⁷ Tayelede kulisofwazya mwini nikuba wisi, banyina, mukulana, na muchizi kuti bafwa. Eechi nkaambo kakuti ulipambwidwe kuli Leza, mbuli mbalitondezya kumuntu oonse amasusu aakwe malamfu. ⁸ Muchiindi choonse chakulyanzania ulasalala, ubambilidwe Jehova. ⁹ Na uumwi muntu wafwa kubbazu lyako akulisofwazya mumutwe, welede kukululwa kumazuba akusalazigwa kwakwe kwamazuba ali musanu aabili welede kukululwa ¹⁰ Mumazuba aali musanu aatatu weleede kweeta nziba zibili na bana bankwilimba babili kumupayizi aamulyango wadumba lyambunganino. ¹¹ Mupayizi welede kupayizya chipayizyo chachibi na chimwi mbuli chipayizyo chakutentela. Eezi ziyomuboiozya nkaambo wakabisya nkaambo kakuba aafwiifwi amutunta.Alimwi weleede kusalazya mutwe wakwe mubuzuba oobo. ¹² Welede kulipambwida Jehova kumazuba akulisalazya kwakwe. Weelede kweeta mwana wa mbelele mweenze uli amunyaka omwe mbuli chipayizyo chamulandu. Mazuba ngakalisofwazya mwini tachikoyobalwa, nkaambo kulipeda kwakwe kwaka sofwazigwa. ¹³ Ooyu ngumulawo aatala amuNazili wachiindi chakulyanzania kwakwe kuzulide. ¹⁴ Welede kweta chituuzyo chachibi kabelele kapwizi kamwaka omwe alimwi katakwe kampenda. Welede kweeta mugutu mbuli chituuzyo chabulidilane chitakwe kampenda. ¹⁵ Welede kweta chizuma chazibunge chitakwe busweezyo, zibunge zyabusu bunante buswanizidwe amafuta, zibbubbu zitakwe busweezyo zyazilwa amafuta, aantomwe achipayizyo chazilyo azipayizyo zinywigwa. ¹⁶ Mupayizi weleede kuzitondeezya kunembo lya Jehova. Welede kupa chipayizyo chachibi achipayizyo chakutentaa. ¹⁷ Kalachizuma chilachibunge chitakwe bumena, welede kutondezya mugutu mbuli chipayizyo, chabulidilane kuli Jehova. Alimwimupayizi weleede kutondezya chipayizyo chazibi achipayizyo chakunywa ¹⁸ MuNazili weleede kunyoola mutwe wakwe oonse zitondeezya kwanzana kuliLeza kumulyango wadumba lyakubunganina. Weleede kubweza masusu kuzwa mumutwe wakwe akwabikka aamulilo ooyo u;li aansi ezipayizyo zyabulidilane. ¹⁹ Mupayizi welede kubweza kkuko lipekedwe lyamugutu, chibunge chimwi chitakwe busweesyo kuzwa muchizuma, achibbubbu chimwi chitakwe buswezyo. Welede kuzipedekezya kumaanza amuNazili kusule akunyoola mutwe wakwe kutondezya kwanzana. ²⁰ Mupayizi welede kuyumba chipayizyo kuli Jehova, kuchipanzi chisalala chamupayizi, antomwe ankolo ezyo zyakayumbwa achibelo nchakatondezegwa kumupayizi. Kuzwa awo, munazili ulakonzya kunywa wayini. ²¹ Ooyu mulawu wab Nazile ukonka chipayizyoc chakwe kulio kulin Jehova mukupambulwa kwakwe. Kufumbwa eecho nchakonzya kupa beleede kuzuzukizya chikonke nchabweza, akubamba chisyomezyo chitondezegelwa amulawu wabu Nazili. ²² Alubo Jehova wakambula kuli Mozesi. ²³ Wakati' ambila Aloni abana bakwe balombre. kuti " mwelede munkulongezya bantu ba Izilayili munzila eeyi. ²⁴ Jehova amulongezye akumubamba ^{25 26 27} Jehova amumunikile kubusyu bwakwe akumubeda luzyalo. Jehova akulange chaluzyalo akukupa lumuuno" Njinjiyeeyi nzila njimukonzya kupa zina lyangu kubantu baku Izilayili. Eelyo njobalongezya.