¹ Jehova wakambila Mozesi wakati, ² ''Layilila bantu bakwa Izilayeli kuti batande bantu boonse bachiswa malwazi atabukila, ababo balezilonda zizwa busina, abaabo batasalede akambo kakuti bakajata mitunta ifwide. ³ Naba mwaalumi naba mwanakazi, muyelede kubagwisya aanze kwamisasa. Tabelede kusofwazya misasa pe, nkambo ndiponena mukati kayo.'' ⁴ Bantu bakwa Izilayeli bakachita mbubo. Bakabagwisizya aanze kwamisasa, mbuli Jehova mbwakalayilila Mozesi bantu bakwa Izilayeli bakamuswilila Jehova. ⁵ Alubo Jehova wakambila Mozesi wakati, ⁶ ''Wambila bantu bakwa Izilayeli Aawo mwaalumi na mwanakazi uyochita kufumbwa chibi mbuli bantu mbubabisizyania, alimwi tasyomeka pe kulindime, oyo muntu ngusimulandu. ⁷ Mpawo uyelede kuyowamba chibi chakwe nchakachita. Uyelede kuliya chakumaninina mulandu wakwe uyelede kuyungizya chimpanzi chimwi mulizili musanu aatala. Uyelede kupa ezi kuli oyo ngwakabisizya. ⁸ Pesi na sikubisizigwa kamutakwe bulyidilane anguwe kuti atambule luliyo, uyelede kuliya muulo wamulandu kulindime kwindilila kumupayizi, uyungizye amugutu kukuyomaninsya mulandu wako. ⁹ Zyonse zipo zyabantu ba Izilayeli, eezyo zintu zibambidwe kumbali azeezyo zyeetwa kumupayizi abantu ba Izilayeli, ziyoba zyakwe. ¹⁰ Zipo zyabantu boonse ziyoba zyaupayizi; na umwi wapa chimwi kumupayizi, chiyoba chakwe.'' ¹¹ Alubo, Jehova wakambila Mozesi, Wakati, ¹² ''Wambila bantu ba Izilayeli. Baambile kuti, ''Atutedi ibana muntu bazwa kunnze akuyobisizya mulumi wabo. ¹³ Na mwaalumi uumbi wonawe alimwi tazibona mulumi wakwe, alimwi zibi zyakwe tezyazibinkana nikuba kuti walininania lwakwe, alimwi takwe uulabukamboni atala akubisya kwakwe, ¹⁴ nikuba boobo muuya wabuzuba akubisizya mwaalumi kuti mukakwe ulisofweede. Chimwi chindi muuya wabuzuba ukonzya kusikila mwaalumi nikuba kuti bakayintu bakwe kabatasofwede. ¹⁵ Kuzintu zili boobu, mwaalumi uyelede kweta mukayintu wakwe kumupayizi. Mulumi wakwe uyelede kutola chipo chelede kuyimvwilidi mwanakazi wakwe, chimpanzi chomwe mukkumi chalusuwo lwabusu bwabbali. Tayelede pe kuchitila mafuta nikuba kubikka tununkilizyo nkambo nchipo chazilyo chabuzuba, nchipo chazilyo chachiibalusyo, chakutuyeezya chibi. ¹⁶ Mupayizi uyelede kumweeta afwifwi alimwi akumubikka kunembo lya Jehova. ¹⁷ Mupayizi uyelede kubweza nkomeki yamanzi asalala alimwi akubweza lusuko mumanzi. ¹⁸ Mupayizi ulabamba mwanakazi kunembo lya Jehova alimwi uyogwisya masusu alimumutwe wamwanakazi uyowabikka mumaboko aakwe chipo chazilyo chakwibalusya, chili chipo chazilyo chakuyeyela. Mupayizi uyojata maanzi aalula mujanza lyakwe ayete lutuko. ¹⁹ Mupayizi uyochita mwanakazi kuti akonke akuti kulinguwe, Na takwe umbi mwaalumi wakona anduwe, akuti katakwe mwakazuwide kunze akuyochita busofwazi, mpawo uyowangununwa kumanzi ababa akwetela lutuko. ²⁰ Pesi kuti wakachita zitaluleme, nikuba kuti ulimunsi lyenguzu zyamulumi wako alimwi wakali sofwazya lwako, alimwi bamwi baalumi bakawona anduwe, ²¹ mpawo, (mupayizi uyelede kuchita mwanakazi kuti akonkezye chikonke kulinguwe, alimwi mpawo uyelede kwinkilila anembo akwambila mwanakazi) 'Jehova uyokuchita mulutuko chitakatondezegwe kubantu bako kuti kube mbubo. Eezi ziyochitika ikuti Jehova nayochita chibelo chako kule ankanda alimwi bula bwako kuti buzimbe. ²² Aaya manzi ayeta ltuko aloya mubula bwako alimwi ayochita bula bwako kuti buzimbe azibelo ziyonyana.' Mwanakazi uyosandula, ''Iyi, zichite kuti kandili ndime simulandu.' ²³ Mupayizi uyelede kuyolemba matusi aaya mubbuku, mpawo alimwi uyelede kuwasanzya matusi aya alembedwe mumanzi aalula. ²⁴ Mupayizi uyelede kuchita mwanakazi anywe manzi aalula ayeta lutuko. Manzi ayeta lutuko ayonjila mulinguwe alimwi ayolula. ²⁵ Mupayizi uyelede kubweza chipayizyo chazilyo chamunyono kuzwa mujanza lyamwanakazi. Uleelede kubweza chipo chazilyo kunembo lya Jehova alimwi akucheeta muchipayilo. ²⁶ Mupayizi uyelede kubweza janza lizwide chipo chazilyo mukwimikilila chipo, alimwi akuchitenta muchipayililo. Mpawo weelede kupa mwanakazi manzi alula kuti anywe. ²⁷ Nakamupa manzi kuti anywe, ikuti kasofwede nkambo wakalipeda akuchita chibi chamulumi wakwe, mpawo oyo ayeta lutuko ayomunjila alimwi ayolula. Bula bwakwe buyozimba alimwi chibelo chakwe chiyonyana. Mwanakazi uyotukwa akati kabantu bakwe. ²⁸ Pesi kuti mwanakazi katasofwede alimwi na ulasalala, mpawo uyelede kwangunuka. Uyokonzya kuyominta bana. ²⁹ Oyu mulawu wamunyono. Mulawu wamwanakazi nguwakatantamuna mulumi wakwe alimwi ulisofwede. ³⁰ Mulawu wamwaalumi ulamuuya wabuzuba, ikuti nazubalila mukayintu wakwe. Uyelede kweta mwanakazi kunembo lya Jehova, alimwi mupayizi uyelede kumuchitila zyonse zyamulawu wabuzuba nzyupandulula. ³¹ Mwaalumi uyowangununwa kuzwa muzibi zyakwe akweta mukayintu wakwe kumupayizi. Mwanakazi uyelede kwamba kufumbwa mulandu ngwatakabe aawo.''