¹ Jehova wambila Mozesi a-Aaloni. wakati," ² Yendelezya kubalwa kwabalunyungu bachaalumi baKohati kuzwa akati kabaLevi, anzubo zyabo ampuli. ³ Bala kusika kumakumi musanu. Aba baalumi belede kunjila mukabunga kakubeleka mutente lyakubunganina. ⁴ Balunyungu lwaKohatui belede kubika maanu kuzintu zisalalisya loko zibambilidwe ndime mutente lyakubunganina. ⁵ Elyo bamisasa nibalibambila kuya kunembo, Aaloni abana bakwe balombe beelede kunjila mukati katente, kwangula sila elyo lyandania busena busalalisya kuzwa kubusena busalala akuvumba bbokesi lyabukamboni andilyo. ⁶ Belede kuvumba bbokesi achidiinti chachikwiye chitetete. Belede kuyala sila lyamuteme alinchincho. Belede kusekka zisamu zyakuchi bwezesya. ⁷ Bayale asila lyamuteme antafule yachinkwa chamabonwabonwa . Alindilyo belede kubika mabede, bachoncho, tubbavu, amankomeki, akutizya. Chinkwa chelede kwendelela lyonse kachiliko lyonse antafule. ⁸ Bayale atala anzizyo sila lisalalisya akuvumba zikozyene azilobo, zyachikwiye chitetete. Belede kusekka zisamu zyakubwezesya ntafule. ⁹ Belede kubweza sila lyamuteme akuvumba chibikko chalampi, antomwe amalampi acho, mamano, zibikkilo, ankomeki zyonse zyakubikila mafuta amalampi. ¹⁰ Beelede kubikka chikkalilo chamalampi azyonse zibelesyo mukavumba achikwiye chitetete, alimwi belede kuchibikka atala achakabwezesya. ¹¹ Belede kuyala sila lyamuteme atala lyachipayililo changolida. Belede kuchivumba achivumbyo chakwiye litetete, mpawo akusekka zisamu zyakubwezesya. ¹² Beelede kubweza zyonse zibelesyo zyamulimu mubusena busalala akuzivunga musila lyamuteme. Beelede kuvumba echo amakkutu achikwiye chitetete akubika zibelesyo alichakubwezesya. ¹³ Beelede kugwisya dyota kuzwa kuchipayililo akuyala sila lyamusinzanyangu achipayililo. ¹⁴ Beelede kubika alichakubwezezya zyonse zibelesyo ezyo nzibabelesya mumulimu wachipayililo. Ezi zintu nimpani zyakukkangila, mfologwe, mafosholo, mabbavu, azimwi zyonse zibelesyo zyachipayililo. Beelede kuvumba chipayililo amakuti azikwiye zitetete mpawo akusekka zisamu zyakubwezesya. ^{15 16} Elyo Aaloni abana bakwe balombe nibayo maninizya kuvumba busena busalala azibelezyo zyonse, alelyo musasa niiyoyenda kunembo, mpawo lunyungu lwaKohati lwelede kuzobweza busena busalala ngomulimu walunyungu lwaKohati, wakubweza tugwedegwedetuli mutente lyakubunganina. Eliyeza mwana mulombe wa-Aaloni mupayizi nguulanga kubambwa kabotu kwamafuta amumuni, tununkilizyo tubotu, chipayizyo, chazilyo zyalubbe, amafuta akunanika. Ulanga kulondolwa kwadumba lyonse azyonse zili mulindilyo, busena busalala azibelesyo bwazyo." ¹⁷ Jehova wakambula kuliMozesi akuli Aaloni. Wakati, " ¹⁸ Mutazumizyi mikowa amisyobo yaKohati kuti banzanisigwe kuzwa akati kaba Levi. ¹⁹ Awo muchitile mbabo ezi kuti ngabala pona akutafwa, elyo nobasikila zintu zisalalisya: Aaloni abana bakwe belede kunjila, akupa milimu kumuntu umwi kumulimu wakwe abwendelezi bwakwe. ²⁰ Pesi baKohati tabelede kunjila kuyolanga kubusena busalala nikba kayindi kaniini, na belede bafwe." ²¹ Jehova wakambula alubo kuliMozesi. Wakati, ²² "Yendelezya kubalwa kwalunyungu lwaGeshoni alulalo, kwinda mumpuli zyabasikale babo akwinda mumikowa yabo. ²³ Bala abo balaminyaka makumi atatu kusika kumakumimusanu aminyaka. Bala bonse babo abo bayonjila mukabunga kakubelekela mutente lyakubunganina. ²⁴ Oyu mulimu wamikowa yaGeshoni, elyo mbabeleka azezyo nzibabweza. ²⁵ Beelede kubweza manketani adumba, tente lyakubunganina, chivumbyo chalyo, chivumbyo chachikwiye chitetete echo chili atala anchicho amanketani akumulyango wakutente lyakubunganina. Belede kubweza manketani amunganda nkatani yakumulyango watente lyakubunganina. ²⁶ Belede kubweza zisitikizyo zyamumaanda, nketani lyakumulyango wakumanjililo, chili afwifwi adumba akufwifwi achipayililo, azyanzyo azyonse zibelesyo zyamulimo wabo. Kufumbwa chilakuchitwa azintu ezi, beleede kuzichita. ²⁷ Aaloni abana bakwe belede kuzulwida milimu yoonse yalunyungu lwaGeshon, muzintu zyoonse nzibaleta, amumilimu yonse yabo. Welede kubapa boonse zyakuchita. ²⁸ Eyi mibeleko yamikowa yalunyungu lwaGeshoni yakutente lyakubunganina. Itamala mwana waAaloni mupayizi. ²⁹ Welede kubala lunyungu lwaMelali kwinda mumikowa yabo, akubalondola kwinda mumikowa yabo akubalondola kwinda mumpuli zyabasikale babo, ³⁰ kuzwa kuminyaka makumi matatu akwiinda kusika kumakumi musanu aminyaka. Bala woonse uya kukunjila kukabunga akubeleka mutente lyakubunganina. ³¹ Ezi nzizyabo amulimu wabo mukubeleka kwabo koonse wa tente lyakubunganina. Belede kubamba buyakwe bwedumba, mingwamba yalyo, mapanda, azikkazikilo antomwe ³² antomwe amapanda alubuwa azyunguluka dumba, azikkalilo azyo, nembe, azyaanzyo, kazilazyonse zyalubuto. Lemba mazina azintu nzibelede kubweza. ³³ Oyu mulimu wamikowa yalunyungu lwaMelali, ezyo nzibelede kuchitila tente lyakubunganina, ansi lyakululikwa a-Itamala musana waAaloni mupayizi." ³⁴ Mozesi a-Aaloni abasilutwe baluundu bakabala lunyungu lwaba Kohati kwiinda mumikowa yampuli zyabasikale babo. ³⁵ Bakababala kuzwa kuminyaka makumi atatu akwiinda kuyosika kumakumi musanu yaminyaka. Bakabala woonse oyoo walikunjila kabunga kakubeleka mutente lyakubunganina. ³⁶ Bakabala zyuulu zibili, amyanda ilii musanu ayibili amakumi musanu baalumi kwiinda mumikowa yabo. ³⁷ Obu bwakali bulembo bwamikowa yamaKohatiabo balikubekela mutente lyakubunganina. Mozesi a-Aaloni bakaba bala kutobela kukulayila kwaJehova oko kwakapegwa kwiinda muliMozesi. ³⁸ Lunyungu lwaGeshoni lwaka balwa mumisyobo yabo kwiinda mumpuli yabasikale babo, ³⁹ kuzwa kuminyaka makumi atatu kusika kumakumimusanu aminyaka, woonseoyo unjila mukabunga kakubleka mutente lyakubunganina. ⁴⁰ Baalumi boonse, bakabalwa kwinda mumikowa yabo ampuli zyabasikale babo, bakali zyuulu zibili, amyanda ili musanu awumwi amakumi atatu. ⁴¹ Mozesi a-Aaloni bakabal mikowa yalunyungu lwaGeshoni abo bayobeleka mutente lyakubunganina. Mukuchita obu, bakaswilila Jehova nzyakabalayililide kuchita kwinda muliMozesi. ⁴² Lunyungu lwaMelali lwakabalwa mumikowa yabo kwinda mumpuli zyabasikale babo, ⁴³ kuzwa kuma kumi atatu kusika makumi musanu aminyaka, woonse uyonjila kabunga kakabeleka mutente lyakubunganina. ⁴⁴ Baalumi boonse, babalidwe mumikowa yabo amumpuli zyabasikale babo, mwelwe ulizyuulu zitatu, amyanda iibili. ⁴⁵ Obu bwakali bulembo bwamikowa yalunyungu lwaMelali, abo Mozesi a-Aaloni mbibaka bala kutobelezya kukulaya kwaJehova kwakaza kwiinda mujanza lyaMozesi. ⁴⁶ Aboobo Mozesi, Aaloni, abasilutwe baIsilayeli bakabala baLevi kwiinda mumikowa mumpuli zyaba sikale babo, ⁴⁷ kuzwa kumakumi atatu kusika makumi musanu yaminyaka. Bakabala wonse oyo uyochita mulimu mudumba, ababo bayobweza, akulondola zintu zilimutente lyakubunganina. ⁴⁸ Bakabala 8,580 baalumi. ⁴⁹ Kukulayila kwaJehova , Mozesi wakabala awumwi mwaalumi, katobelezya awumwi kumusyobo wamulimu ngwakapegwa kuchita. Wakabala awumwi mwaalumi musyobo yamabelekelo ngayo bweza. Mukuchita obu, bakaswililila Jehova eecho nchakabalayilila kuchita kwinda muliMozesi.