¹ Jehova wakambula kuli Mozesi mumbuwa zyaku MOwabbu kumbali aJodani kuJelikko alimwi wakati, ² ''Layilila bantu ba Izilayeli kuti baabe zimwi zimpanzi zyenyika bape baLevi. Beelede kubapa zimwi zisi kuti bakkale mumo aimwi anyika yamweemvwe izyungulukide zisi eezyo. ³ BaLevi bayooba azisi eezi bakakkale mulinzuzyo. Busena bwamweemvwe bunoli bwangombe zyabo, butanga bwambelele almwi aboonse banyama babo. ⁴ Busena bwamwemvwe buzyungulukide zisi nzyotakape baLevi bwelede kuzwida kubulambo bwachisi kusikila kuchuulu chomwe chatukokola kumabbazu oonse. ⁵ Weelede kweela zyuulu zibili zyatukokola kuzwa kuchisi nkoya kujwe, alimwi zyuulu zyatukokola nkoya kumusanza, zyuulu zibili zyatukokola koya kumbo, alimwi zyuulu zibili zyatukokol koya kunyika. Oobu busena bwamweemvwe buyooba bwezisi zyabo. Zisi zyabo ziyooba aakati. ⁶ Zisi zilimusanu akamwi nnzotakabape baLevi zyeelede zikabele mbuli zisi zyachiyubilo. Welede kupedekezye masena aaya naakti muntu wajaya uumwi wachijila nkuko. Alubo pedekezya zisi zili makkumi aane azibili. ⁷ Zisi nzyotakapee baLevi zyelede kuka makkumi aane amusanu azitatu. Weelede kubapa abusena bwamweevwe wazyo. ⁸ Mikowa mipati yabantu baIzilayeli, mikowa ileenyika mpati, yeelede kupedekezya zisi zyiingi. Mikowa miniini yeelede kupeda zisi iche. Awumwi mukowa weelede kupeda baLevi mbuli mbuwakaabildwe.'' ⁹ Mpawo Jehova wakaambila Mozes alimwiwakati, ¹⁰ ''Ambuula abantu baIzilayeli alimwi yuteedi kulimbabo, 'Eelyo nimutakazubuke Jodani kuya munyika yaKkenani, ¹¹ mpawo mweelede kusala zisi zitakabeleke mbul ziyubilo zyenu, busena oobo muntu wajaya uumwi nkatalangilide akonzye kuchijila. ¹² Zisi zyeelede kuba ziyubilo kuzwa kulibababwedezya mpindu, kuchitila kuti similandu atajayigwi nkatanatongwa kunembo aalundu. ¹³ Weelede kusala zisi zilimusanu achimwi mbuli sisi zyachiyubilo. ¹⁴ Welede kupeda zisi zitatu mjtaala aaJodani alimwi zitatu munyika yaKkenani. Ziyooba zisi zyakuyubila. ¹⁵ Nkaambo bantu baIzilayeli, nkaambo kabazwakule, nkaambo kakufumbwa uukala aakati kenu, eezi zisi zilimusanu akamwi ziyobeleka mbuli chiyubilo kuchitila kuti kufumbwa uujaya umwi nkatalangilide achije. ¹⁶ Pesi naa simulandu wapuunta sinkondonyina akabulo kabutale, alimwi naa sinkondonyina wafwa, mpawo simulandu nga waba mujayi. Weelede kwanchoonzyo watolwa kulufu. ¹⁷ Naa simulandu watulula sinkondonyina abbwe mmaboko aakwe, lkonzya kujaya sinkondonyina, alimwi naa sinkondonyina wafwa, mpawo simulandu mujayi wanchoonzyo. Weelede kwanchoonzyo watolwa kulufu. ¹⁸ Naa simulandu wapuunta sinkondonyina achilwanisyo chachisamu chikonzya kujaya sinkondonyina, alimwi naa sinkondonyina wafwa mpawo simulandu kwanchoonzyo mujayi. Welede kwanchoonzyo watolwa kulufu. ¹⁹ Sikubwedezezya wabulowa welede kutola simulandu kulufu. Eelyo namuswana, uubwedezezya kubulowa welede kumutola kulufu. ²⁰ Naa wapuunta uumwi mulunyemo naa kuti wamutulula chimwi, nkayubide kuti amubwatilile, kuchitila kuti sinkondonyina afwe, ²¹ naa kuti wamupuuntila aansi mulunyemo amabooko aakwe kuchitila kuti sinkondonyina aafwe, mpawo simulandu wamupuunta welede kwanchoonzyo watolwa kulufu. Mujayi. Sikubweedezezya wabulowa utola sikujaya kulufu eelyo namuswaana. ²² Pesi naa simulandu champawao watulula sikuumwa nkakutakwe lunyemo luliwo naakuti watulula chiwaalwa chakuuma sikuumwa katalangilide ²³ naakuti wawaala bbwe likonzya kujaya sikuumwa nkatamubwene sikuumwa, mpawo simulandu talisinkondonyina asikuumwa; taalikweezya kumuchisa sikuumwa. Peso eechi nchicho chakuchita naa sikuumwa wafwa. ²⁴ Muleeyo nzila, luundu lwelede kubeteka akati kasimulandu asikubwedezya zyabulowa mukutobelezya mulawu. ²⁵ Luundu lweelede kuvuna simulandu kuzwa kunguzu zyasikubwedezya zyabulowa. Luundu lwelede kubwedezya simulandu kuchisi chakuyubila ooko nkwakachijilide lutaanzi. Welede kukkala nkuko koosikila akafwe ooyo mupayizi mupati unooliwo, ooyo wakananikwa amafuta aasalala. ²⁶ Pesi naa simulandu kufumbwa chiindi wasotoka mugaano wachisi chakuyubila nkwaakachijila, ²⁷ naakuti sikubwedezya kubulowa wamujana aanze amugaano wachisi chakuyubila kwakwe alimwi naakuti wajaya simulandu, sikubwedezya chabulowa taakwe napegwa mulandu wakumujaya. ²⁸ Eezi ziba nkaambo kakuti simulandu weelede kukkalila muchisi chakuyubila koosikila mupayizi mupati akafwe. Musule akufwa kwamupayizi mupati, simulandu ulakkonzya kubweeda kunyika ooko nkwalabuvubi bwakwe. ²⁹ Mbuyoba mulawu wambeta aakati kenu numazyalani woonse kumasena nkumukkala. ³⁰ Naa muntu wajaya mweenzinyina, mujayi welede kujiigwa, mbuli mbuzyapegwa bukkamboni. Pesi majwi awumwi mukamboni alike taakonzyi kubika muntu kukufwa. ³¹ Alubo, tamweelede kuzumina kusalazigwa akambo kabuumi bwamujayi ulaamulandu wakujaya. Weelede kujayigwa nchobeni. ³² Tamweelede kuzumina kusalazigwa kulooyo wachijila kuchisi chakuchijila. Tamwelede muliimwi nzila kumuzumizya kukkala aalubono lwakwe mane do mupayizi mupati akafwe. ³³ Mutasofwaazyi muleyi nzila inyika njimukkala, nkaambo bulowa buzwa mukujaya muntu bulisofwaazya nyika. Takwe kulekelelwa kukonzya kuchitwa kunyika eelyo bulowa nkabuli bwakatilwa aalinjiyo, aanze aakuti abulowa bwayooyo wakabutila. ³⁴ Nkinkaako tamwelede kubisya nyika momukkala nkaambo ndipona mulinjiyo. Ime, Jehova, ndipona aakati kabantu baIzilayeli.'''