¹ Jehova wakaambula kuli Mozesi. Wakati, ² ''Ambuula kubantu ba Izilayeli alimwi ubweze misako kuzwa kulimbabo, uumwi kuzwa kumukowa wabasikale, misako ilikkumi ayibili. Lemba zina lyawumwi awumwi amusako wakwe. ³ Weelede kulemba zina lya Aloni amusako wa Levi. Kweelede kuba musako womwe wamuzululi kuzwa kumukowa wabasikale bakwe. ⁴ Weelede kubika misako mutente lyakubunganina lyachizuminano chamilawu, ooko nkweswanana anduwe. ⁵ Kuyoochitika kuti musako wamwaalumi ngundisala uyosyuuka. Ndiyoochita intongawuko kuzwa kubantu ba Izilayeli kuti zikayimikile, eezyo nzibaambula aatala anduwe.'' ⁶ Aboobo Mozesi wakaambuula kubantu ba Izilayeli. Boonse bazululi bamikowa bakamupa misako, muisako omwe kuzwa kumuzululi umwi awumwi, uusalidwe kuzwa kuli wumwi wamikowa yabasikale, misako ilikkumi ayibili yoonse. Musako wa Aloni wakaliwo aakati kayo. ⁷ Mpawo Mozesi wakabika misako kunembo lya Jehova mukati lyatente lyachizuminano chamilawu. ⁸ Muzuba litobela Mozesi wakanjila mutente lyachizuminano chamilawu alimwi, amubone, musako wa Aloni wamukowa wa Levi wasyuuka. Wakaba aazisyuukilwa zyakakomena alimwi wazyala ndelema a ma alumondi aabizidwe! ⁹ Mozesi wakagwisya aanze yoonse misako kuzwa kunembo lya Jehova katola kubantu boonse ba Izliayeli, alimwi umwi awumwi mwaalumi wakabweza musako wakwe. ¹⁰ Jehova wakati kuli Mozesi, ''Bika musako wa Aloni kunembo lyachizuminano chamilawu. Uubambe kuti ube mbuli chitondezyo chamilandu aatala abantu aaba bakandipapila kuti umanisye kutongawuka aatala andime, na bayoofwa.'' ¹¹ Mozesi wakachita mbubonya mbuli Jehova mbakamulayilila. ¹² Bantu ba Izilayeli bakaambuula kuli Mozesi alimwi bakati, ''Tuyoofwa aano. Tuyooloba toonse! ¹³ Kufumbwa woonse uusika, uuswena afwifwi kudumba lya Jehova, uyoofwa. Tweelede kuloba na toonse?''