¹ Mpawo Miliyemu aAloni bakaamba chakubukila Mozesi nkambo kamwanakazi mukkushi ngwakakwete. ² Bakati,' ''Sena Jehova wambula a Mozesi biyo? sena tawambuli akulindiswe na? "lino Jehova wakamvwa nzibakaamba. ³ Lino mwaalumi Mozesi kali mubombe loko, mubombe kwinda umwi wamunyika. ⁴ Mpawo Jehova wakaambula kuli Mozesi , Aloni, akuli Miliyemu kuti: ''muzwe anze,kamuli batatu,kutente lyakuswaninana.''Elyo mubutatu bwabo bakazwa anze. ⁵ Mpawo Jehova wakaseluka ansi musumpululu wajoba.Wakimikila kumulyango watente Aloni aMiliyemu.Boonse bobilo bakasika kumembo. ⁶ Jehova wakati, ''lino muswiilile kumajwi angu. Kuti musinsimi wangu kalaandinywe, ndiyoliyubununa lwangu kulindinwe kulinguwe muzilengaano akwaambula kuli nguwe muziloto. ⁷ Mulanda wangu Mozesi tee mbabede pe.Ulisyomekede kuli zyoonse zyamung'anda yangu. ⁸ Ndaambula kuli Mozesi katulangene, kutali kwazilengano nikuba mutulabiko.Ulabubona bwiime bwangu. Eelyo nkamboonzi nimutayowi kukwambula atala amulanda wangu, atala aMozesi?''. ⁹ Bukali bwa Jehova bwakabukila aatala aambabo, alimwi mpawo wakabasiya. ¹⁰ Joba lyakabuka kuzwa aatala lyatente, alimwi Miliyemu wakaba achipele- wakatuba buu mbuli lukobo . Eelyo Aloni nakachebuka kuli Miliyemu, wakabona kuti ulachipele. ¹¹ Aloni wakati kuli Mozesi, "Oo, Simalelo wangu ikaka utatwangili nkoto aatala achibi eechi. Twaambula chabufubafuba, alimwi twabisya. ¹² Ikaka utamulekeli kuti abe mbuli mwana mutete ufwide ooyo uli aachibela chanyama iyanda kubola kuchiindi chakuzwa mwida lyabanyina." ¹³ Eelyo Mozesi wakakwilila Jehova.Wakati, ''ikaka muponie, Leza, ikaka Leza, ikaka." ¹⁴ Jehova wakati kuli Mozesi, "Na wisi wamuswida kubusyu bwakwe, uyowusigwa bweeme kwamazuba ali musanu aabili. Mumujalile anze kwamusasa kwamazuba aali musanu aabili. Kuzwa waawo muyomweeta lubo mukati." ¹⁵ Aboobo Miliyemu wakajalilwa anze aamusasa kwamazuba ali musanu aabili. Bantu tibakeenda pe kusikila waboozegwa mumusasa. ¹⁶ Kuzwa waawo , bantu bakeenda kuzwa ku Hazeloti mpawo bakukkala munkanda yaku Palani .