¹ Lino bantu bakatongooka akaambo kamapenzi aabo Jehova kaswililide. Jehova wakabamvwa bantu alimwi wakanyema. Mulilo wakazwa kuli Jehova wakawumpa aakati kabo alimwi wakalotya zimwi zibela zyamusaasa kumugaano wawo. ² Mpawo bantu bakakwiilila Mozesi, eelyo Mozesi wakakomba ku Jehova, alimwi mulilo wakiimikila. ³ Oobo busena bwakuuzikwa kuti Tabbela, nkaambo mulilo wa Jehova wakuumpa aakati kabo. ⁴ Bamwi bantu bazwa kule bakatalika kukkala aamwi abalunyungu lwa Izilayili. Balikuyanda zyakulya zibotu kuti balye. Mpawo bantu ba Izilayili bakatalika kulila alimwi kabati, "Ngwani uutatupe nyama yakulya?" ⁵ Tuliziyeyeeyede nswi nzitwalikulya katwaangunukide mu Ijipiti, makowa, banyamunwa, matanga, bakanyeenze, ama galikki. ⁶ Lino kumoyo kwasiya kulizyakulya, nkaambo nzyotubona buyo njeeyi mana." ⁷ Mana yakalimbuli nseke ya kkoliyanda. Yalikulangika mbuli lesini. ⁸ Bantu bakeendeenda kabiibungika. Bakiiziya aamaziyo, bakwiitwa munchili, bakiijika mumpot, akwiichita zibunge. Kukulya yalikumvwika mbuli mafuta aamu olivi aa chisinwa lino. ⁹ Elyo lume nilwakawida musaasa mansiku, mana alawo akaloka. ¹⁰ Mozesi wakabamvwa bantu kalila mumpuli zyabo, Alimwi mwaalumi umwi awumwi wakali aamanjililo eetente lyakwe. Jehova wakanyema loko, alimwi mumeso aa Mozesi kutongooka kwabo tekwakalomene pe. ¹¹ Mozesi wakayi kuli Jehova, "Nkamboonzi niwamujata bubi muzike wako?" Nkamboonzi notaboteledwe andime? Undichita kuti ndibweze mukuli wabantu aaba boonse. ¹² Ani ndime ndakabamita na bantu aaba boonse? Ndime ndakabatumbuka na nkowamba kuti kuli ndime, "Babwezele aafwiifwi kukaango kako mbili ndeende mbwabweza mwana mutete? Ani ndeelede kubabweza akubatola kunyika eeyo njiwakakonkezya bamawisi kubapa njiyo na? ¹³ Ndiijana kuli nyama njensibape bantu aaba boonse? Baliikulila kunembo lyangu alimwi baliikuti, tupe nyama yakulya. ¹⁴ Nsikonzyi kubweza bantu aaba boonse andiliike. Bandivulila loko. ¹⁵ Mbuli kuti uliikundijata munzila eeyi, ndijaye lino -kutio ndajana luzyalo mumeso aako -utandizumizyi kubona kuusa kwangu." ¹⁶ Jehova wakati kuli Mozesi, "Koleta kulindime bapati ba Izilayili bali makumio aali musanu amakumi obile, ube aakasimpe kuti mbapati alimwi mbazululi babanntu. Beete kutente lyakusaaninana kuti bayimikile antoomwe anduwe. ¹⁷ Ndiyooza aansi alimwi nkambuule aanduwe nkukooko. Ndiyootola umwi muuya uli aalinduwe ndikuubike aalimbabo. Bayoobweza mukuli wabantu antoomwe anduwe. Tokooyowubseza akulike pe. ¹⁸ Wamba kuti kubantu, "Amulisazye nkaambo juunza masimpe muzoolya nyama, nkaambo mwalila alimwi Jehova wamvwa. Mwakamba kuti, "Ngwani uyootupa nyama yakulya? Zyakali kutubotela mu Ijipiti." Aboobo Jehova ulamupa nyama, alwi muyooyilya. ¹⁹ Tamukooyolya nyama zuba lyomwe biyo pe muzuba obile, musanu, wamazuba, kkumi lyamazuba, naaba makuumi makumi obile aamazuba, ²⁰ pesi muyoolya nyama kwamweezi woonse mane do ikazwide mumpemo zyenu. Iyoomusesemya nkaambo mwakaka Jehova, uli aakati kenu. Mwakalila kunemvbo lyakwe. Mwakati, "Nkamboonzi nitwakazwa ku Ijipiti?""' ²¹ Mpawo Mozesi wakati ndilaabantu bali zyuulu zili myaanda iili musanu amwaanda omwe alimwi waamba kuti, 'Ndiyoobapa nyama yakulya kwamweezi woonse. ²² Ani tujaye butanga, amatanga, kuti bakkutisigwe na? Ani tujate nswi zyoonse zili mulwizi na kuti bakkutisigwe?" ²³ Jehova wakati kuli Mozesi, "Ani kuboko kwangu nkufwiifwi na? Lino uyoobona kuti jwi lyangu ndyakasimpe na kuti pe." ²⁴ Mozesi wakazwa akuyoowambila bantu majwi aa Jehova. Wakabungania bapatin babantu bali makumi musanu amakumi obile, akubabika muzilawpo kabazyungulukide tente. ²⁵ Jehova wakaseluka aansi mujoba akwambuula kuli Mozesi. Jehova wakatola uumwi muuya wakali aali Mozesi akubika aabapati bali makumi musanu amakumi obile. Awo Muuya nakakkala aali mbabo, bakasinsima, pesi mpawaawo biyo peepe kwiinduluka. ²⁶ Baalumi babili bakasyaala kabali mumusaasa, balikutegwa Eludadi a Medadi. Muuya wakakkala aali mbabo abalabo. Mazina aabo akalilembedwe aawo akalembedwe bamwi, pesi tabayinkide pe kutente. Nikubaboobo, bakasinsima mumusaasa. ²⁷ Umwi mwaalumi muniini wakali musaasa wakachijaana kuli Mozesi akuyoomwambila kuti, "Eludadi a Medadi balikusinsima mumusaasa." ²⁸ Joshuwa mwana wa Nuni, mugwasyi wa Mozesi, umwi wabaalumi bakwe basale, wakati kuli Mozesi, "Simalelo wangu Mozesi, bakasye." ²⁹ Mozesi wakati kuli nguwe, "Waba aabuzuba nkaambo kangu na? Ndilombozya kuti bantu ba Jehova boonse nibalisinsimi alimwi lkuti kabika Muuya wakwe aali mbabo boonse. ³⁰ Mpawo Mozesi abapati ba Izilayili bakabweeda kumusaasa. ³¹ Mpawo kwakasika guwo kuzwa kuli Jehova akweeta tubiya kuzwa kulwizi. Twakawida aafwiifwi amusaasa kwalweendo lwabuzuba bomwe kulubazu lomwe alimwi lyeendo lwazuba lyomwe kuli limwi bbazu. Tubeya twakazyunguluka musaasa kwatukokola tobile kuzwa aansi. ³² Bantu bakajatikana kubungika tubeya zuba eelyo lyoonse, busiku boonse, alimwi abuzuba bwakatobela boonse. Taakwe wakabweza tubeya tuche tuili munsi aazisuwo zili kkumi. Bakaabana tubeya mumyusaasa woonse. ³³ Aawo nyama niyakachili aakati kamenyo aabo, nibakachi;li kwiinyeela, Jehova wakabanyemena. Wakabalwisya bantu aabulwazi bupati loko. ³⁴ Oobo busena bwakawuzikwa kuti Kkibbuloti Hatava, nkaambo ooko bakazika bantu basinkosya yenyama. ³⁵ Kuzwa ku Kkibbuloti Hatavabantu bakeenda kuya ku Hazeloti, ooko nkubakaukkala.