¹ Mpawo bamwi ba Falisi abalembi bakasika kuli Jesu kabazwa ku Jelusalema. Bakaamba kuti, ² ''Nkamboonzi basikwiya bako nibakazyania aziyanza zyabapati ? Nkambo tabasambi pe mumaboko nibalya chinkwa.'' ³ Wakasandula akwamba kuti kulimbabo, ''Alimwi nywebo - nkambonzi nimukazyania amulawu wa Leza nkambo kaziyanza zyanu ? ⁴ Nkambo Leza wakamba kuti, ''Lemeka wuso abanyoko, alimwi ooyo wambula bubi kuli wisi na banyina nkasimpe uyoofwa. ⁵ Pesi mwamba kuti, kufumbwa lugwasyondunoli watambula kuzwa kuli ndime lino nchipo chipegwa kuli Leza,'' ⁶ Ooyo muntu telede kulemeka wisi.Munzila eyi mwawubula ijwi lya Leza. Malembe mabotu aachindi ali aajwi lya Leza aamwi malembe aachindi ali aamulawu. Nkuyumu kusalula chibalo chibotu. Nkambo kachiyanza chenu. ⁷ Nywebo nobasikuwupawupa ! Isaya wakachita kabotu nakasinsiima aatala andinywe nakamba kuti, ⁸ 'Bantu aba balandilemya amilomo yabo, pesi myoyo yabo ilikule andime. ⁹ Balandikomba chabuyo, nkambo balayiisya milawo yabantu mbuli njiisyo zyabo.'' ¹⁰ Mpawo wakiita makamu kulinguwe mwini akwamba kuti kuli mbabo, ''Amuswilile akumvwisya - ¹¹ Tachiwo chinjila mukanwa chisofwazya muntu. Pesi echo chizwa mukanwa, eechi ncheenchicho chisofwazya muntu.'' ¹² Mpawo basikwiya bakasika akwamba kuti kuli Jesu, ''Ulizi na kuti ba Falisi bakalebwa nibakamvwa makani aaya?'' ¹³ Jesu wakasandula akwamba kuti, ''Zizikki zyoonse ezyo Taata wakujulu nzyakatazikila ziyononkolwa. ¹⁴ Amubaleke aabalike, mbeenzyi boofu. Na moofu weenzya moofunyina, boonse bayowida mukkomba.'' ¹⁵ Pita wakasandula akwamba kuti kuli Jesu, ''Pandulula kalabiko aaka kulindiswe.'' ¹⁶ Jesu wakaamba kuti, ''Anywebo aambuli sunu tamumvwisisyi na ? ¹⁷ Tamumvwisisisyi na kuti kufumbwa echo chinjila mukanwa chilayinda mwida mpawo chilazwa aanze mpawo chilasowegwa mukkomba? ²⁰ Pesi izintu ezyo zizwa mukanwa zilazwa mumoyo. Nzenzizyo ezyo zisofwazya muntu. ¹⁹ Nkambo kumoyo kulazwa miyeyo mibi, bujayi, bumambi, bwamu, kubba, bukamboni bwakubeja, akulengelela. ¹⁸ Eezi nzenzizyo eezyo zisofwazya muntu. Pesi kulya amaboko atasambie pe takusofwazyi muntu pe.'' ²¹ Mpawo kuzwa awo Jesu wakazwa ooko akwinka kuzisi zyakumyunzi yaku Taya aku Sidoni. ²² Amubone, mwanakazi mu Kkenani wakazwa kuchisi echo. Wakoompolola akwamba kuti, ''Ndifwide luzyalo, Mwami, Mwana wa Devidi ! Mwana wangu musimbi ulijisi loko dimoni. ²³ Pesi Jesu taakwe jwi ndyakamusandula pe. Basikwiiya bakwe bakeza akumukumbila, bakati, ''Mutande, nkambo uli koompolola musule lyesu.'' ²⁴ Pesi Jesu wakasandula akwamba kuti, ''Nsitumidwe nikuba kuli umwi pesi kumbelele ziswekede zyakungánda ya Izilayeli.'' ²⁵ Pesi wakeza akuvundama aansi kunembo lyakwe, wati, ''Mwami, ndigwasye.'' ²⁶ Wakasandula akwamba kuti, ''Tachili kabotu pe kubweza chinkwa chabana akuchisowela tunkala.'' ²⁷ Wakati, ''Mbukubede, Mwami, pesi aatulato tunkala tulalya tumwi twatufwefwelenga ooto tuuwa kumatebule abasimalelo aato.'' ²⁸ Mpawo Jesu wakasandula akwamba kuti kulinguwe, ''Yo mwanakazi, lusyomo lwako ndupati; akuchitwe kulinduwe mbubonya mbuli mboyanda.'' Mwana wakwe musimbi wakaponesegwa kuzwa kuchindi echo. ²⁹ Jesu wakazwa kubusena oobo akwinka kumbali aalwizi lwaku Galili. Mpawo wakatanta akukkala nkuko. ³⁰ Makamu makamu abantu mapati akeza kulinguwe. Bakaza abalema,boofu,basyataambi, abantu batyokede, abamwi bayingi bakali kuchiswa. Bakababika kumawulu aa Jesu, mpawo wakabasilika. ³¹ Eelyo makamu makamu akagamba nakabona bantu batambuli kabambula, batyokede kababakabotu, balemene kabeenda, aboofu kababona. Bakalumbayizya Leza wa Izilayeli. ³² Jesu wakaiita basikwiya bakwe akwamba kuti, ''Ndafwaluzyalo kumakamu nkambo bakkala aandime kwamazuba ataatu kale mpawo tabakwe achakulya. Tandiyandi kubamwayisya kabatalyide, nkambo ngabayowizuka munzila.'' ³³ Basikwiya bakati kulinguwe, ''Nkukuli nkotunga tulajana zinkwa zizulila kubusena bwankanda buliboobu kuti zikkutye makamu makamu mapati aalibobu?'' ³⁴ Jesu wakati, ''Mujisi zinkwa zyongane ?'' Bakati, ''musanu azibili,atuswi tuchebiyo.'' ³⁵ Mpawo Jesu wakalayilila makamu kuti akkale aansi aanyika. ³⁶ Wakabweza zinkwa zili musanu azibili answi, mpawo nakamana kulumba, wakakwamuna zinkwa akuzipa kuli basikwiya. ³⁷ Basikwiya bakazipa kumakamu. Bantu boonse bakalya mpawo bakakkuta. Mpawo bakabunganisya nsangwa zili musanu azibili zyabu fwefwelenga bwakachaala. ³⁸ Aabo bakazilya bakali zyuulu zyone zyabaalumi, kutabala abanakazi abaana. ³⁹ Mpawo Jesu wakamwayisya makamu makamu abantu akunjila mubwato mpawo wakaya kuchisi chaku Magadani.