¹ Bumwi buzuba, Jesu naakali kuyiisya bantu mutempeli akoompolola majwi mabotu, bapayizi bapati abalembi bamulawu bakasika kulinguwe abapati. ² Bakaambula kabati, kabati kulinguwe, "Twaambile kuti mumanguzu aani mochita eezi zintu? Nakuti ngwani ukupa nguzu zyakuchita eezi zintu?" ³ Wakabasandula wati, "Ambebo ndilamubuzya mubuzyo. Amundaambile aatala ⁴ alubbabbatizyko lwa Joni. Lwakali kuzwa kujulu na kumuntu?" ⁵ Bakaambula aakati kabo, kabati, "Twati, 'Kuzwa kujulu', ulati, 'Naambo nzi nimwakatamusyoma?' ⁶ Pesi twati, 'Luzwa kumuntu,' bantu balatutulula mabwe nkaambo bazi kuti Joni wakali musinsimi." ⁷ Aboobo bakasandula kuti tabazi pe kuti lwakali kuzwa kulini. ⁸ Jesu wakati kulimbabo, "Ambezo nsikomwaambila pe kuti ninguzu zyani nzyechita aazyo zintu eezi." ⁹ Wakaambila bantu chikozyanisyo eechi, "Umwi mwaalumi wakabyala chiilili chama sansa, mpawo wakawubikka mumaboko anbaabo balima masansa waya kulimbi nyika kwachiindi chilamfu. ¹⁰ Muchiindi chakasalwa, wakatuma mubelesi wakwe kulibasimuunda. Pesi basimuunda mbakamuuma akutanda katakwe chintu. ¹¹ Wakatuma lubo umbi mubelesi mpawo bakamuuma, akumunyansya akmutanda lubo katakwe chintu. ¹² Wakatuma lubo uumbi watatu alimwi bakamuchisa, akumutandila aanze. ¹³ Aboobo mwami wachilili wakati, 'Ndilachita biyeni? Ndilatuma mwandu wangu ngweyandisya amwi balikuyomulemeka.' ¹⁴ Pesi nibakamubona, bakaambula aakato kabo, kabati, 'Ooyu ngosili lukono. Atumujaye kuchitila kuti lukono lube lwesu.' ¹⁵ Bakamusowela kunze kwalubaya, mpawo bamujaya. Niinzi lino nchabatachite mwani muunda? ¹⁶ Ulasika azobajaye boonse balimi nbamasansa, mpawo ape muunda kuli bamwi." Nibakamvwa eezyo bakati, "Inche atazizumini pe Leza kuti zibe oobo!" ¹⁷ Pesi Jesu wakabalanga, wati, "Aambaanzi malembe aaya? 'Bbwe ndibakaka bayaki, lyakazoba ndilyo lyakazooba bbwe lya chooko'? ¹⁸ Woonse uuwoda abbwe eelyo uyyotyoloolwa muzimpanzi. Pesi ooyo ngujliyoowida, liyoomu pwaya ¹⁹ Aboobo balembi bamulaw abapayizi bapatgi bakayanda kutgi bamujate muchiindi nchicheecho, nkaambo bakalizi kuti wakaambula chikozyanisyo eechi kaamba mbabo. Pesi bakayoowa bantu. ²⁰ Nibakamulangisisya obotu obotu, bakamutumina bantu bakali kulyeeneenia mbuli basalali, kuti bamuyandwiide mpatabisye kwaambuula, kuchitila kuti bamupede kabotu kulibasimilawu akumulawu wamweendelezi. ²¹ Bakabuzya kulinguwe bati, "Muyiisyi, tulizi kuti wambuula akuyiisya choonzyo, alimwi toktobelezyi mizeezo yabantu pe, pesi uyiisya choonzyo aatala anzila ya Lez. ²² Chili mumulawu na kuti tubbadale mitelo kuli Siza nape?" ²³ Pesi Jesu wakalumvwisisisya lweeno lwabo, mpawo wakati kulimbabo, ²⁴ "Amunditomndeezye kobili. Mbusyu azina lyani lilembedwe mpawo?" Bakaamba kuti, 'Nzizya siza." ²⁵ Wakati kulimbabo, "Akboobo amupe kuli Siza zintu zya Siza, akuli Leza zointu zya Leza." ²⁶ Bakakachilwa nbulewusi muli nzyakaamba kunembo lyabantu. Bakayimikila akugamba aatala anandulo yakwe alimwi taakwe chimbi nchibakaamba. ²⁷ Lino ma Sadiusi nibakasika kulinguwe, aabo baamba kuti takukwe bubuke kubafu, ²⁸ bakamubuzya bati, "Muyisyi, Molzesi wakatulembela kuti na mukulana wamwaalumi wafwa, kali walikwete, pesi katakwe mwana, ooyo mwanike weelede kukwata bana mukulana azyalile mukulana mwana. ²⁹ Kwakali bananyina bali kmusanu ababili, alimwi wakusanguna wakakwata, mpawo wakafwa katakwe mwana pe, ³⁰ awabili lubo. ³¹ Watatu wakanjila munda, aboobo boonse musanu ababili bakanjla mung'anda pesi boonse bakafwa taakwe wakasiya mwana pe. ³² Musule wakazoofwa alakwe mwanakazi. ³³ Lino kububuke, uyooba mwanakazi wanu? Nkaambo boonse kabali musanu ababili bakali mukwete." ³⁴ Jesu wakati kulimbabo, "Bana balombe banyika iino balakwata alimwi balapegwa mulukwatano. ³⁵ Pesi aabo bataka[jane bulemu bwakutambula kubuka kubafu taakwe nibatakakwate na kupegwa mulukwatano. ³⁶ Tabakoyoofwa alimbi, nkaambo banooli bakozyania abangelo alimwi mbana ba Leza nkaambo mbana babubuke. ³⁷ Pesi abalabo bafwide bazobusigwa, alakwe Mozesi wakatondeezya kubusena bwalusaka, awo nayita kuti Leza wa Abbulahamu a Leza wa Ayizeki a Leza wa Jakobo. ³⁸ Lino tachili Leza wabafwide pe, pesi wabawumi, nkaambo boonse bapona kulinguwe. ³⁹ Bamwi balembi bamulawu bakasandula bati, "Muyiisyi wasandula kabotu." ⁴⁰ Nkaambo taakwe nibakachilikuyanda kweezya kumubuzya lubo iimbi mibuzyo. ⁴¹ Jesu wakatghji kulimbabo, "Baamba biyeni kuti Kkilisito mwana wa Davida? ⁴² Nkaambo Davida lwakwe mu Bbjuku lya Ntembawuzyo waamba kuti, Mwami wakati ku Mwami wangu, 'Kkala kululyo lwangu, ⁴³ mane ndikachite basinkondo nyokwe bakabe kunsi aamawulu aako' ⁴⁴ Aboobo Davida wiita Kkilisito kuti 'Mwami', mpo mwana wa Davida biyeni?" ⁴⁵ Kabamvwide bantu boonse wakati kulibasikwiiya bakwe, ⁴⁶ "Amubaschenjelele balembi bamilawu, bayanisya kweenda kabazweete majansi malamfu, kabayanda kujuzigwa kulinsini muzisambalilo, azyuuno zipati muzikombelo azyuuno zisumpukide kumapobwe. ⁴⁷ Balatola maanda aabamukabafu, akweeneena kumchita nkombyo ndamfu. Aba bayotambula kunyonyoonwa kupati."