¹ Jesu wakanjila alimwi wakali kwiinda mu Jeliko. ² Amulamnge kwakali mwaalumi wakalikutegwa Zekias wakali simutelo alimwi kali muvubi mupati ³ Wakali kweezya kubona kuti Jesu ngwa, pesi taakakonzya kumubona pe munkamu yabantu, nkaambo wakali mfwiifwi. ⁴ Nkinkaako wakachijaanina kunembo lyabantu waakutanta mumukuyu kuti amubone, nkaambo Jesu wakalikwiinda munzila eeyo ⁵ Lino Jesu naakasika aawo wakalanga mujulu mawo wati kulinguwe, "Zekiyasi, seluka chakufwambaana, nkaambo sunu ndiyookkala mung'anda yako." ⁶ Aboobo wakaseluka chakufwambaana akumutambula chakubotelwa. ⁷ Lino bantu boonse nibazibona eezi, bakanyontooka, kabaamba kuti, "Waya kuyooswaya mwaalumi ulazibi." ⁸ Lino Zekiyasi wakayima wati ku Mwami, " Langa, Mwami, chisela chalubono lwangu ndilachipa bachete kuti na ndakeeneena kufumbwa muntu, ndilamujosezya kazipetedwe tume kumuulo." ⁹ Jesu wakati, "Sunu lufutuko lwasika kung'anda eeno, nkaambo alakwe ooyu mwana wa Abbulahamu. ¹⁰ Nkaambo Mwana wa Muntu wakasika kuzooyandula akufutula bantu basweekede." ¹¹ Nibakachiswiilide eezi zintu, wakasngua kubaambila chikozyanisyo, nkaambo wakali afwiifwi a Jelusalema, alimwi bakayeeya kuti bwami bwa Leza bwamba kuboneka mpawaawo. ¹² Aboobo wakati, "Umwi mwaalumi musongo wakayinka kunyika iilikule kuyotambula bwami mpawo akuyoboola ¹³ Wakayita balanda bakwe bali kumi, mpawo wakabapa mali aalikumi akuti kulimbabo, 'Amuchite mabbindawuko mane ndikaboole.' ¹⁴ Pesi basichisinyina bakalimusulide alomwi bakamutumina bantu bakamutobela, bakati, 'Tatuyandi pe kuti oyu waamlumi atutonge.' ¹⁵ Zyakachitika naakaboola lubo, kali watambula bwaami, wakalayilila kuti bayitwe babelesi bakwe aabo mbakapede mali, kuti azibe kuti nimpindunzi njibakajana mukuchita kwabo makwebo. ¹⁶ Wakusanguna wakasika kunembo lyakwe wati, 'Mwami, mali yako yakazyala aambi mamali aalikumi.' ¹⁷ Mwaalumi wabusongo wakati kulinguwe, 'Wakachita kabotu, omubelesi mubotu. Nkaambo wakasyomeka muzintu ziniini lino ndakupa manguzu aatla amadolopo aalikumi.' ¹⁸ Wabili wakasika, wati, 'Mali yako, mwami, yakapanga aambi mali alimusanu.' ¹⁹ Mwaalumi uulemekeka wakati kulinguwe, 'Iwe tola madolopo alimusanu.' ²⁰ Umwi alakwe wakasika, wati, 'Mwami, njeyi mali yako, ndakayibambide kabotu mumulembo, ²¹ nkaambo ndakakuyoowa, nkaambo ulasisa, ulabweza chuwatabikide akutebula mpuwatabyalide.' ²² Mwaalumi uulemekeka wakati kulinguwe, 'Amajwi aako ndilakubeteka, mubelesi mubi, wakalizi kuti ndilimuntu uusesa, ndilabweza nchindatabikide, akutebula nchindatabyalide. ²³ Wakalumwayi nuwakatabikide mali yangu mubbanka, kuchitila kuti nindalikuyooboola ndalikuzoyijana kiili yaba aampindu?' ²⁴ Mwaalumi uulemekeka wakati kuli aabo bakayimvwi kumbali, 'Amumunyanzye mali yomwe eeyo mupe ooyo uulamamali aalikumi.' ²⁵ Bakati kulingwe, 'Mwami, ulamamali aalikumi kale.' ²⁶ 'Ndati kulindinywe, woonse uulazyo, uyoopegwa zimbi, pesi ooyo uutakwe, acheecho nchali aacho uyoonyanzigwa. ²⁷ Pesi aaba basinkondoma, aabo bakatalikuyanda kuti ndibatonge, amubeete aano mubajaye kunembo lyangu.'" ²⁸ Nakaamba zintu eezi, wakayinda kaya ku Jelusalema. ²⁹ Kwakachitika kuti naakasika afwiifwi abusena bwa Betipeji a Betani, kukalundu kakalikutegwa Oliveti, wakatuma basikwiiya bakwe babili, ³⁰ kati, "Amunjile mugunzi lilikunembo. Mwanjila biyo mulajana mwana wadonki uutana kutantwa. Mumwaangunune mumweete kulindime. ³¹ Na kwaba utamubuzye kuti, 'Nkaambo nzi nimumwaangununa?' mukatedi, 'Mwami ulamuyanda.'" ³² Aabo bakatumwa bakamujana mwana wa donki mbuli mbakabalayilide Jesu. ³³ Nibakali kumwaangununa mwana wadonki, bani bawe bakati, "Nkaambo nzi nimwaangununa mwana wa donki ooyo?" ³⁴ Bakati, "Mwami ulamuyanda." ³⁵ Mpawo bakamweeta kuli Jesu, mpawo bakawaala majansi aabo aatala amwana wa donki mpawo bakakkazika Jesu aataka. ³⁶ Naakalikuyabweenda bakalikuya buyala majansi aabo munzila. ³⁷ Naakali waamba kusika abusena aawo Kalundu kama Oliva mpuka nkunuka, mbunga yoonse yabasikwiiya yakasanguna kubotelwa akulumbayizya Leza ajwi pati nkaambo kamilimu mipati njibakali babona, ³⁸ kabati, "Ulilongezezegwe mwami uuza muzina lya Mwami! Luumuno kujulu abulemu kumajulu!" ³⁹ Bamwi ba Falisi bakali munkamu bakati kuli ngwe, "Muyiisyi bakkabule basikwiiya bako." ⁴⁰ Jesu wakasandula wati, "Kanskinga aaba baluumwine, mabwe alikunoompolola." ⁴¹ Jesu naakasika mudolopo, wakalila aatala andilyo, ⁴² kati, "Kansinga wali waziba mubuzuba oobu, ayebo, zintu zikweetela luumuno! Pesi lino zilisisidwe kulinduwe. ⁴³ Nkaambo mazuba ayoosika alinduwe, aawo basinkondonyokwe nibayoyaka kaanda akukuzyunguluka akukusyanikizya kuzwa kumabazu woonse. ⁴⁴ Bayooku wisizya aansi abana bako. Taakwe nobayoosiya niliba bbwe aatala alimwi, nkaambo taakwe nuwakachibona Leza naakalikweezya kukufutula." ⁴⁵ Jesu wakanjila muchikombelo akutanda boonse nakali kuuzya, ⁴⁶ wakati kulombabo, "Kulilembedwe kuti, 'Ng'anda kyangu iyoba ng'anda yakukombela,' pesi mwayisandula kba ng'anda yabasikubba." ⁴⁷ Aboobo Jesu wakalikuyiisya abuzuba muchikombelo. Bapayizi bapati abalembi bamulawu abazululi babanti bakali kuyanda kumujaya, ⁴⁸ pesi taakwe nibakajana nzila yakuzichita, nkaambo bantu boonse bakali kumuswiilila loko.