¹ Lino Jehova wakasiya eyi misyobo yabantu kuti basunke ba Izilayeli, kwaambisya umwi awumwi uli mu Izilayeli utakwakalaluzibo kufumbwa nkondo zyakalwanwa mu Kkenani. ² (Wakachita echi kukuyiisya zyankondo kuzyalani lichikomena kubana ba Izilayeli bakatalizi). ³ Njeeyi misyobo yabo: baami bali musanu bazwa kuba Filisitiya, ba Kkenani boonse, aba Sidoni, alimwi aba Hivi balikukkala muzilundu zya Lebbanoni, kuzwa kuchilundu cha Bbaali Helimoni kuyosika ku Hamati Pasi. ⁴ Eezi zisi zyakasiilwa kuti Jehova akasunke Izilayeli, kuyobonesya bana balatobelezya malayililo ngakaapa basikale babo kwiinda kuli Mozesi. ⁵ Aboobo bantu ba Izilayeli aba Hiti, aba Amoli, aba Pelizi, aba Hivi, alimwi aba Jebbusi. ⁶ Bana babo basimbi bakababweza kuti bana babo balombe babe banakazi babo, alimwi bana babo basimbi bakabapa kubanababo balombe, alimwi bakabelekela baleza babo. ⁷ Bantu ba Izilayeli bakachita bubi kumenso aa Jehova akuluba Jehova Leza wabo. Bakakomba ba Bbaala aba Asela. ⁸ Nkinkaako, lunyemo lwa Jehova lwakaba mulilo kubukila Izilayeli, alimwi wakabawuzya mujanza lya Kkusyani-Lisyatayimu mwami wa Alamu Nahalayimu. Bantu ba Izilayeli bakabelekela Kkusyani-Lisyatayimu kwaminyaka musanu ayitatu. ⁹ Elyo bantu ba Izilayeli nibakiita kuli Jehova, Jehova wakabusya umwi walikuyogwasya bantu ba Izilayeli, alimwi walikuyofutula: Otiniyeli mwana mulombe wa Kkenazi (mwanike wa Kkalebbu). ¹⁰ Muuya wa Jehova wakamuzuzya nguzu, alimwi wakabeteka Izilayeli akuya kunkondo. Jehova wakamupa kuzunda aliba Kkusyani-Lisyatayimu. ¹¹ Nyika yakaba a lumuno kwamyaaka makumi oone. Mpawo Otiniyelu mwana mulombe wa Kkenazi wakafwa. ¹² Kwiinda echo, ba Izilayeli bakachita bubi lubo kubusyu bwa Jehova, alimwi Jehova wakapa nguzu kuli Egiloni mwami wa Mowabbu kuyozunda ba Izilayeli. ¹³ Egiloni wakanjilaana aba Amoni aba Ameleki alimwi bakiinka akuyozunda Izilayeli, alimwi bakabweza nzibakalezyo mumunzi watukunka. ¹⁴ Bantu baba Izilayeli bakabelekela Egiloni myaaka ilikkumi amusanu ayitatu. ¹⁵ Bantu ba Izilayeli nibakiita Jehova, Jehova wakabusya umwi sikubagwasya, Ewudi mwana mulombe wa Geela, mu Bbenjamini, mwalumi sichimweensi. Bantu ba Izilayeli bakamutuma, azilumbyo, kuli Eiloni mwami wa Mowabbu. ¹⁶ Ewudi wakalipangila ipanga mwini lyakali ampimpito zibili, bulamfu bwalyo bwakali kakokola; wakalibika aansi azisamo zyakunsi kuchibelo chakululyo. ¹⁷ Wakapa chilumbyo kuli Egiloni mwami wa Mowabbu. (Lino Egiloni wakali mwalumi wakaneneede loko.) ¹⁸ Kuzwa Ehudi nakapeda chilumbo, wakasyala ababaya bakachitola mukati. ¹⁹ Kuzwawo Ehudi lwakwe mwini, nikuba obo, nakasika kubusena oko kwakali zibezwa zyakapangilwa kufwafwi a Giligali, wakanzyoonoka akubweda musule, alimwi wakati, ''Ndilansiswa yamulumbo wako, mwami wangu, ''Egiloni wakaamba kuti, ''Umuna!'' Aboobo boonse bakali kumubelekela bakazwa mung'anda. ²⁰ Ewudi wakeeza akulinguwe. Mwami wakali kkede alike mwini, kali alike mung'anda yamujulu itontolela. Ewudi wakati, ''Ndijisi ijwi lyako lyazwa kuli Leza.'' Mwami wakanyampuka kuzwa achuuno chakwe. ²¹ Ewudi wakasisya kuboko kwakwe kwachimweensi akusomona panga kuzwa kuchikobela chakululyo lwakwe, alimwi wakayasa mumubili wamwaami. ²² Mukwa wapanga awulawo wakanyomena mukati kutobela museke. Nembo yapanga yakadonkola kusule lyakwe mpawo mafuta akalisinka, nkambo Ewudi takwakalisomona pe panga kuzwa mwida. ²³ Lino Ewudi wakazwa aanze mulukonkono akujala milyango yang'anda yamujulu musule lyakwe akwakwida. ²⁴ Kuzwa Ewudi kaliwinka, balanda bamwami bakasika; bakabona kuti makoma ang'anda yamujulu akali kwididwe aboobo bakayeeya kuti, ''Nchobeni ulilyokezezye mwini mutontolela mung'anda yamujulu.''' ²⁵ Bakalikatazya kusikila bakasika akulimvwa kuti tabachilikuchita mulimo wabo mwami nate wakajula milyango yang'anda yamujulu. Aboobo bakabweza chijuzyo akujula, alimwi chawaalya ngulya ulilede simalelo wabo, kawidilide aansi, kafwide. ²⁶ Muchiindi balanda nibakachili kulindila, akuamba kuti ngabala chita zili, Ewudi wakaloboka akwiinda kunembo kubusena oko kwakali zibezwa zyamizimu alimwi wakachijila ku Seyila. ²⁷ Elyo nakasika, wakalizya mweembo munyika yakalundu ya Efulemu. Mpawo bantu ba Izilayeli bakaseluka anguwe kuzwa mutulundu, alimwi kali kuba zulwida. ²⁸ Wakaamba kuti kulimbabo, ''Munditobela, nkambo Jehova wamba kuyozunda basinkondonyokwe, ba Mowabbu.'' Bakamutobela akuyojata zito zya Jolodani kuzubuka kuzwa kuli ba Mowabbu, alimwi taakwe nibakazumizya nikuba omwe kuzubuka mulonga. ²⁹ Muchiindi echo bakajaya baalumi baba Mowabbu bakasibe zyuulu zilikkumi, alimwi boonse bakali basinguzu akukonzya. Taakwe nikuba omwe wakaloboka. ³⁰ Aboobo zuba elyo Mowabbu wakazundwa kunguzu zya Izilayeli, alimwi nyika yakaba akulyookezya kwamyaaka ili musanu ayitatu. ³¹ Kuzwa kwa Ewudi kwakaba Syamuga mwana mulombe wa Anati oyo wakajaya 600 balumi baku Filisitiya akaponda nkakali kubelesya kubinzya basune. Awalo wakavuna Izilayeli kuzwa kuntenda.