¹ Mpawo bantu boonse ba Izilayeli bakazwida aanze mbuuli umwi muntu, kuzwida ku Dani kuyosikila ku Bbelisyebba, kubikkaamwi anyika ya Giliyadi ayilayo, alimwi bakabungana aamwi kunembo lya Jehova ku Mizipa. ² Bazuluzi babantu boonse, misyobo yoonse yaba Izilayeli, bakatola masena mukubungana kwabantu ba Leza 400,000 baalumi zyuulu myaanda yone kabayobwenda amawulu, abo bakalibambilide kulwana apanga. ³ Lino ibantu ba Bbenjamini bakamvwa kuti bantu ba Izilayeli bakali biinka ajulu ku Mizipa. Bantu ba Izilayeli bakaamba kuti, ''Tubuzye kuti eechi chintu chibi chakachitika biyeni.'' ⁴ Mu Levi, mulumi wamwanakazi, oyo wakali wajiigwa, wakasandula, ''Ndazwida ku Gibbiya mubusena oobo bwa Bbenjamini, mebo amwanakazi wangu simamambe, kuti mbuchesye anguwe mansiku woonse. ⁵ Kuchiindi chamansiku, bazuluzi baku Gibbiya bakandilwisya, kabazyungulukide ng'anda, kabayanda kuti bandijaye. Bakajata chibbalo mwanakazi wangu simamambe, alimwi wakafwa. ⁶ Ndakatola simamambe wangu akumudyunkuula muzimpanzi zimpanzi, akuzitumina kulibumwi abumwi busena bwalukono lwa Izilayeli, nkambo bachita chibi achitalikabotu pe mu Izilayeli. ⁷ Lino, moonse noba Izilayeli, amupe kuchenjezya alugwasyo aawa.'' ⁸ Boonse bantu bakabuka aamwi mbuuli muntu uumwi, akwaamba kuti, ''Tawope umwi wesu utayinke kutente lyakwe alimwi tawope umwi wesu utabweede kung'anda yakwe! ⁹ Pesi kwalino ncheechi nchitwelede kuchita kuli Gibbiya; Tuyomulwisya mbuli biingi mbuba tulayilila. ¹⁰ Tuyotola baalumi kkumi mumyaanda kwinda kumikowa yoonse ya Izilayeli abali mwaanda umwi muchuulu achuulu chimwi muzyuulu zili kkumi, kuti kujanwe lugwasyo lwabantu aaba kuchitila kuti elyo bayosika ku Gibbiya mu Bbenjamini bayobasubula nkambo kazibi nzibakachita mu Izilayeli.'' ¹¹ Aboobo boonse baluumi ba Izilayeli bakabungana atala adolopo, mbuli muntu umwi. ¹² Mukowa wa Izilayeli wakatuma baluumi kwinda kumikowa yoonse ya Bbenjamini, kabaamba kuti, ''Nchiichili echi chibi eecho chakachitwa akkati kanu? ¹³ Nkiinkaako amutupe aabo baluumi babi ba Gibbiya, kuchitila kuti tubabikke kulufu, alimwi tuyogwisya bubi oobu kuzwa mu Izilayeli.'' Pesi ba Bbenjamini taakwe pe nibakaswilizya kujwi lyabakulana baabo, ibantu ba Izilayeli. ¹⁴ Mpawo bana balombe ba Bbenjamini bakazaamwi kuzwa mumadolopo kuza ku Gibbiya kuti balibambile kulwana atala abana balombe ba Izilayeli. ¹⁵ Bantu ba Bbenjamini bakeeta aamwi kuzwa kumadolopo aabo kuti balwane mubuzuba oobo basilumamba bali zyuulu zili makkumi aabili aali amusanu achimwi aabo bakayilide kulwana amapanga. Mukuyungizya, kwakali bali myaanda iili musanu ayibili yabaalumi bakasalidwe kuzwa mumasena a Gibbiya. ¹⁶ Akkati kaboonse basilumamba kwakali bali myaanda musanu ayibili baalumi bakasalidwe aabo bakali kubelesya kuboko kwachimwensi. Uumwi wabo wakali kuwala ibbwe kukasulwe akutakafusa pe. ¹⁷ Bantu ba Izilayeli kakutabalwi mweelwe kuzwa kuli Bbenjamini, bakali zyuulu zili myaanda yoone yabaaluumi, aabo bakayilide kulwana amapanga. Aaba boonse bakali baaluumi benkondo. ¹⁸ Bantu boonse ba Izilayeli bakabuka biinka ku Bbeteli, akukubambilila kunchenjezyo kuzwa kuli Leza. Bakabuzya, ''Ngwani utakatangune kulwisya bantu ba Bbenjamini kuli ndiswe?'' Jehova wakati, ''Juda nguyobalwisya kukutanguuna.'' ¹⁹ Ibana balombe ba Izilayeli bakanyampuka kuseeni akulonzya madumba aabo afwifwi a Gibbiya. ²⁰ Baalumi ba Izilayeli bakiinka kuti bakalwane aatala a Bbenjamini. Bakabamba masena aabo aankondo aatala aambabo ku Gibbiya. ²¹ Bantu ba Bbenjamini bakazwa anze a Gibbiya, akujaya baalumi bali zyuulu makkumi aabili azibili kuzwa akkati kaba Izilayeli mubuzuba oobo. ²² Pesi baaluumi ba Izilayeli bakalisimya lwabo alimwi bakabaamba mindaando yankondo mubusena bukozyenie awo mpubakalibambilide kuzuba lyakutanguna. ²³ Mpawo bantu ba Izilayeli bakiinka aajulu akukwiila kunembo lya Jehova kuyosika mansiku, alimwi bakabuzya nzila kuli Jehova. Bakati, ''Twiinke lubo na kuti tukalwane atala abakulana besu, bantu ba Bbenjamini?'' Jehova wakati, ''Amubalwisye!'' ²⁴ Aboobo bantu ba Izilayeli bakiinka akuyolwisyania abasilumamba ba Bbenjamini kuzuba lyabili. ²⁵ Muzuba lyabili, Bbenjamini wakiinka aanze kuyolwisyania ambaabo kuzwa ku Gibbiya alimwi bakajaya baaluumi baali zyuulu zilikkumi amusanu azitatu kuzwa kubantu ba Izilayeli. Boonse bakali baalumi bakayilide kulwana amapanga. ²⁶ Mpawo boonse bantu ba Izilayeli, boonse bantu, bakiinka ku Bbeteli akukwiila, alimwi ooko bakakkala kunembo lya Jehova alimwi bakalyiimya eelyo zuba kuyosika mansiku aakupa zipo zyuumpidwe aazipo zyaaluumuno kunembo lya Jehova. ²⁷ Ibantu ba Izilayeli baakabuzya Jehova - nkaambo bbokesi lyachizuminano cha Leza lyakaliwo kumazuba aayo, ²⁸ alimwi Finiyasi, mwana mulombe wa Eliyaza mwana mulombe wa Aaloni, wakali kubeleka kunembo lyabbokesi mumazuba aayo - ''Twiinke lubo aabantu ba Bbenjamini, bakulana besu kaana kuti tuleke?'' Jehova wakati, ''Mulwisye, nkambo ijunza njomugwasya kubazunda.'' ²⁹ Aboobo Izilayeli wakababikka baaluumi mumasena asisikene ayengelede Gibbiya. ³⁰ Bantu ba Izilayeli bakalwana aatala aabantu ba Bbenjamini kuzuba lyatatu, alimwi bakaba mumindano yakulwanina nkondo yabo aba Gibbiya mbuli mbubakachitide kukutaanguna. ³¹ Ibantu ba Bbenjamini bakiinka akuyolwana aatala aabantu, alimwi bakagwisigwa kuule kuzwa kudolopo. Bakatazika kujeya bamwi bantu. Kwakali baalumi bakali biingi bakasibe makkumi aatatu ba Izilayeli aabo bakafwa mumyuunda amuumigwagwa. Uumwi wamigwagwa wakali kwinka kuyosika ku Bbeteli, awumwi kuyinka ku Gibbiya. ³² Mpawo bantu ba Bbenjamini bakati, ''Bazundwa alimwi bachijila kule kuzwa kulindiswe, mbuuli lwakutanguna.'' Pesi bantu ba Izilayeli bakati, ''Ngatuchijaane tuye musule akuyobabwedezya kule kuzwa kudolopo kuyosikila kumigwagwa.'' ³³ Boonse baaluumi ba Izilayeli baakabuka kuzwa mumasena aabo aakulibaamba kuuba mumindando yankondo ku Bbaalu Taama. Mpawo bantu ba Izilayeli aabo bakayubide mumasena asisikene bakachijana kuzwa aanze kumasena aabo kabazwa ku Maale Gibbiya. ³⁴ Ooko kwakazwa aanze basikulwisyania a Gibbiya zyuulu kkumi zyabaaluumi basalidwe aanze a Izilayeli yoonse, alimwi kulwana kwakali kuyosya, pesi ba Bbenjamini taakwe nibakaziba pe kuti lunyonyooko kwakali afwifwi ambaabo. ³⁵ Jehova wakazunda Bbenjamini kunembo lya Izilayeli. Kuzuba eelyo, ibantu ba Izilayeli bakajaya bantu bali zyuulu zili makkumi aabili amusanu amuyanda uumwi waba Bbenjamini. Boonse aaba bakafwa bakali aabo bakayisigilwe kulwana amapanga. ³⁶ Aboobo bantu ba Bbenjamini bakabona kuti bazundwa. Baaluumi ba Izilayeli baakali baapa lubuwa kuli Bbenjamini, nkambo bakali kuumbala kuubaalumi aabo mbibakabikkide mumasena musisikene aanze a Gibbiya. ³⁷ Mpawo baaluumi bakayubide bakanyampuka akufwambanina ku Gibbiya, alimwi bakawuma dolopo lyoonse amulomo wapanga. ³⁸ Chitondezyo chakabambidwe aakkati kabaalumi ba Izilayeli aabaaluumi bakayubide mumasena aasisikene kuyooba kuti ijoba pati lyabusi liyonyampuka kuya aajulu aanze adolopo. ³⁹ Elyo chitondezyo nichakatumizigwa baaluumi ba Izilayeli bakali kuboola kuzakunkondo. Lino Bbenjamini wakatalika kulwisya aakujaya baluumi bakasisike makkumi aatatu aba Izilayeli, alimwi bakati, ''Nkasimpe kuti bazundwa kunembo lyesu, mbuli munkondo yakutaanguna.'' ⁴⁰ Pesi elyo musumpuululu wabusi niwakatalika kubuka kuzwa mumadolopo, ba Bbenjamini bakacheba aakubona buusi kabulokunyampuka kuya kujulu kuzwa kudolopo lyoonse. ⁴¹ Mpawo baaluumi ba Izilayeli bakachebuka akulangana ambaabo. Baaluumi ba Bbenjamini bakayoowa loko, nkambo baakaboona kuti lunyonyooko lwakali lwabasikila. ⁴² Aboobo bakachijana kuule kuzwa kubaaluumi ba Izilayeli, kuchijila munzila yakuya munkanda. Pesi kulwana kwakabazunda. Baaluumi ba Izilayeli baakazwa aanze amadolopo akubajaya aawo mpubakayimvwi. ⁴³ Bakazyunguluka ba Bbenjamini, babatanda akubayinsizya aansi ku Nohali, kunzila yoonse kuyosikila kujwe kubbazu lya Gibbiya. ⁴⁴ Kuzwa kumukowa wa Bbenjamini, bantu baali zyuulu zilikkumi amusanu aazitatu bakafwa, boonse bakali baaluumi aabo bakasiyanisigilwe munkondo. ⁴⁵ Bakabweeda akuchijila kuya kunkanda kubbwe lya Limoni. Ba Izilayeli bakajaya baali zyuulu zili musanu aa bali zyuulu zili musanu kutobelezya mbabo mumigwagwa. Bakinkiilila kunembo kabaya bubatobelela, kuyabutobela chaafwifwi inzila yoonse kuyosikila ku Gidomu, aalimwi ooko bakakujaya zyuulu zibili lubo. ⁴⁶ Boonse basilumamba ba Bbenjamini aabo bakawa eelyo zuba bakali zyuulu zilimakkumi aabili amusanu - baaluumi aabo bakayisigilwe kulwaana amapanga; boonse bakali siyanisigilwe munkondo. ⁴⁷ Pesi baaluumi baali myaanda musanu awumwi baakabweda akuchijila munkanda, kutobezya lyabbwe lya Limoni. ⁴⁸ Baaluumi ba Izilayeli bakabwedela kuyolwisya luunyungu lwa Bbenjamini akubawumya mulomo wapanga, idolopo, kubikkaamwi abanyama azyoonse ezyo nzibakajana. Bakawumpa alimwi lyoonse Bbooma munzila zyabo.