¹ Kumazubayo, elyo nikwakatalikwe mwami mu Izilayeli, kwakaliwo mwalumi, mu Levayiti, wakali kukkalakkala kumyeenya iilikule yamuchisi chatulundulundu twa-Efulemu. Wakalibwezela mwanakazi, simamambe uzwa ku Bbetelehemu mu Juda. ² Pesi simamambe wakwe takasyomekede kuli nguwe; wakamusiya alimwi wakabweeda kung'anda yawisi mu Bbetelehemu ya Juda. Wakakukkala nkuko kwamyeezi yoone. ³ Mpawo mulumakwe wakanyampuka aakumutobela kuyomukkombelezya kuti abwede. Mulanda wakwe wakali anguwe, alimwi ambongolo zyoobile. Wakamweeta mung'anda yawisi. Elyo musimbi wakamubona, wakabotelwa. ⁴ Syanyinazyala, wisi wamusimbi, wakamukombelezya kuti akkale, kwamazuba otatwe. Bakalya aakunywa, alimwi akoona nkuko. ⁵ Muzuba lyaane bakanyampuka chifumo aakubambilila kweenda, pesi wisamusimbi wakati kumukwaansa wakwe, ''Koliyumya akasima, mpawo mulakonzya kweenda.'' ⁶ Aboobo mububili bwabo bakakkala aansi akulya akunywa antoomwe. Mpawo musimbi wakati, ''Ndakumbila uwone asunu akuba achiindi chibotu.'' ⁷ Eelyo mulevayiti nanyampuka kweenda, wisi wamusimbi wakamukasya kuti ayende, aboobo wakasandula mabambe akwe alimwi wakoona nkuko alimwi. ⁸ Muzuba lyamusanu wakabuka chifumo kuti ayeende, pesi wisi wamusimbi wakati, ''Kuliyumya, alimwi ulindile kusika masikati.'' Aboobo mububili bwabo bakasusula. ⁹ Eelyo mulevayiti aa simamambe wakwe antomwe amulanda wakwe bakanyampuka kuti beende, syanyinazyala, wisi wamusimbi wakati kulinguwe, ''Kobona, lino buzuba bwandakuba magolezya. Ikaka kokkala busiku bumbi, alimwi kuti ube achiindi chibotu. Uzokonzya kunyampuka chifumo juunza akubweeda kumunzi.'' ¹⁰ Pesi mulevayiti takachili kulipeda koona. Wakanyampuka akweenda. Wakaya kulubazu lwa Jebbusi (eyoo njiiyo jelusalemu). Wakali ambongolo zyobile zyaangidwe alimwi simamambe wakwe bakali antoomwe anguwe. ¹¹ Eelyo nibakaba afwifwi aku Jebbusi, izuba lyakali lyaamba kubbila, alimwi mulanda wakwe wakati kuli simalelo wakwe, ''Boola, tunjile mumuunzi oyu waba Jebbusi aakoona mumo.'' ¹² Simalelo wakwe wakati kuli nguwe, ''Tatukonzyi kunyona kumunzi wabazwamaasi batali ba Izilayeli. Atwiinke kunembo ku Gibbiya.'' ¹³ Mulevayiti wakambila musankwa wakwe, ''Koboola, ngatwiinke kuli b umwi bwamasena, alimwi tukoone mu Gibbiya nanka mu Lama.'' ¹⁴ Aboobo bakiinkilila kunembo, alimwi izuba lyakabbila nibakasika kufwafwi aku Gibbiya, muchisi cha Bbenjamini. ¹⁵ Bakanyona nkuko mu Gibbiya. Bakayinka akuyolala aansi akkati kachisi, pesi takwepe naba omwe wakakkonzya kubanjizya mung'anda yakwe ayomansiku. ¹⁶ Pesi mpawo munene wakali kuzwa kumulimo wakwe mumuunda oyo mumangolezya. Wakali kuzwa kunyika yatulundulundu twa Efulemu, alimwi wakali mweenzu mu Gibbiya. Pesi bantu bakali kukkala mubusena oobo bakali ba-Bbenjamayiti. ¹⁷ Wakatambya menso akwe alimwi wakabona silweendo akati kachisi. Munene wakati, ''Mulobuya kuli? Mwazwa kuli?'' ¹⁸ Mu Levayiti wakamwambila kuti, ''Tulimulweendo lwesu lwakuzwa ku Bbetelehemu mu Juda kule kuchisi chatulundulundu cha Efulemu, nkonkuko nkwezwa. Ndakaya ku Bbetelehemu mu Juda, alimwi njobuya kung'anda ya Jehova, pesi takukwe naba omwe oyo unditola mung'anda yakwe. ¹⁹ Tulijisi makuba abulilu bwambongolo zyesu, aachibunge alimwi awayini wangu aamulanda wangu oyu abalanda bako. Takwe pe nchitubulide.'' ²⁰ Munene wakabajuzya, ''Lumuuno alube andinywe! Ndiyomukutawukila zyoonse nzemubulide. Luzutu mutakooni akkati kachisi.'' ²¹ Aboobo mwalumi wakeeta mu Levayiti mung'anda yakwe alimwi wakapa chakulya kumbongolo. Bakasamba kundyato zyabo akulya alimwi akunywa. ²² Nkabachikkondwa mumyooyo yabo, bamwi bantu bamuchisi, basizibi, bakazyunguluka ng'anda, nkabalo kuuma chijazyo. ²³ Mwalumi, simalelo wang'anda, wakabbuda winka aanze kuli mbabo akubambila kuti, ''Pepe, bakwesu, ikaka mutachiti bubi obu! Mbukunga mwalumi oyu mweenzu mung'anda yangu, mutachiti chintu chabubi! ²⁴ Amubone, mwanangu musimbi nakalindu abasimamambe bakwe mpubali aano. Amuleke ndimugwisizye mbabo lino. Mubabisizye alimwi amuchite kufumbwa nchimuyanda kuli mbabo. Pesi mutachiti bubi buli boobu kumwalumi oyu!'' ²⁵ Pesi bantu aba tebakaswilila kuli nguwe, aboobo mwalumi wakajata simamambe alimwi akumweeta aanze kulimbabo. Bakamulala akumubisizya mansiku woonse, alimwi kumachedo bakamuleka kuti ayeende. ²⁶ Kubuchedo mwanakazi wakasika alimwi wakawida aansi amulyango wang'anda yamwalumi oko simalelo wakwe nkwakabede, aakulala mpawawo kusikila kuzwakwazuba. ²⁷ Simalelo wakwe wakabuka kuseni aakujula milyango yang'anda akuzwa aanze kuti atole lwendo lwakwe. Wakabona simambe wakwe ulilede mpawawo amulyango, amaboko akwe akali achikkunguzyo. ²⁸ Mu Levayiti wakamwambila kuti, ''Buka! Atweende.'' Pesi tekwakaba nsandulo. Wakamubikka ambongolo, aa mwalumi wakanyampuka akuya kumuunzi wakwe. ²⁹ Eelyo mu Levayiti nakasika kumunzii wakwe, wakabweza kafulo, alimwi wakajata simamammbe wakwe, aakumutendawula, zibbimfu azibbimfu, muzimpanzizili kkumi azibili, wakazitumina muzisi zyoonse zya-Izilayeli. ³⁰ Boonse abo bakazibona eezi bakati, ''Chintu chiliboobu tachinakuba abunini kuzwa kumazuba abo bantu ba Izilayeli nibakazwa munyika ya Ijiputi akuyosikila sunu. Lino amuchiyeeyesye! Mutupe maanu! Mubuzye kuti tuchite biyeni!''