¹ Mumazubaayo tekwakali mwami pe mu Izilayeli. Imukowa walunyungu lwa Dani bakali kuyaanduula busena bwakukkala mukkati, mbuli kuzwa kuzuba elyo ndibakatatambula lukkono kuzwa kumukowa walunyungu lwa Izilayeli. ² Ibantu ba Dani bakatuma baaluumi balimusanu kuzwa kuliboonse bamikowa, baaluumi bakasimide kukulwana, kuzwa ku Zola akuzwa ku Esitolu, kuti babone nyika amawulu, akulanga koonse. Bakati kuli mbabo, ''Mwiinke mukalange nyika koonse.'' Bakasika kuchilundu munyika ya Efulemu, kung'anda ya Mikka, alimwi bakabuchesya mansiku wonse nkuko. ³ Eelyo nibakasika aafwifwi ang'anda ya Mikka, bakamvwa ijwi lyamu Levi. Alimwi bakiimikila babuzya, ''Ngwani wakweeta okuno? Ulokuchitayi mubusena obuno? Nkamboonzi noliwaano?'' ⁴ Wakati kulimbabo, ''Echi nchicho Mikka nchandichitila: Wandichita kuti ndibe mupayizi wakwe.'' ⁵ Bakati kuli nguwe, ''Ikaka yandawula kuchenjezegwa kuli Leza, kuchitila kuti tuzibe kuti lweendo ndotuyabwenda lulinkiilila kunembo na.'' ⁶ Mupayizi wakati kuli mbabo, ''Mwinke aluumunu. Jehova ulamweenzya munzila njimutiinde.'' ⁷ Eelyo baalumi balimusanu bakeenda akusika ku Layisya, akubona kuti balikkede chakukwabililwa, ibwelene a Sidoni mbwikkede, kabatachelezegwi kaba kwabilidwe. Takwe naba womwe wakabazunda naa kubalangila aansi mulizimwi nzila munyika. Bakali kukkala kule kuzwa kuli ba Sidoni alimwi takwepe bulidilane mbubakalaabo amuntu. ⁸ Bakabweeda kumukowa wabo ku Zola a Esitolu. Inzubo zyabo zyakababuzya, ''Niinzi nchimwaamba?'' ⁹ Bakati, ''Amusike! Atubalwane! twayibona nyika alimwi nimbotu loko. Kuli ncholikuchita naa? Utanonoki kubalwana akuzunda nyika. ¹⁰ Elyo mwiinka, muyosika kubantu bayeeyaanga bali kwabilidwe, alimwi nyika nimpati loko! Leza wayipa kuli nduwe -- busena butabulide chintu munyika.'' ¹¹ Bantu bali myaanda musanu awumwi bamukowa wa Dani, balazilwano zyankondo, bazwa kuzwa ku Zola aku Esitoli. ¹² Beenda baya kukukkala ku Kkiliyati Jelimu, mu Juda. Eechi nchenchicho nchibayita busena oobu, kuti Muhane Dani kusikila asunu; Nkonkuko kububbila kunyika ya Kkiliyati Jelimu. ¹³ Bakeenda ooko kuzwa nkuko dokuchilundu chakulemu akusika kung'anda ya Mikka. ¹⁴ Eelyo baaluumi balimusanu bakiinka kuyolanga nyika ya Layisya bakati kunzubo zyao; Ulizi naakuti mumaanda aaya kuli chikobela a chikozyano? Chamizimo, achibezedwe, achikozyano chifulidwe? amuyeeye lino nchimutachite.'' ¹⁵ Aboobo bakanyona mukkati akusika kung'anda yamu Levi, kung'anda ya Mikka, alimwi bakamujuzya. ¹⁶ Lino bali myaanda ilimusanu awumwi ba Daniti, ibakalibambilide azilwisyo zyankondo, bakaliimvwi kumanjililo aamunzi. ¹⁷ Bantu balimusanu bakalikuya bulanga nyika bakiinka ooko alimwi akugwisya chikozyano chibezedwe, achikobela chabupayizi, achikozyano chamizimu, achikozyano chifulidwe, mupayizi naakachimvwi kumanjililo amulyango abaaluumi balimyaanda musanu awumwi kabajisi zilwano zyankondo. ¹⁸ Elyo nibakanjila mung'anda muli Mikka akubweeza chikobela chabupayizi, azikozyano zyamizimu, achikozyano chifulidwe, alimwi mupayizi wakati kuli mbabo, ''Muchitaanzi?'' ¹⁹ Bakati kuli nguwe, ''Wumuna! Bikka maboko aako amulomo wako akuza kuli ndiswe akuba ndeende wesu amupayizi wesu. Takuli mbubo kuti nchibotu ube mupayizi wesu wang'anda yamuntu womwe, naakuti ube mupayizi wamusyobo waluzubo lwa Izilayeli?'' ²⁰ Moyo wamu Payizi wakabotelwa. Wakabweza chikobela chabupayizi, achikozyano chamizimu achikozyano chibezedwe akwinka abantu. ²¹ Mpawo bakanyona alimwi bakeenda, akubikka bana baniini, lwabo abuvubi kunembo lyabo. ²² Nibakaba kuule ang'anda ya Mikka, ibantu bakali mumaanda akali afwifwi ang'anda ya Mikka bakiitwa antomwe, alimwi bakajatwa aamwi aba Daniti. ²³ Bakaba sampawula ba Daniti, alimwi bakanyona bati kuli Mikka, nkambonzi watwita antoomwe?'' ²⁴ Wakati, ''Mwakabba zikozyano zibezedwe, mwatola mupayizi wangu mpawo mweenda. Niinzi chimbi nchiindacho chasyaala? Mulandibuzya buti mebo, niinzi chamukatazya nywebo?''' ²⁵ Ibantu ba Dani bakati kuli nguwe, ''Tatwelede kumvwa nduwe kolokwaamba kufumbwa chintu, naakatu bamwi bantu banyemede balakujaya. Webo ampuli yako mulajiigwa.'' ²⁶ Elyo bantu ba Dani bakeenda munzila. Eelyo Mikka nakabona kuti basimide loko kulinguwe, wakanyona wabweeda kung'anda yakwe. ²⁷ Ibantu ba Dani bakabweza Mikka nzyakachita, aamwi amupayizi wakwe, alimwi bakasika ku Layisya, kubantu bakatachelegwa akukkala alimwi bakajazya amapanga akutenta dolopo. ²⁸ Takwepe naba womwe kubafutula nkambo kwali kwaba kuule kuzwa Sidoni, alimwi tebachikwe bujatane nikuba oomwe. Kakuli mumumpata uli afwifwi ku Bbeti Lehobbu. Ba Danitisi bakayakulula dolopo akukkala nkuko. ²⁹ Bakawuzika dolopo kuti Dani, izina lya Dani ndilyasikale wabo, ooyo wakali umwi wabana ba Izilayeli. Pesi izina lya dolopo lyakali kutegwa Layisya. ³⁰ Ibantu ba Dani bakabiikka chikozyano chibezedwe chabo. Jonasani mwana mulombe wa Gesyomu, mwana mulombe wa Mozesi, lwakwe abana bakwe balombe bakali bapayizi kumusyobo waba Danitisi mane kuyosika kuchiindi nyika niyakatolwa mubuzike. ³¹ Mpawo baka kkomba chikozyano cha Mikka chibezedwe eecho nchakapangide kufumbwa ng'anda ya Leza niyakachili mu Syiilo.