¹ Kwakali mwalumi kuchilundu munyika ya Ifulemu, izina lyakwe ngu Mikka. ² Wakati kuli banyina, ''Ichuulu amuyanda wazimpanzi zyangolida izyakatolwa kuli nduwe, atala akwaambula lutuko, azeezyo nzindakamvwa--Langa ookuno! Ndilijisi nsiliva andime. Ndakiibba.'' Banyina bakaamba kuti, ''Jehova akulongezye lwako, omwanangu mulombe!'' ³ Wakabwedezya, 1,100 zimpanzi zyansiliva kuli banyina alimwi banyina bakati, ''Ndaibika kumbali eyinsiliva kuli Jehova, nkambo kamwanangu kuti tuchite chikozyanio chibezedwe achikozyanio chabutale. Kwalino, ndabwedezya kuli nduwe.'' ⁴ Eelyo nakabwedezya mali kuli banyina, banyina, bakabweza babweza miyanda ibili yansiliva akwipa kumubelesi wabutale wakachita chikkazyo, chibezedwe achikkozyano chifulidwe, alimwi zyakabikkwa mung'anda muli Mikka. ⁵ Imwalumi Mikka wakali ang'anda yazikozyano alimwi wakachita mbandama asuwa lyazileza, alimwi wakabweza umwi mwanakwe kuti aabe mupayizi. ⁶ Kumazuba aayo tekwakali mupayizi pe mu Izilayeli, alimwi walikuchita kufumbwa nchaabona kuti nchibotu kumenso aakwe. ⁷ Eeno kwakali umwi mwalumi muniini mu Bbetelehemu mu Juda, wamukowa wa Juda, wakali mu Levi. Wakakkala nkuko kuti azuzikizye milimo yakwe. ⁸ Mwalumi wakasiya Bbetelehemu mu Juda kuti ayinke akuyoyandawula busena bwakukkala. Kachiyobwenda, wakasika ang'anda ya Mika kuchilundu munyika ya Efulemu. ⁹ Mikka wakati kuli nguwe, ''Uzwida kuli?'' Mwalumi wakati kulinguwe, ''Ndimu Levi waku Bbetelehemu mu Juda, njobweenda nkenjaanduula busena mpunga ndilakkala.'' ¹⁰ Mikka wakati kuli nguwe, ''Kkala andime alimwi uube ndeende alimwi mupayizi. Njokupa zimpanzi zilikkumi zyansiliva amunyaka, azyakuzwata zisamo, alimwi achakulya.'' ¹¹ Mu Levi wakazumina kukkala aanguwe, alimwi mwana muniini wakaba mbuli umwi wabana bakwe balombe, ¹² Mikka wakamukkazika mu Levi mumabelekelo akwe, alimwi mwalumi, wakaba mupayizi wakwe, alimwi wakali mung'anda muli Mika. ¹³ Eelyo Mikka wakati, ''Lino ndizi kuti Jehova ulandichitila zibotu mebo, nkambo ooyu mu Levi waba mupayizi wangu.''