¹ Nikwakayinda amwi mazuba, kuchiindi chakutebula witi, Samisoni wakabweza mwana wampongo mpawo waya kuyoswaya mwanakazi wakwe, ''Ndiyoyinka kung'anda yamwanakazi wangu.'' Pesi wisi amwanakazi takamuzumizizye kunjila mukkati. ² Wisi wamwanakazi wakaamba kuti, ''Ndakali kuyeeya kuti ulimusulide, aboobo nchindamupa kumwenzinyokwe. Mwanike wakwe musimbi mubotu loko kwinda nguwe. Taliboobo na? Kwinda oyu bweza nguwe.'' ³ Samisoni wakaamba kuti kulimbabo, ''Kuchiindi echino ndiyoba utakwe mulandu kuba Filisiti, naa ndabachisya. ⁴ Samisoni wakiinka akujata myaanda itatu yabamwaaba mpawo wasungilila misunge antomwe, kumichila akumuchila. Eelyo wakabweza zimwinisyo akusungilila akkati kamusunge wamuchila umwi awumwi. ⁵ Nakatomeka zimwinisyo amulilo, wakalekela bamwaaba banjila muzilyo zyakalimvwi zyaba Filisiti, mpawo bakatoomeka mulilo kuli zyoonse zyakali kubungidwe aamwi azyakiimvwi mumyuunda, kuya kumyuunda yamisansa amyuunda yama olifa. ⁶ Ba - Filisiti bakabuzya kuti, ''Ngwani wachita oobu?'' Bakaambilwa kuti, ''Ngu Samisoni mukwaansa waba Timuni wakabweza mwanakazi wakwe akumupa mwenzinyina.'' Eelyo ba Filisiti bakiinka bakakumuumpa awisi. ⁷ Samisoni wakamba kuti kuli mbabo, 'Naa mbombubobu mbumuchita, ndiyomubwedezya atala andinywe mpawo naa chachitika, ndiyoleka. ⁸ Eelyo wakaba goonkola akuba zidyunku zidyunku, kasolo amweendo, akuumwa chakuyaaya kupati loko. Elyo wakeenda akukkala kumpulungwido yandomba lya Etamu. ⁹ Elyo ba Filisiti bakasika akubamba nkondo muli Juda akubikka impi yabo muli Leni. ¹⁰ Bantu ba Juda bakaamba kuti, 'Nkambonzi nimweza kuzotulwisya?'' Bakaamba kuti, ''Tulokumulwisya kuti tujate Samisoni, alimwi tuchite kuli nguwe mbuli mbwachita kuli ndiswe.'' ¹¹ Eelyo zyuulu zitatu zyabantu ba Juda bakeenda kumpulungwido mundomba ya Etamu, mpawo bakamba kuti uli Samisoni, ''Sena tozi kuti ba Filisiti mbendelezi atala andiswe?'' Niinzi echi nchiwachita kulindiswe?'' Samisoni wakamba kuti kuli mbabo, ''Bakachita kulindime alimwi ndabachitila abalabo.'' ¹² Bakaamba kuti kuli Samisoni, ''Twaza kuzokwaanga akukupeda mumaboko aba Filisiti.'' Samisoni wakaamba kuti kuli mbabo, mukonke kuli ndime kuti tamukwe kuyondijaya nubeni.'' ¹³ Bakamba kuti kuli nguwe, ''Pepe, tuyokwanga biyo amakkole akukupedekezya kuli mbabo. Tulasyomezya tatukoyokujaya .'' Eelyo bakamwaanga amakkole aabili mapya akumugwisya kuzwa mubbwe. ¹⁴ Nakasika ku Lehi, ba Filisiti bakeza bompoolola kabaswanana awe. Eelyo muuya wa Jehova wakasika alinguwe anguzu. Makole akali kumaboko aakwe akaba mbuli bulundi bwakompwa, mpawo akaloka mumaanza akwe. ¹⁵ Samisoni wakajana chifuwa chipya chamuyaaya wambongolo, alimwi wakachibweza akujaya bantu balichuulu anchicho. ¹⁶ Samisoni wakamba kuti, ''Achifuwa chakumuyaya wambongolo, matantaala atala amatantaala, achifuwa chambongolo ndajaya bantu bali chuulu.'' ¹⁷ Samisoni nakamana kwambuula, wakasowa chifuwa chamuyaaya, mpawo wuzika busena obo kuti Lamati Lehi. ¹⁸ Samisoni wakaba anyota loko, mpawo wakiita Jehova akwamba kuti, ''Wapa kuzunda oku kupati kumulanda wako pesi linondifwe enyota na akuwida mumaanza abaabo batapalwidwe?'' ¹⁹ Leza wakandula busena bulampako oobo buli ku Lehi alimwi manzi akazwa. Nakanywa, kusima kwakwe kwakabweda alimwi waka bukulusigwa. Aboobo wakuuzika busena oobo kuti Eni Hakkole, alimwi buli ku Lehi ambuli sunu. ²⁰ Samisoni wakabeteka ba Izilayeli mumazuba aba Filisiti kwamyaaka ilimakkumi aabili.