¹ Samisoni wakakunukila ku Timuna, alimwi nkwakakubona mwanakazi nkuko uumwi wabana basimbi baba Filisiti. ² Nakabweeda, wakambula wisi abanyina, ''Ndakabona mwanakazi ku Timuna, uumwi wabana basimbi baba Filisiti. Lino mukandiletele abe mwanakazi wangu.'' ³ Wisi abanyina bakaamba kuti kulinguwe, ''Sena takwe mwanakazi na akkati kabana basimbi banzubo zyako, na akkati kabantu besu boonse? Ayobweza mwanakazi kuba Filisiti batapalwidwe na? Samisoni wakaamba kuti kuli wisi, ''Mundibwezele nkambo nendimulanga, ulandibotezya.'' ⁴ Pesi wisi abanyina tebakalizi kuti eyi nkani yazwa kuli Jehova, nkambo wakali kuyandisya kubusya kulwisyania aba Filisitiya (nkambo k uchiindi echo ba Filisitiya bakali kwendelezya ba Izilayeli) ⁵ Eelyo Samisoni wakakunukila ku Timuna awisi abanyina, alimwi bakasika kumyuunda yamasansa a Timuna. Alimwi, langa, nguulya umwi mwana wabalavu wakasika elyo mpawo kalokuvuluma kulinguwe. ⁶ Muuya wa Jehova wakamusikila akufwambana, alimwi waka kwamuuna mulavu akkati mubutetete mbuli mukukwamuna kapongo kanini akkati, alimwi katakwe chintu mujanza lyakwe. Pesi tewambila wisi chanyina echo nchakali wachita. ⁷ Wakeenda alimwi waambula amwanakazi, mpawo nakamulanga, wakamubotezya Samusoni. ⁸ Kumazuba mache biyo kajokede kuyomukwata wakaleya kumbali kuyolanga mutunta wamulavu. Alimwi, nakalanga, kwakali mbooma lyanzuki abuchi mukati kazyakali cheede mumubili wamulavu. ⁹ Wakakwangula buchi mumaanza akwe mpawo akweenda, kaya bulya kayabwenda. Nakasika kuli wisi abanyina, wakabapa bumwi. Alimwi bakalya. Pesi takabambila kuti buchi wakabububweza kulezyo zizo zyamubili zyamulavu zyakacheede. ¹⁰ Wisa Samisoni wakakunukila ooko kwakali mwanakazi alimwi Samisoni wakachita pobwe nkuko, nkako echi chakali chiyanza chabakubusi. ¹¹ Bamubone biyo benzubo zyakwe, bakamuletela benzinyina bali makkumi aatatu kuti bazobe awe. ¹² Samisoni wakati kulimbabo, ''Leka lino ndikwambile kalabiko naa umwi wanu wakonzya kukayanduula akundambila nsandulo mumazuba musanu aabili apobwe, ndiyomupa malembo atentema makumi aatatu azyakusama makumi atatu. ¹³ Pesi naa temwandaambila nsandulo, eelyo muyondipa malembo antenteema alimakumi aatatu azyakusama zili makumi atatu.'' Bakaamba kuti kuli nguwe, ''Twambile kalabiko kako kuti tukamvwe.'' ¹⁴ Wakabaambila kuti, ''Kuzwa muli singuzu mwakali chimwi chinona. ''Pesi batandidwe kujana nsandulo mumazuba aatatu, tebakajana nsandulo mumazuba atatu. ¹⁵ Mubuzuba bwane bakamba kumwanakazi wa Samusoni, eneena mulumi wako kuti atwambile nsandulo kukalabiko, kuti tekwaboobo tuyokuumpa lwako ang'anda yawuso. Sena wakatutamba okuno kuzotuchita bachete?'' ¹⁶ Mwanakazi wa Samisoni wakatalika kulila kunembo lyakwe, wakamba kuti, ''Zyoonse nzochita nkundisula! Tondiyandi pe, wakamba kalabiko kuli bamwi babantu bangu, pesi tonakundambila nsandulo.'' Samisoni wakamba kuti kulinguwe, ''Langa aano, naa tendakambila taata na baama bangu sena ngandilambila nduwe?'' ¹⁷ Wakalila mumazuba musanu aabili akumana apobwe. Mubuzuba bwamusanu aabili wakamwambila nsandulo nkambo wakamukatazya loko. Wakambila nsandulo nzubo zyabantu bakwe. ¹⁸ Kalitana bbilazuba mubuzuba bwamusanu aabili bantu bamuunzi bakaamba kuti kuli nguwe, ''Niinzi chinona mbuli buchi? Niinzi chilanguzu kwinda mulavu?'' Samisoni wakaamba kuti kuli mbabo, ''Naa temwakalima ampwizi yang'ombe yangu teensi ngamulayijana nsandulo yakalabiko kangu.'' ¹⁹ Eelyo muuya wa Jehova wakasika akufwambana ali Samisoni anguzu. Samisoni wakakunukila ku Asyikkeloni mpawo wajaya makumi aatatu abantu babo. Wakabweza zisalo, alimwi wakapa zisamo zyabo kulibaabo bakapandanuna kalabiko. Kanyemede loko, wakaya kung'anda yawisi. ²⁰ Mwanakazi wa Samisoni wakapegwa kumwenzinyina ngwayandisya.