¹ Eelyo Lakkeli nakabona kuti tazyalilide Jakkobbu mwana, Lakkeli wakaba eebbivwe amukulana wakwe. Wakati kuli Jakkobbu, ''Ndipe bana, kana ndifwe.'' ² Lunyemo lwa Jakkobbu lwakapyida Lakkeli. Wakati, ''Ndili aabusena bwa Leza na, ooyo wakukasya kuti ube abana?'' ³ Wakati, ''Langa, kuli mulanda wangu Bbila. Konjila kulinguwe, ambweni walikutumbuka bana kumazwi angu, alimwi ndiyooba aabana anguwe.'' ⁴ Aboobo wakamupa mulanda Bbila mbuli mukayintu, alimwi Jakkobbu wakanjila kulinguwe. ⁵ Bbila wakaminta alimwi wazyalila Jakkobbu mwana mulombe. ⁶ Mpawo Lakkeli wakati, ''Leza wanjilila alimwi wamvwa ijwi lyangu akundipa mwana mulombe.'' Akaambo kacheechi wakamuuzika izina lya Dani. ⁷ Bbila, mulanda wa Lakkeli wakaminta lubo alimwi wakazyalila Jakkobbu mwana mulombe wabili. ⁸ Lakkeli wakati, ''Akulwisyania kupati ndakalwisyania amukulana wangu alimwi ndazunda.'' Wakamuuzika zina lyakwe kuti Nafutali. ⁹ Eelyo Liya nakabona kuti wiimikila kuba abana, wakabweza Zilupa, mulanda wakwe, alimwi wamupa Jakkobbu mbuli mukayintu. ¹⁰ Zilupa mulanda wa Liya wakazyalila Jakkobbu mwana mulombe. ¹¹ Liya wakati, ''Eechi nchoolwe!'' aboobo wakamuuzika zina lyakuti Gaadi. ¹² Mpawo Zilupa, mulanda wa Liya wakazyalila Jakkobbu mwana mulombe wabili. ¹³ Liya wakati, ''Ndabotelwa! Nkaambo bana basimbi bayondiita kuti kubotelwa.'' Aboobo wakamuuzika zina lya Asya. ¹⁴ Lubbeni wakanjila muchiindi chakutebula witi alimwi wakajana michelo mumuunda. Wakiiyeta kulibanyina Liya. Mpawo Lakkeli wakati kuli Liya, ''Ndipe iimwi michelo yamwana wako mulombe.'' ¹⁵ Liya wakati kulinguwe, ''Ninkani niini na kulinduwe, kuti wakanditolela mulumi wangu?'' Lino uyanda kutola michelo yamwana wangu mulombe na, ayilayo?'' Lakkeli wakati, ''Mpawo uyoowona aandunwe mansiku aasunu, mukuchinchana amichelo yamwana wako mulombe. ¹⁶ Jakkobbu wakaza kuzwa kumuunda igolezya. Liya wakazwa aanze kuyoomuswanizya alimwi wakati, ''Weelede kusika kulindime, nkaambo ndakuula amichelo ya mwana wangu.'' Aboobo Jakkobbu wakawona a Liya mansiku ngaayo. ¹⁷ Leza wakaswiilizya kuli Liya, alimwi wakaminta akuzyalila Jakkobbu mwana mulombe wasanu. ¹⁸ Liya wakati, ''Leza wandipa mbadalo yangu nkaambo ndapa mulanda wangu wachanakazi kumulumi wangu.'' Wakamuuzika zina lyakuti Isakka. ¹⁹ Liya wakaminta alubo alimwi wakazyalila Jakkobbu mwana mulombe wamusanu awumwi. ²⁰ Liya wakati, ''Leza wandipa chipo chibotu. Lino mulumi wangu uyoondilemeka, nkaambo ndamuzyalila bana balombe bali musanu awumwi. Wakamuuzika zina lyakuti Zebbuloni. ²¹ Kuzwa aawo wakamuzyalila mwana musimbi alimwi wakamuuzika zina lya Dayina. ²² Leza wakayita Lakkeli wamuyeya alimwi wakamuswiilizya. Wakamuchita kuti abe eeda. ²³ Wakaminta alimwi wakazyala mwana. Wakati, ''Leza wagwisya buuse bwangu.'' ²⁴ Wakamuuzika zina lyakuti Jozefu, wakati, ''Jehova wandiyungizizya umbi mwana mulombe.'' ²⁵ Musule Lakkeli nkali wazyala Jozefu, Jakkobbu wakati kuli Labbani, ''Nditume, kuchitila kuti ndikonzye kwiinka kumunzi wangu ndemwini alimwi kuchisi changu. ²⁶ Ndipe banakazi bangu alimwi abana bangu aabo mbindakakubelekela, alimwi ndiinke, mbuli mbozi mulimu ngundakakupa.'' ²⁷ Labbani wakati kulinguwe, ''Na ndajana choolwe kubusyu bwako, imikila, nkaambo ndakayiya mukubelesya nguzu eezyo Jehova nzyakandilongezya kuchitila nduwe.'' ²⁸ Mpawo wakati, ''Amba mbadalo yako, alimwi ndiyoobbadala.'' ²⁹ Jakkobbu wakati kulinguwe, ''Ulizi mbundakakubelekela, alimwi mbuli zivubwa zyakombuzyakeenda andime. ³⁰ Nkaambo wakali aaziche nkesinaasika, alimwi zyayungizigwa mubwiingi. Jehova wakulongezya kufumbwa nkundakabeleka. Lino ndiilili nensikape kuli ben'anda yangu ndemwini alubo?'' ³¹ Aboobo Labbani wakati, ''Ndikubbadale anzi?'' Jakkobbu wakati, ''Tokoyoondipa chintu pe. Na ulachita chintu eechi akaambo kangu, alubo ndiyoosanina butanga bwako alimwi ndikabubambe. ³² Ndileke ndiinde mulutanga lwako sunu, kendikugwisya kuzwa kulimbubo imbelele zyoonse zili abusansiile alimwi, zili amabatamabata mbelele, alimwi iisiya aakati kambelele, alimwi ili amabatabata na busansile aakati kempongo. Eezi zinoli nimbadalo yangu. ³³ Kuzikatila kwangu kuyondipeda bukamboni mumazuba aatobela, wazooboola kuzoolingula mbadalo zyangu. Zyoonse eezyo zitakwe busansiike alimwi zili aamabatamabata aakati kempongo, alimwi azisiya aakati kembelele, na kwajanikana iimwi aantomwe anzizyo, zinoli zyabalwa kuti zyakabbigwa.'' ³⁴ Labbani wakati, ''Zyazuminika. Akukabe mbuli kumajwi aako.'' ³⁵ Mubuzuba oobo Labbani wakagwisya bapule bempongo bakali amweengo amabatamabata, alimwi zyoonse mpwizi zyakali abusansile a mabatamabata, zyoonse zyakali zyakali amubala uutuba mulinzizyo, alimwi azyoonse zisiya aakati kambelele, alimwi wakazipa mumaboko abana bakwe balombe. ³⁶ Labbani alubo wakabika lweendo lwamazuba otatwe aakati kakwe a Jakkobbu. Aboobo wakiinkilila kunembo kayembela butanga bwa Labbani bwakasyede. ³⁷ Jakkobbu wakabweza ntabi ntete zyamwiingili, azyamu alumondi alimwi azyamuse, alimwi wapapula mibala iituba mulinzizyo, alimwi wachita kutuba kwamukati kwachisamu kuti kuboneke.ooko kwakali mukaponda. ³⁸ Mpawo wakabika tuponda ntwakali wapapula kunembo lya mutiba wamanzi awo mpuzinywida. Zyakaminta eelyo nizyakalikuza kuzoonywa. ³⁹ Lutanga lwakali kutantana kunembo lyaponda; alimwi zyakazyala zili amyeengo, zili abusansile, alimwi zili amabatamabata nini. ⁴⁰ Jakkobbu wakagwisya mbelele eezi, pesi wakachita zyoonse kuti zilange banyama bali amyeengo alimwi zyoonse mbelele zisiya zyakali mubutanga bwa Labbani. Mpawo wakaligwisizya butanga bwakwe alike mwini alimwi takazibika aantomwe amatanga a Labbani. ⁴¹ Kufumbwa lyoonse imbelele zisimide nizyakali kutantana, mpawo Jakkobbu wakali kubika tuponda kumenso aambelele muzinywido, kuchitila kuti ziminte aakati katuponda. ⁴² Pesi kufumbwa eelyo tudandala twabanyama mubutanga nitwali kusika, takali kubika tuponda pe kunembo lyato. Aboobo tudandala twabanyama twakali twa Labbani, alimwi zisimide zyakali zya Jakkobbu. ⁴³ Mwaalumi wakazwidilila kapati. Wakali amatanga mapati, balanda banakazi alimwi abalanda baalumi, alimwi nkamela a madonki.