¹ Mpawo Jakkobbu wakeenda mulwendo lwakwe akusika kunyika yabantu bakujwe. ² Naakalanga, wakabona chikkala mumuunda, alimwi, bona, matanga aatatu ambelele akali lede ambali lyacho. Nkaambo kuzwa kuchikkala echo bakali kunywisya matanga, abbwe lijalide mulomo wachikkala echolyakali pati. ³ Elyo matanga nalikubungana nkuko ,beembeli bakakungulusya bbwe kuzwa kumulomo wachikkala akunywisya mbelele, akubika ibbwe alubo atala amulomo wachikkala, kubwedezya abusena bwalyo. ⁴ Jakkobbu wakati, kulimbabo,'' Nobakwesu muzwa kuli? Bakasandula,'' Tuzwa kuli Halani.'' ⁵ Wakati kuli mbabo,'' mulimuzina Labbani mwana wa Naho?'' Bakati'' Tulimuzi.'' ⁶ Wakati kulimbabo,'' ulikabotu na?'' Bakati'' ulikabotu, alubo, Langa okiya, Lakkeli mwanaakwe musimbi uleza ambelele.'' ⁷ Jakkobbu wakati,'' mubone, mpaakati kabuzuba. Tachili chiindi chamatanga kuti abunganisigwe antomwe. Mwelede kunywisya mbelele akwenda mpawo muzileke zikachele.'' ⁸ Bakati,'' Tatukonzyi kuzinywisya kusikila matanga woonse abunganisigwe antomwe. Baalumi mbibayakulungisya ibbwe kuzwa kumulomo wachikkala,mpawo tuyonywisya mbelele.'' ⁹ Jakkobbu nakachili kwambula ambabo, Lakkeli wakaza ambelele zyawisi, nkaambo wakali kuzyembela. ¹⁰ Eelyo Jakkobbu nakabona Lakkeli, mwana musimbi wa Labbani, munyaandumi wabanyina, ambelele zya Labbani, munyaandumi wabanyina, Jakkobbu wakeza kunembo, wakulungusya bbwe kuzwa kumulomo wachikkala akunywisya tanga lya Labbani, munyaandumi wabanyina. ¹¹ Jakkobbu wakamyonta Lakkeli akulilisya. ¹² Jakkobbu wakambila Lakkeli kuti wakali luzubo lwawisi, akuti wakali mwana wa Libbekka. Mpawo wakachijaana akuyobuzya wisi. ¹³ Elyo Jakkobbu nakamvwa makani atala amwana wamuchizi wakwe, wakachijaana kuyomuswaana, wamukumbata, wamumyonta, akumuleta kunganda yakwe. Jakkobbu wakambila Labbani zyoonse zintu ezi. ¹⁴ Labbani wakati kulinguwe,'' ulifuwa lyangu anyamaa yangu loko.'' mpawo Jakkobbu wakakkala anguwe kwakachibe mwezi omwe. ¹⁵ Mpawo Labbani wakati kuli Jakkobbu,'' uyondibelekela biyo na nkambo kakuti ulilizubo? Ndaambile, niyi chiyoba mufolo wako? ¹⁶ Lino Labbani wakali abana basimbi bali babili. Zina lyamupati wakali Liya, azina lyamuniini wakali Lakkeli. ¹⁷ Meso a Liya akali abulilila, pesi Lackeli wakali mubotu muchiimo amukubonwa. ¹⁸ Jakkobbu wakayanda Lakkeli, mpo wakati,'' Ndilabelekela Lakkeli kwaminyaka ili musanu ayibili, mwanaako musimbi munini.'' ¹⁹ Labbani wakati,'' chalimbubo kuti ndikupe nguwe, kwinda kuti ndimupe uumbi mwalumi. Kkala andime.'' ²⁰ Nkokuti Jakkobbu wakabelekela Lakkeli kwaminyaka ilimusanu ayibili ;alubo chakaboneka kuli nguwe kali amazuba mache biyo, akambo kaluyando ndwakalalo kuli nguwe. ²¹ Mpawo Jakkobbu wakati kuli Labbani,'' Ndipe mwanakazi wangu, nkaambo mazuba angu azulila kuchitila kuti ndimukkwate!'' ²² mpawo Labbani wakabungaania antomwe boonse baalumi bachilawu akuchita pobwe. ²³ Mumansiku, Labbani wakabweza mwanaakwe musimbi Liya akumuleta kuli Jakkobbu, oyo wakoonawe. ²⁴ Labbani wakapa mubelesi wakwe wachanakazi zilipa mumwanaakwe Liya, kuti abe mubelesi wakwe. ²⁵ Kuseni, bona, wakali Liya! Jakkobbu wakati kuli Labbani, '' Niinzi eechi nchiwachita kulindime? Tendakabelelkela Lakkeli na kuli nduwe? nkaambo nzi mpo niwandichengela?'' ²⁶ Labbani wakati,'' Tachili chiyanza chesu kupa mwana musimbi munini kutali kuti mutaanzi kukuzyalwa. ²⁷ Maninsya mviki yabwiinga yamwana musimbi oyu , alubo tuyokupa uumbi lubo mukuyondibeekela imbi minyaka ili musanu ayibili.'' ²⁸ Jakkobbu wakachita obo, akumaninsya mviki ya Liya. Mpawo Labbani wakamupa Lakkeli mwanaakwe musimbi mbuuli mmwanakazi wakwe alakwe. ²⁹ Labbani alubo wakati bbila kumwanaakwe musimbi Lakkeli, kuti abe mubelesi wakwe. ³⁰ Mpawo Jakkobbu wakoonawe awe Lakkeli, alakwe, pesi wakali kuyanda Lakkeli kwiinda Liya. Mpawo Jakkobbu wakabelekela Labbani minyaka ili musanu ayibili imbi. ³¹ Jehova wakabona kuli Liya wakatali kuyandwa, mpawo wakamujula zyalilo lyake, pesi Lakkeli takali abana. ³² Liya wakaminta akuzyala mwana mulombe, akumwita zina lya Lubbeni. Nkaambo wakati,'' Akambo kakuti Jehova walanga atala amakataazyo angu; nchobeni lino mulumi wangu uyakundiyanda.'' ³³ Mpawo wakaminta alubo akuzyala mwana mulombe. Wakati'' Akambo kakuti Jehova wazimvwa kuti tandiyandwi, nkinkaako wanddipa alubo oyu mwana mulombe,'' akumwita zina lya Simiyoni. ³⁴ Mpawo wakaminta lubo akuzyala mwana mulombe. Wakati'' Lino mulumi wangu chiindi echino ulakunamatila kulindime, nkaambo ndamuzyalila bana balombe batatu.'' Nkinkako zina lyakwe wakategwa ngu Levi. ³⁵ Wakaminta alubo akuzyala mwana mulombe wakati,'' Chiindi echino ndiyo tembawula Jehova.'' Nkinkaako wakamuti zina lyakwe ngu Juda; mpawo wakayimakuba abana.