¹ Izekki wakayita Jakkobbu, akumulongezya akumulayilila , '' toyelede kukwata mwanakazi pe kuzwa kubanakazi baku Kkenani. ² Buka, koya ku Padamu Alamu, kunganda ya Bbetuweli wisi wabanyoko akukwata mwanakazi uuzwa oko, umwi wabana ba Labbeni, munyaandumi wabanyoko. ³ Nechakonzeka Leza simanguzu akulongezye, akuzyazye akukuvuzya, kuchitila kuti mukabe makamu aabantu . ⁴ Nechakonzeka amupe choolwe cha Abbulahamu kulinduwe, alimwi kulunyungu lwakwe muluse lwako, ikuti mukakone nyika eeyo nkomwakali kukkala, eeyo Leza njaaka mupa Abbulahamu.'' ⁵ Aboobo Izeyikki wakatuma Jakkobu.Jakkobu wakaya ku Padamu Alamu, kuli Labbani mwana wa Bbetuweli mu Alamu, munyaandumi wa Libbeka, banyina Jakkobbu a Isawu. ⁶ Lino Isawu wakabona kuti Isakki wakalongezya Jakkobbu akumutuma ku Padani Alamu, koya kwata nkukooko. Wakabona alimwi kuti Izekki wakamulongezya akumupa malayilile, kuti,'' Toyelede kukwata mwanakazi uuzw ku Kkenani.'' ⁷ Isawu wakabona alubo kuti Jakkobbu wakaswilila wisi abanyina, alimwi wakiinka ku Paddani Alamu. ⁸ Isawu wakabona kuti banakazi baku Kkenani tabamubotezyi pe Ayizekki wisi. ⁹ Aboobo wakiinka kuli Isyumayeli,akukkwata, kunze kwabanakazi aabo mbakalabo, Mahalati mwana musimbi wa Isyumayeli, mwana mulombe wa Abbulahamu muchizi wa Nebbayoti, kuti abe mukakwe. ¹⁰ Jakkobbu wakazwa ku Bbalisebba akweenda kuya ku Halani. ¹¹ wasika aali bumwi busena alimwi wakakkala aawo mansiku woonse, nkambo izuba lyakali lyabbila, Wakabweza lyamabbwe aakulobo busena, wakalisegela,akulala aansi kulobo busena kuti awone. ¹² Wakabona akulota muntambiliko uuzwa aansi, impela yawo yakasika kujulu abangelo ba Leza bakali kutanta aali nguwo. ¹³ Boona, Jehova wakaliimvwi aajulu aawo akwaamba kuti,'' Ndime Jehova, Leza wa Abbulahamu wuso, alimwi Leza wa Ayizekki. Busena aawo mpolede, Ndiyoopa kulinduwe akulunyungu lwako. ¹⁴ Lunyungu lwako luyooba mbuuli lusuko lwanyika, alimwi muyoosaalila koosika kububbila, kuya kubuzwezuba, kuya kunyika, akumusanza kwiindila muli nduwe akwiindila kulunyungu lwako impuli zyoonse zyanyika ziyo lingezegwa ¹⁵ .Boona, ndinoli aayebo alimwi ndiyokubamba kufumbwa nkotakaye. Ndiyokuboozya lubo kuliino nyika; akaako nsikoyokusiya pe. Ndiyokuchitila zyoonse eezyo nzindakakusyomezya.'' ¹⁶ Jakkobbu wakasinsimuka kuzwa kungonzi, mpawo wakatii,'' Nchobeni Jehova mwali mubusena oobuno, alimwi teendazi pe.'' ¹⁷ Wakayoowa akwamba kuti,'' Buyoosya biyeni busena oobu ! Nchobeni eyi ninganda ya Leza. oyu mulyango wakujulu.'' ¹⁸ Jakkobbu wakabuka achifumo akubweza bbwe elyo ndyakasegede. Wakalyiimikizya mbuuli musemu akulitila mafuta ajulu aalyo. ¹⁹ Wakabuuzika busena oobo kuti Bbeteli, pesi zina lyaboobo busena lyakazibinkene kuti Luzi. ²⁰ Jakkobbu wakakkonkezya chikonke, wamba,'' Naa Leza wabaandime akuyondibamba munzila eyi njendiyobwenda, akundipa nsima kuti ndilye, akundipa zizwaato kuti ndizwaate, ²¹ kuchitila kuti ndikabweede kabotu kunganda yandeende,mpawo Jehova uyoba Leza wangu. ²² Mpawo eeli bbwe ndindachita musemu liyoba liyoba bbwe lisalala. Kuzwa kuli zyoonse nzyondipa nchobeni ndiyogwisya chakkumi akubwedezya kulinduwe.''