¹ Lino Ayizekki wakali wachembaala ameso akwe akali agubi kuti takachili kubonape, wakayita Isawu, mwana mupati, akwamaba kuti kuli nguwe,'' Mwanaangu.'' Isawu wakati kuli nguwe,'' Ndilaano.'' ² alimwi Ayizekki wakati,''bona awa, Ndachembaala, Tandizi buzuba bwakufwa kwangu. ³ Nkinkaako bweza zivwimyo zyako, inkomo yako abuta bwako, akuya mulusaka akuyondivwimina munyama. ⁴ Undichitile chakulya chinono, mbubonya mbuli mbiyandisya, akwileta kulindime kuti ndilye akukulongezya nkitanaafwa.'' ⁵ Lino Libbekka wakamvwa chiindi Ayizekki nakali kwambula a Isawu mwanaakwe. Isawu wakaya mulusaka kukuyovwima munyama akumweta. ⁶ Libbekka wakaambila Jakkobbu mwanaakwe akwamba kuti,'' bona awa, Ndamvwa wuso kawambuulaa a Isawu mukulana wako. wakati, ⁷ 'undetele nyama yamulusaka akundichitila chakulya chinono, kuti ndilye mpawo ndikulongezye kunembo lya Jehova kanditanaafwa.' ⁸ Lino nkinkaako, mwanaangu, swilila jwi lyangu mbuuli mbikulayilila. ⁹ Koya kubutanga akundiletela mpongo zibili zyebeka; alimwi ndiyokuchitila chakulya chinonokuzwa kuli mbabo kuzwa kuli wuso, mbuuli mbayanda. ¹⁰ Ukamutolele wuso, kuti akiilye, kuti akulongezye kalutana sika kufu lwakwe.'' ¹¹ Jakkobbu wakati kuli Libekka banyina,''Bona, Isawu mukkulana wangungusimavwele, mpawo ime ndibulungusene. ¹² Alimwi ndeende akandigume, alimwi ndiyoba mbuuli silweno. Ndiyoleta lutuko aalindime akutalongezegwa.'' ¹³ Banyina bakati kulinguwe,'' Mwanaangu, leka lutuko lube alindime. swiilila jwi lyangu , alimwi akwiinka, ubeete kulindime.'' ¹⁴ Elyo Jakkobbu wayinka akubweza tupongo akututola kuli banyina, alimwi banyina bakachita kulya kunono, mbuuli wisi mbwakali kuyanda. ¹⁵ Libbekka wakabweza zyakusama zibotu zya Isawu, mwana wakwe mupati, nzyaakalazyo munganda,akusamika Jakkobbu, mwana wakwe munini. ¹⁶ Wakamuzambilila zikkumba zyabana bampongo mumaboko akwe amunsingo yakwe. ¹⁷ Wakabika kulya kunono ansima eeyonjakabambide mumaboko amwana wakwe Jakkobbu. ¹⁸ Jakkobbu wakaya kuli wisi mpawo wakuti,'' Ndeende wangu.'' Wisi wakati,'' Ndili ano; nduweni, mwanaangu?'' ¹⁹ Jakkobbu wakati kuli wisi, ''Ndime Isawu mwana wako mutaanzi. Ndachita mbuuli mbuwamba kuli ndime. Lino kkala akulya imwi nyama yamusokwe, kuti undilongezye.'' ²⁰ Ayizekki wakati kumwanaakwe,''wafwambaana biyeni kwijana, mwanaangu?'' wakati,'' Nkaambo Jehova Leza wako wandiletela.'' ²¹ Ayizekki wakati kuli jakkobbu,'' kweza afwifwi andime, kuti ndikugume, mwanaangu, akwiiya kuti ulimwana wanguna choonzyo Isawu na pe.'' ²² Jakkobbu wakaya kuli Ayizekki wisi wakwe; alimwi Ayizekki wakamuguma akwaamba,'' ijwindijwi lya Jakkobbu, pesi maboko maboko a Isawu,.'' ²³ Ayizekki tewakamuziba pe, nkaambo maboko akwe akali amavwele, mbuuli maboko amukkulana wakwe Isawu, aboobo Ayizekki wakamulongezya. ²⁴ Wakati,'''Nduwena mwanaangu Isawu?'' wakasandula,'' Ndime.'' ²⁵ Ayizekki wakati, eta kulya kuli ndime, mpawo ndilye nyama yako yamusokwe, kuti ndika kulongezye.'' Jakkobbu wakaleta kulya kuli nguwe. Ayizekki wakalya alimwi Jakkobbu wakaleta wayini, mpawo wakanywa. ²⁶ Mpawo wisi Ayizekkiwakati kulinguwe, kuza afwifwi lino mpawo undimyonte, mwanaangu.'' ²⁷ Jakkobbu wakaza afwifwi akumumyonta, mpawo wakamununkizya bweema bwazisamo zyakwe mpawo wakamulongezya. Wakati ,'' Bona, ibwema bwa mwanaangu buli mbuli bwema bwamuunda oyu Jehova ngwakalongezya. ²⁸ Nichabota Leza akupe chimpanzi chamuume wakujulu, chimpanzichamafuta amunyika, azilyo zyiingi awayini mupya. ²⁹ Chilabota bantu bakubelekele amasi bakuvundamine. Ukabe mwami akkati kabakkulana bako, Alimwi nichabota bana babanyoko bakakukkkotamine, awoonse ukutuka akatukwe, alongezegwe woonse ukulongezya.'' ³⁰ Mbaakakmana biyo Ayizekki kulongezya Jakkobbu, alimwi Jakkobbu wakanywebuka kuzwa munsi lya wisi Ayizekki, Isawu mukulana wakwe wakaboola kuzwa kukuvwima. ³¹ Alimwi wakajika kulya kunono akutola kuli wisi. Wakati kuli wisi,'' Ndeende, buka ulye imwi nyama yamusokwe, kuti ukandilongezye.'' ³² Ayizekki wisi wakwe wakati kuli nguwe,'' Nduweni?'' wakati, Ndime mwana wako, mutaanzi, Isawu.'' ³³ Ayizekki wakakankamaloko akwamba kuti,'' Nngwani wakavwima nyama yamusokwe akwileta kulindime?'' Ndakiilya lyoonse kotanakusika, mpawo ndamulongezya. Nchobeni, uyoolongezegwa.'' ³⁴ Elyo Isawu nakaamvwa majwi awisi, wakalila akulilila kupati, alimwi wakati kuli wisi,'' Ndilongezye, mebo alimwi,ndeende.? ³⁵ Ayizekki wakati,'' Mukkulana wako waza ano achalweno akubweza zilongezyo zyako.'' ³⁶ Isawu wakati,'' sa tewawuzikwa Jakkobbu?''Nkaambo wandeena tubili. Wandibwezela bupati bwangu, alimwi, bona, lino wabweza chilongezyo changu.'' Mpawo wakati, ''Tewandibambila zilongezyo zyangu na?'' ³⁷ Ayizekki wakasandula akwaamba kuli Isawu, ''Langa, ndamuchita simalelo wako, alimwi ndamupeda banike bakwe boonse mbuuli bazike bawe, akumupa zilyo awayini. Ndikuchitilenzi chimbi, mwanaangu mulombe?'' ³⁸ Isawu wakati kuli wisi,'' tokwe chimbi na chilongezyo changu,ndeende,Ndilongezye, andime,ndeende.? Isawu wakalila chakoompolola ³⁹ Ayizekki wisi wakwe wakasandula akwamba kuti kulinguwe,'' Langa, busena mbuyokkala buyoba kule kuzwa kubuvubi bwanyika, kuzwa kule amume atala lyanyika. ⁴⁰ Uyopona apanga, alimwi uyobelekela mwanikaako. Pesi eelyo wakumubukila, uyozungania mukkuli wakwe kuzwa kunsingo yako.'' ⁴¹ Isawu wakasula Jakkobu nkaambo kachilongezyo eecho wisi nchakamupa. Isawu wakati mumoyo wakwe,'' Mazuba aakulila ndeende abafwifwi; akwinda ndiyo jaya mwanike wangu Jakkobbu.'' ⁴² Majwi a Isawu mwana wakwe mupati akambila Libbekka. Lino wakatuma akwiita Jakkobbu mwana wakwe munini akwamba kuli nguwe,'' Bona, mukulana wako Isawu ulakanza atala anduwe akubamba kukujaya ⁴³ Lino nkinkaako, mwanaangu, ndiswiilile akuchijila kuli Labbani, kumunyaandumi wangu mu Halani ⁴⁴ ukkale anguwe kayindi kanini, kusikila aleke kunyema kwakwe. ⁴⁵ Kusikila kunyema kwamukkulana wako kumane kuli nduwe, akuluba ezyo nziwakamuchitila. Mpawo ndiyotuma akukuboozya kuzwa ooko. Nhaambonzi nintamuswekelwe moonse kamulibabili mubuzuba bomwe? ⁴⁶ Libbekka wakati kuli Ayizekki.'' bwandikataazya buumi nkambo kabana basimbi ba Heti. Na Jakkobbu wabweza umwi wabana ba basimbi ba Heti mbuuli mwanakazi, mbuuli banakazi aba, bamwi bana basimbi bamunyika, mbubotuunzi buyoba mubuumi kuli ndime.?''